If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
والناس بترجع تزعل وتقول كلام غريب علي العموم برده مرحبا بكم في قسم بيجو بيجاويييييييييييي للابد
وممكن تروحوا تشكروا في ستروين في قسم سيتروين احسن
ممكن انا معبتش في بيجو انا بكلم في شكل وان الشكل دة ولة بيعيب في ستروين ولة بيعيب في بيجو علشان كل واحد وزوقة وبعدين اروح قسم ستروين لية و الموضوع هنا بيقارن شكل بيجو ب ستروين مش هنا قسم بيجو
الأسبوع ده كان أول تجربة سفر بالبيجو 301 الهاي لاين لأن كان عندي مشوار للغردقة و الحمد لله الطريق كان كويس جدا وانا الطريق متعود عليه لاني بسافر كل كام شهر الغردقة
بالنسبة للعربية فالحمد لله ثابتة ومستجيبة للسرعة ....متوسط السرعة كان 120-130 ووصلت لحد 170 لمده صغيرة .....على سرعة 120 بيكون RPM لفات الموتور 3500 ووصلت 5000 مع سرعة 170 (العربية طبعا اوتوماتيك) وأكيد لو العربية كانت 6 سرعات كانت حتكون مستريحة اكتر ولكن هي معندهاش أي مقاومة للسرعة وبتحب الجري
استهلاك البنزين من القاهرة للغردقة بيكون دايما احسن من العكس لان بيكون مع اتجاه الريح وعلى حسابي زى ما قلت بسرعة متوسطة 120-130 والتكييف مفتوح 7.5 لتر/100كم أما في الرجوع ومع مقاومة الريح في الطريق للقاهرة وخاصة اليومين دول لان فيه رياح جامدة ومع نفس السرعة والتكييف فتقريبا كان 8.8 لتر/كم وانا شايف معقول جدا مقارنة بعربيتي السابقة الالنترا 2012 واللي كان استهلاكها أفضل من كده بفرق بسيط بس طبعا الالنترا مع الفتيس 6 سرعات كانت مرتاحة اكتر في السرعة
تقرير ممتاز, وأستهلاك بنزين ممتاز جداً
خصوصاً أنك عارف ظروف الطريق من ناحية أتجاه الريح ومجرب قبل كدا عربية تانية عليه.
مبروك علي العربية وفعلاً موتور البيجو 301 استجابته لتجميع السرعة سريعة جداً وثبات البيجو عموماً وفراملها فارق بمراحل عن الكوري واكيد أنت حسيت دا بس نسيت تحكي عن الفرامل, ;)
بالصدفة في الباركينج في الغردقة لقيت ستروين سي اليزيه هاي لاين نفس اللون بتاع البيجو (الشامبين)
واخدت لهم صورة وجه لوجه لأني اول مرة اشوفها في اللون الشامبين وطبعا هما الاتنين اخوات حلوين بس انا لسه برضه متحيز للبيجو
تقرير ممتاز, وأستهلاك بنزين ممتاز جداً
خصوصاً أنك عارف ظروف الطريق من ناحية أتجاه الريح ومجرب قبل كدا عربية تانية عليه.
مبروك علي العربية وفعلاً موتور البيجو 301 استجابته لتجميع السرعة سريعة جداً وثبات البيجو عموماً وفراملها فارق بمراحل عن الكوري واكيد أنت حسيت دا بس نسيت تحكي عن الفرامل, ;)
الحمد لله ان الصور عجبتكم بس ده طبعا بسبب ان المحتوى بتاعهم جميل سواء البيجو او الاليزيه
بالنسبة للفرامل فما شاء الله طبعا فيه فرق كبير جداً بينها وبين الالنترا بس كمان الفرق الأكبر مع عربيه زوجتي كيا سول ٢٠١٢ فراملها فعلا مش كويسه ( العربية عامله ١٣ الف كيلو بس ومفيهاش ABS) وكذا مره رحت توكيل كيا وآخر مره قالولي ان التيل محتاج يتغير على ١٥ الف ومن كأم يوم سقت الكيا وكان بقالي فتره طويله ما سقتهاش وحسيت علطول بفرق الفرامل لا طبعا فرامل البيجو ممتازة الحمد لله
على فكره أنا كنت شاري البيجو بنيه أني أستعملها شويه وعلى الصيف الجاي اسيبها لابني علشان يروح بيها الجامعه لكني غيرت رأيي بعد ما سقتها لانها فعلا لقيتها اكتر ما اتوقعت وحابب اخليها معايا وهو ربنا معاه يميل على والدته ويأخذ السول
شكرا يا أستاذ أحمد والحقيقة أنا باستفاد من تعليقاتك المتخصصة والمعلومات المهمة اللي بتشارك بيها في المنتدى
صورة تانية للأختين الحلويين من الجهة الامامية
شكرا يا أستاذ أحمد والحقيقة أنا باستفاد من تعليقاتك المتخصصة والمعلومات المهمة اللي بتشارك بيها في المنتدى
صورة تانية للأختين الحلويين من الجهة الامامية
بسم الله ما شاء الله شكلهم شيك
بس حد بالله عليكم يفهمني ليه الناس بتغطي النمر فالصور
سواء فالمنتدى أو في البيع على النت
مش شايف سبب وجيه؟؟؟؟!!!
مشكور على الصور والتقرير
وبالمناسبة لما شفت صورة العربيتين من الجنب كنت فاكر البيجو هي ستروين والعكس وبقول لا البيجو من الجنب احلى بسبب شكل الفانوس الخلفي فقط لانهم تبيكل في الشكل
وعموما الستروين شكلها افضل من الخلف لاكن من الامام الاتنين شكلهم جامد بسم الله ما شاء الله
السؤال بقى هل العربيتين نفس الموتور ونفس الفتيس والعفشة؟
[CENTER]في الماضي كان الخطر الكبير الذي يواجه المصريين النظام الفاسد[/CENTER]
[CENTER]الان الخطر الاكبر الذي يواجه مصر والمصريين هو الجهل[/CENTER]
Comment