ازاى تكتشف بنفسك ايموبليزر بيجو 301

[goldfinger2]

السلام عليكم
نظرا لوجود ناس بتشكك ان ال301 فيها ايموبليزر ،
فى تجربة بسيطة جدا ممكن نعملها وهاتتاكد ان فيها ايموبليزر ،بس قبل كدة هوضح باختصار يعنى ايه ايموبليزر
فى تقنية اسمها RFID وهى زى اللى موجودة فى ال smart card بتاع الفندق ، الكارت ده فى ic يتم برمجتها بكود معين يسمى IDبالتالى فى الفندق الكارت المبرمج بال اى دى بتاع غرفة معينة ماينفعش يفتح غيرها ،
ده مثال بسيط للى موجود فى العربية
نيجى للتجربة :
ادخل عربيتك واتاكد ان الزجاج مغلق ومفيش صوت دوشة حواليك ، ومن ساعة ماتدخل العربية اتاكد ان المفتاح بتاعك بعيد عن الكونتاك ،
انظر فوق الفتحة بتاعة المفتاح ،هتلاقة خرم صغير ده المستقبل اللى بيقرا الشفرة
استعد لتقريب جسم المفتاح البلاستيك من الفتحة الى فوق مدخل المفتاح واسمع صوت طرمبة البنزين بتدور لتستعد لتدوير السيارة ،
لو مسمعتهاش ابعد المفتاح تانى وانتظر حوالى 10 ثوانى وقربه تانى واسمع ،
السبب : ان ال chip اللى موجودة فى المفتاح ليها كود خاص بالعربية وبمجرد تقريب المفتاح من الكونتاكت ،السيارة تقرا الكود ،زى باب غرفة الفندق بتقرب الكارت، الباب بيقرا الكود اللى على الكارت ولو صح بيفتح

جربوا ياجماعة وقولولى ايه رايكوا،
حتى يصمت الفتايين

[abohend]

فكرة مبتكرة

فكرة كويسة جدا
و فعلا أنا مكنتش عارف أتأكد هل البيجو 206 اللي كانت معايا فيها إموبيلايزر و لا لأ
كان نفسي أعمل التجربة بس إن شاء الله لما أستلم
لأني حاليا حافي من غير عربية في إنتظار التسليم بإذن الله

و يا ريت لو تنقل الموضوع ده للمنتدى العام عشان في ناس كتير أصحاب أوبل و ماركات تانية موديلات قديمة مبيبقوش عارفين هل عربياتهم فيها و لا لأ
و طبعا قبل 2005 محدش كان بيشغل باله بموضوع الإموبيلايزر زي دلوقت

شكرا لنقل خبرتك

[mohamed hussei]

اسهل من كدة تروح تعمل نسخة عادي علي مفتاح شوف هتدورو ولة لا

[goldfinger2]

مبدئيا مش كل العربيات فيها نفس الكنترول يونت، بمعنى ان كل عربيه فيها سوفت ويير مختلف عن التانية ومبرمجة على حاجات غير التانية ، مثلا انا جربت الموضوع دة على اوكتافيا a5ماسمعتش صوت الطرمبة ،المقصود ان ممكن عربية تكون مبرمجة ان قبل ماتدخل المفتاح تكون الطرمبة دارت تيسيرا للوقت (زى اللى فى البيجو 301) وفى عربيات مجرد ان العربية بتقرا الشفرة فقط اللى فى المفتاح وبعد كدة بتنتظر انك تفتح الكونتاك عشان تدور الطرمبة وتجهز الموتور للدوران ، معنى كدة ان دة مش ثابت فى كل العربيات اللى فيها ايموبليزر بس لو لقيت اى استجابة من العربية عند تقريب المفتاح من الكونتاك ده يدل ان فيها ايموبليزر
يا ريت لو حد معاه عربية غير البيجو وجرب الموضوع دة يقولنا

[goldfinger2]

فكرة كويسة جدا
و فعلا أنا مكنتش عارف أتأكد هل البيجو 206 اللي كانت معايا فيها إموبيلايزر و لا لأ
كان نفسي أعمل التجربة بس إن شاء الله لما أستلم
لأني حاليا حافي من غير عربية في إنتظار التسليم بإذن الله

و يا ريت لو تنقل الموضوع ده للمنتدى العام عشان في ناس كتير أصحاب أوبل و ماركات تانية موديلات قديمة مبيبقوش عارفين هل عربياتهم فيها و لا لأ
و طبعا قبل 2005 محدش كان بيشغل باله بموضوع الإموبيلايزر زي دلوقت

شكرا لنقل خبرتك

ربنا يباركلك ياابوهند احنا بنتعلم منكم،ويارب تستلم على خير وتتهنى بيها، ومبروك مقدما

[hugan]

اسهل من كدة تروح تعمل نسخة عادي علي مفتاح شوف هتدورو ولة لا

+111111111111

[J A G U A R]

اسهل من كدة تروح تعمل نسخة عادي علي مفتاح شوف هتدورو ولة لا

صحيح

[besso]

المفروض لو العربيه فيها ايموبلايزر اول لما تحط المفتاح بتلاقى لمبه على شكل عربيه فيها مفتاح المبه دى بتنور فتره وتقفل

[abohend]

المفروض لو العربيه فيها ايموبلايزر اول لما تحط المفتاح بتلاقى لمبه على شكل عربيه فيها مفتاح المبه دى بتنور فتره وتقفل

مش كل العربيات
في عربيات فيها إموبيلايزر و مفيهاش اللمبة دي
مثلا بيجو 206 و أظن ال301 كمان

[goldfinger2]

اسهل من كدة تروح تعمل نسخة عادي علي مفتاح شوف هتدورو ولة لا

اسهللك تعمل مفتاح؟ ولا تجرب بالمفتاح الاصلى!!

[د/سامح]

مشكور يا أستاذ عمرو , على فكرة تجربة حضرتك دي حصلت معايا بالصدفة ..... من كام يوم لاحظت اني سمعت صوت طلمبة البنزين قبل ما احط المفتاح في الكونتاكت ... و على فكرة مش كنت مقرب المفتاح من الكونتاكت كمان دة يمكن كان المفتاح في ايدي جنب الكاسيت كدة

[mohamed hussei]

اسهللك تعمل مفتاح؟ ولا تجرب بالمفتاح الاصلى!!

اسهلي طبعا اعمل بمفتاح العربية الاصلي بس ممكن تكون العربية مش مبرجة علي ان الطرمبة تشتغل لما مفتاح يقرب ممكن لما تحط المفتاح في كونتاكت

[Ahmed Amin]

السلام عليكم
نظرا لوجود ناس بتشكك ان ال301 فيها ايموبليزر ،

فى تجربة بسيطة جدا ممكن نعملها وهاتتاكد ان فيها ايموبليزر ،بس قبل كدة هوضح باختصار يعنى ايه ايموبليزر
ده مثال بسيط للى موجود فى العربية

نيجى للتجربة :
ادخل عربيتك واتاكد ان الزجاج مغلق ومفيش صوت دوشة حواليك ، ومن ساعة ماتدخل العربية اتاكد ان المفتاح بتاعك بعيد عن الكونتاك ،
انظر فوق الفتحة بتاعة المفتاح ،هتلاقة خرم صغير ده المستقبل اللى بيقرا الشفرة
استعد لتقريب جسم المفتاح البلاستيك من الفتحة الى فوق مدخل المفتاح واسمع صوت طرمبة البنزين بتدور لتستعد لتدوير السيارة ،
لو مسمعتهاش ابعد المفتاح تانى وانتظر حوالى 10 ثوانى وقربه تانى واسمع ،
السبب : ان ال chip اللى موجودة فى المفتاح ليها كود خاص بالعربية وبمجرد تقريب المفتاح من الكونتاكت ،السيارة تقرا الكود ،زى باب غرفة الفندق بتقرب الكارت، الباب بيقرا الكود اللى على الكارت ولو صح بيفتح

جربوا ياجماعة وقولولى ايه رايكوا،
حتى يصمت الفتايين

فعلاً الطرمبة بتحضر البنزين أول ما بتدخل المفتاح في الكونتاك,
أو حتي بتلمس المفتاح في الكونتاك من غير ما تدخله,,

وفيه طريقة تانية زي فك المفتاح وتشوف ال chip
وطريقة تالتة زي عمل مفتاح أحتياطي من غير chip

لكن طبعاً الطريقة اللي أنت قلتها دي أسهلهم,

[mahmed0100]

لسه مجربها امبارح و فعلا لما دخلت المفتاح في الكونتاكت لاحظت ان في صوت بيحصل قبل التدويره :)

[wel781]

حلوة الحركة ديه هاجربها إن شاء الله