مسند يد لـ 301 بيزلاين

[Mohamed_Ayman]

الأخوة المحترمين ،

أنا لما اتفرجت على العربية حاسيت إن مسند اليد مريح جدا خاصة مع القيادة لفترة طويلة.
بس برضه علشان يتركب ف التوكيل بـ 1000 أو 1200 حنيه كتيير أوى ،

لو فى حد شاف أو ركب مسند بسعر كويس ويكون شكله وحجمه مناسب للسيارة يا ريت يقولنا

شكراً ودمتم فى حفظ الله

[TryToB]

متابع

[Hema_Basha]

[TryToB]

دى موجوده فى مصر يا ابراهيم و موجودة فين؟

[Moe86]

الكماليات دى موجودة كتير فى سوق التوفيقية (العتبة) و ش دمشق فى مصر الجديدة

[Hema_Basha]

دى موجوده فى مصر يا ابراهيم و موجودة فين؟

مش عارف بصراحة بس هي ع النت وده اللينك
Omsa Otomotiv Aksesuarları A.Ş.

[sonybony]

بس كويس انها موجوده في الوكيل حتي لو غاليه المهم انها موجوده ومش خساره لانها حاجه معمره

[mahmoud_afifi]

على فكره 1000 ولا حتى 1200 يعتبر سعر كويس. في الالنترا ب1500 من غير تركيب ولا ضريبه. بس بصراحه مهم جدا في الراحه والشكل

[smsm2004w]

موجود فى سوق التوفيقية وحاول تجيب اللى بيتحشر بين الكرسيين مش اللى بيتثبت علشان الضمان بتاع العربية ولو تقدر تجيب العربية هايلاين وتريح نفسك من الأول يبقى احسن لأن الفرق يستاهل

[Mohamed_Ayman]

شكرا لكل الأخوة اللى شرفونى بالرد

على فكره 1000 ولا حتى 1200 يعتبر سعر كويس. في الالنترا ب1500 من غير تركيب ولا ضريبه. بس بصراحه مهم جدا في الراحه والشكل

يعنى يا أستاذ محمود تفتكر فرق السعر بين الأصلى والعادى يستاهل؟

[Mohamed_Ayman]

موجود فى سوق التوفيقية وحاول تجيب اللى بيتحشر بين الكرسيين مش اللى بيتثبت علشان الضمان بتاع العربية ولو تقدر تجيب العربية هايلاين وتريح نفسك من الأول يبقى احسن لأن الفرق يستاهل

شكرا لحضرتك ، بس يعنى لو ركبت مسند يد وفرش كدا هيوقفوا الضمان؟

[smsm2004w]

شكرا لحضرتك ، بس يعنى لو ركبت مسند يد وفرش كدا هيوقفوا الضمان؟

هو الفرش والأرضية والشنطة مفيش مشكلة لأن التوكيل مبيعملهمش لكن اى شئ موجود فى التوكيل مبيسمحش لحد انه يركبة برة ولو هتركب اى حاجة تبقى من غير مسامير او من غير سلك علشان محدش يتحجج ليك فى التوكيل على اى مشكلة لا قدر الله ويقولك بسبب اللى انت ركبته بره

[mahmoud_afifi]

شكرا لكل الأخوة اللى شرفونى بالرد



يعنى يا أستاذ محمود تفتكر فرق السعر بين الأصلى والعادى يستاهل؟

يستاهل جدا. خامة نضيفه والجلد بتاع مسند البيجو/الستروين مريح لأني جربته. وهتحس ان العربيه كلها بقت متجانسه مفيش حاجه غريبه دخلت شوهت منظر العربيه من جوه.
وعلى فكره عندي جربت المساند بتاعت الاكسسوارات وطبعا سيئه قمت جبت الاصلي مضطر رغم سعره العالي. بس ماحستش بأن سعره عالي لأني دفعت على مرتين. فلوس تحت الحساب ولما المسند جه بعد 3 شهور كملت باقي المبلغ.
بالتوفيق