صوت ونة فى البيجو 301 !!

[hazem_alaedin]

السلام عليكم, من ساعة ما جبت ال301 و أنا بسمع صوت "ونة" من ناحية اليمين من 80 كم/س إلى 110 كم/س و بعد كده تروح, مش عارف الصوت ده جاى من العجل ولا الموتور ولا من الهوا لما بيخبط فى المراية اليمين !! و بعدين بصراحة انا حاسس إن صوت الهوا عامل دوشة جامدة -و أنا قافل الزجاج طبعا- , فهل ده بيحصل مع حد غيرى و لا أنا بس ؟ أرجو الإفادة , شكرا

[mohamed hussei]

في ناس كان عندهم صوت دة ولما شالو الاريال صوت راح انت معاك هاي لاين ولة بيزك ؟

[hazem_alaedin]

أنا معايا هاى لاين !! و موضوع الإريال ده حاجربه وأنا مروح من الشغل النهارده, يمكن يكون هو السبب !!

[mohamed hussei]

أنا معايا هاى لاين !! و موضوع الإريال ده حاجربه وأنا مروح من الشغل النهارده, يمكن يكون هو السبب !!

وفي ناس كان بيخشلهم هوا من فتحات الي تحت الازاز في الهاي لاين وبيظبطو العربية بطريقة معينة

[hazem_alaedin]

وفي ناس كان بيخشلهم هوا من فتحات الي تحت الازاز في الهاي لاين وبيظبطو العربية بطريقة معينة

معلش فى السؤال, بس إيه الفتحات اللى تحت الإزاز دى ؟؟

[medori]

ههههه دى أحد الحقائق المسلم بيها فى ال301، ملهاش حل عندى، انا جربت موضوع الاريال دة و مجابش نتيجة، عملت rotation للعجل و مجابش نتيجة فنفضتلة و اعتبرتة option فى العربية ينبهك انك عديت ال120 لما الصوت يروح

[medori]

معلش فى السؤال, بس إيه الفتحات اللى تحت الإزاز دى ؟؟

مخارج الهوا بتاعت التكييف اللى تحت الازاز على طول عند السماعات و دى عشان تعمل بيها defrosting

[medori]

وفي ناس كان بيخشلهم هوا من فتحات الي تحت الازاز في الهاي لاين وبيظبطو العربية بطريقة معينة

مش دة اللى بيعمل الصوت و حل الهوايات دى انك تشغل الair recycling عشان ميخشش هوا من برة

[wella3330]

ده شيء غريب و طبعا يعتبر عيب في السيارة

برجاء التاكييد من جميع الملاك و امأ نروح نجيب شاهين بقي و نستفيد بفرق السعر

[mohamed hussei]

ده شيء غريب و طبعا يعتبر عيب في السيارة

برجاء التاكييد من جميع الملاك و امأ نروح نجيب شاهين بقي و نستفيد بفرق السعر :copy of m-s5:

مش للدرجة دية ياباشا

[Mohamed_Ayman]

متابع

[ahmedz310]

متابع

[Ahmed Amin]

السلام عليكم, من ساعة ما جبت ال301 و أنا بسمع صوت "ونة" من ناحية اليمين من 80 كم/س إلى 110 كم/س و بعد كده تروح, مش عارف الصوت ده جاى من العجل ولا الموتور ولا من الهوا لما بيخبط فى المراية اليمين !! و بعدين بصراحة انا حاسس إن صوت الهوا عامل دوشة جامدة -و أنا قافل الزجاج طبعا- , فهل ده بيحصل مع حد غيرى و لا أنا بس ؟ أرجو الإفادة , شكرا

الصوت اللي بيجي ما بين رينج سرعتين,, زي مثلاً من 80 ل 110
أو من 90 ل 120

دا في الغالب بيكون بسبب نقشة الكاوتش عشان لسه جديد بس,,
وبعد حوالي 2000 كيلو كا متوسط ممكن يزيد أو يقل الصوت هيروح لوحده خالص,



الموضوع دا حصل معايا لما غيرت الأربع فرد مع بعض وكان بيظهر ما بين 90 و 110
وقبل كدا مش بيظهر ولا بعد كدا,,
وكنت بحاول أمشي أقل من 90 أو أعلي من 110 عشان مسمعوش,,
وغيرت مكان الفرد مرتين وراح لوحده بعدها,,

أبقي أقراء الرد دا,

http://www.nilemotors.net/Nile/386088-301.html#post3875256869

ودا,,

http://www.nilemotors.net/Nile/374013-508-3.html#post3875140594

[Ahmed Amin]

دا في الغالب بيكون بسبب نقشة الكاوتش عشان لسه جديد بس,,
وبعد حوالي 2000 كيلو كا متوسط ممكن يزيد أو يقل الصوت هيروح لوحده خالص,

توضيح بسيط بخصوص الجزئية دي, عشان لما قريتها تاني لاقتيها ممكن تتفهم غلط,,

أنا أقصد إن متوسط الكيلو مترات ممكن يزيد عن 2000 كيلو أو يقل عن 2000 كيلو,
مقصدش إن الصوت ممكن يزيد أو يقل,,

الصوت عاجلاً أم أجلاً هيروح ومش هيكون له أي وجود.

فيه ناس كتير مستلمة العربية مش عندها الصوت دا,
والصوت دا مكنش عندي وظهر لما غيرت الكاوتش الفرنساوي بكاوتش كوري وطبعاً مكنش في نفس كفائة الأوروبي, وبعد 2000 كيلو من المشي عليه الونة راحت.

[hazem_alaedin]

الصوت اللي بيجي ما بين رينج سرعتين,, زي مثلاً من 80 ل 110
أو من 90 ل 120

دا في الغالب بيكون بسبب نقشة الكاوتش عشان لسه جديد بس,,
وبعد حوالي 2000 كيلو كا متوسط ممكن يزيد أو يقل الصوت هيروح لوحده خالص,



الموضوع دا حصل معايا لما غيرت الأربع فرد مع بعض وكان بيظهر ما بين 90 و 110
وقبل كدا مش بيظهر ولا بعد كدا,,
وكنت بحاول أمشي أقل من 90 أو أعلي من 110 عشان مسمعوش,,
وغيرت مكان الفرد مرتين وراح لوحده بعدها,,

أبقي أقراء الرد دا,

http://www.nilemotors.net/nile/386088-301.html#post3875256869

ودا,,
http://www.nilemotors.net/nile/37401...post3875140594

شكرا على الأفادة :) أنا بس فى معلومة بسيطة نسيت أقولها, إنى عامل بالعربية 4300 كم !! فأعتقد إن الكاوتش طبّع خلاص .
على صعيد آخر , أنا كنت قرأت موضوع الإريال ده بس مش حاسس إنى مقتنع أوى , عاماً انا بسمع الراديو على طول لهذا السبب مش حعرف أمشى من غيره, بس النهاردة بدلت الإريال مع واحد معايا فى الشغل بإريال أوكتافيا (إريال قصير) و حجرب و أنا مروح !! وإن شاء الله حاوافيك بالنتيجة :)
شكرا :)