كنت ناوي أشتري بيجو 301

[hossam_win]

السلام عليكم يا شباب,,, بصراحة العربية حلوة جدا و تخطف العين و شكلها يفوق سعرها بس مش معقول أشتري عربية عشان تتعبني:
العربية بتتحسد لان اللي بيشوفها بيديها أكتر من سعرها + مش معقول كل ما أركن فمكان أبقى خايف لحسن علامات رمز بيجو تتسرق+ وظهرت حكاية سرقة أريال العربية كمان,
فأنا قررت صرف النظر عن شراء هذه العربية الرائعة301 وأشتري Renault sandero stepway
و أرجو منكم تقييم الرينو

[nonalaziza]

رينو سانديرو كانت معايا هي عربيه جمييييييييييله بس لا تقارن ببيجو.
بمكن اللي يميزها عن بيجو ارتفاعها عن الأرض

[Mohamed 555]

مش عاوز تشتري العربية عشان بتتحسد!! على كده محدش يشتري بي ام دبليو بقى ولا 508 لو بنتكلم على بيجو و عموما الحسد موجود في القران بس فيه طرق وقاية منه...
تاني حاجة موضوع سرقة العلامات ده موجود في كل العربيات مش عربية معينة تاني حاجة الاريال اللي بيتسرق ممكن تفكة و كمان اي عربية برضو معرضة للموضوع ده..

و اخيرا انت حر في اختيارك و السانديرو حلوه برضو بس اكيد مش زي البيجو ...

[Ahmed.Essam]

حاول تعيد نظر وتفكير في قرارك لانك ممكن تندم بعد ما تشتري السانديرو وتسيب البيجو 301

اسبابك في بعدك عن البيجو معاك حق فيها بس المشكلة مش في العربية المشكلة في الناس اللي بتحسد او بتسرق العلامات فالبتالي اي عربية هتجيبها وبتحاول تحافظ عليها وتروقها هتبقى في عين اي حد حلوة ولو عاوز يحسدها هيحدسها

ربنا هو الحافظ حاول تعيد نظر مرة تانية ولو قررت تجيب البيجو ان شاء الله حط مصحف في العربية وغطيها واركنها في جراج لو امكن وربنا يحفظهالك
لو اخدت قرار نهائي في السانديرو فان شاء الله خير بردو واصحاب العربية يفيدوك في تقييمها

[amirali]

خليها عالله

[raedegypt]

عندك الستروين الاليزيه اخت البيجو واحلى واحسن منها ... وعلى الاقل مافيش فيها الاسد ال بيسرقوة وهى هيه واحلى
ونفس الثمن

[raedegypt]

http://im34.gulfup.com/CmuJM.jpg

الصور

[Batman372]

مع احترامى لكلامك ... دى مش اسباب تخليك تصرف نظر عن الشراء ... توكل و سيبها على الله ...
بالتوفيق .. تحياتى ...

[amrelsaqqa]

انت ضمنت ان السانديرو مش هتتحسد ومش هيحصللك بيها اي مكروه لا قدر الله ؟
لو ضمنت كدة في اي عربية اشتريها بأي تمن

[محمد اسلام]

ستروين سى اليزية سيارة تستحق الاقتناء وتعتبر اجمل وارخص سيارة سيدان اوروبى ...

http://www.nilemotors.net/Nile/404042-a.html

[limo81]

"فالله خير حافظاً، وهو أرحم الراحمين"
نحن لا نعلم الغيب، خليها ع الله
وع فكره اكتر عربيات مسروق منها العلامه هي رينو ، انظر حولك

[abohend]

!!!!!!!!!!!!!!!!!!!

أسبابك غريبة
لو خايف من الحسد لما تشتري عربية يبقى أركب مواصلات
و موضوع العلامة فعلا منتشر لسهولة خلع العلامة عشان مكانها بارز بس برضه مش سبب وجيه و كل العربيات علامتها بتتسرق

السانديرو و اللوجان حققوا الإنتشار خلاص و أثبتوا نفسهم و عشان كده إقتصاديا إنت مش هتكسب لأن السعر زاد خلاص
لكن ال301 لسه فيها الميزة دي و الكل بيتوقع زيادة قريبة (السيتروين زادت 5 آلاف بالفعل)

لو حضرتك عايز تقييم سانديرو يبقى الأفضل تطرح سؤالك في قسم رينو عشان تاخد إجابة أفضل

بالتوفيق

[khaledserag]

السلام عليكم يا شباب,,, بصراحة العربية حلوة جدا و تخطف العين و شكلها يفوق سعرها بس مش معقول أشتري عربية عشان تتعبني:
العربية بتتحسد لان اللي بيشوفها بيديها أكتر من سعرها + مش معقول كل ما أركن فمكان أبقى خايف لحسن علامات رمز بيجو تتسرق+ وظهرت حكاية سرقة أريال العربية كمان,
فأنا قررت صرف النظر عن شراء هذه العربية الرائعة301 وأشتري renault sandero stepway
و أرجو منكم تقييم الرينو

بصراحة وجهة نظر تحترم انا كنت واخد قرار شراء البيجو و نزلت اتفرجت عليها و معجب بيها جدا بسخايف بصراحة اجيبها مش علشان الحسد لان الله خير حافظا و لن علشان انا ساكن فى منطقة شعبية و عندنا زحمة و ميكروباصات كتير و بصراحة شكل العربية اعلى من مستوى باقى العربيات فى شارعنا بكتير فهتكون ملفتة اوى سواء بالنسبة للعلامات او ولاد البوابين اللى بيحبوا يعلموا على العربية بالمسامير
المهم اتفرجت النهاردة على اللوجان و السنديرو و ما عربيات جميلة بس بصراحة قلت لو مش هاجيب البيجو يبقى اللانوس بتاعتى احسن
لقيت ان بعد ما شفت البيجو و قعدت جواها مش هينفع ادفع فلوس فى غيرها
و ادينى بفكر دلوقتى لسه هجيب و لا هخلينى زى ما انا
ربنا يوفقنا لما فيه الخير

[amgomaa]

طيب انا اعرف واحدة قريبتى اشترت سانديرو واخدت عين اول ما اشتريتها الاكصدام اتخرم و بعدها وهى راكنه العربيه وقاعده جواها عربيه دخلت فيها العربيه اتدمرت وهى راحت المستشفى بس الحمد لله دلوقتي كويسه خلى بالك بقى من السانديرو بتتحسد برضه وربنا يسترها مع الجميع

Sent from my GT-S5282 using Forum Runner