حبة استفسارات

[Abu Malek]

السلام عليكم

انا الحمد لله حجزت ال 301 هايلاين يوم 29 يناير ومن كلام الاعضاء هنا لاحظت حاجات بس مش فاهمها اوى
1- كان فى اعضاء قالت يفضل اغلاق ايرباج الراكب الامامى - ايه السبب؟
2- ايه علاقة حزام الامان بالايرباج - فى حاله الاعضاء قالوا ان السائق بيتبهدل فيها لو الايرباج فتح بس مش عارف لو كان رابط الحزام او مش رابط- انهى حالة وايه السبب؟

[medori]

1- انا عن نفسى مبفضلش اغلاق الairbag خالص، فى ناس بتقفلة لو بيمشوا لوحدهم اغلب الوقت عشان لو حصل حادثة لا قدر الله ما يضربش لان ضربة الairbag بتبوظ التابلوة و طبعا التابلوة بكبسولة الairbag مبلغ و قدرة، لما عملت حادثة بالميجان التابلوة بكبسولة الairbag كلفونى حوالى 4000 استيراد. انا رغم انى اغلب الاوقات ببقى لوحدى بس عمرى ما قفلتة عشان مش كل ما حد ييجى يركب معايا اقوم مشغلة و ممكن انسى فى مرة مثلا و تيجى الطوبة فى المعطوبة يبقى عشان اوفر كام الف لو حصل حادثة لا قدر الله اضيع حياة حد قريب منى و اندم طول عمرى!!!
طبعا الairbag بتاع السواق مينفعش يتقفل اصلا و كدة كدة هو بيضرب من التارة مش من التابلوة.

2- حزام الامان هو اللى بيخلى الairbag يضرب، لو انت مش رابط الحزام مش هيضرب، و الحزام و الairbag بنقذوا حياة اللى سايق و مفيش غنى عنهم، انا حسيت بقيمتهم لما عملت الحادثة و العربية اتدمرت و انا طلعت منها بكدمة فى جمبى و صباع مجذوع، انا لو مكنتش رابط الحزام كان زمانى منطور برة العربية و العربيات التانية بتلعب بيا كورة . فدايما تفضل رابط الحزام و بلاش الكلام بتاع بيحررنى و بيخنقنى و الحاجات دى

[nonalaziza]

حزام الأمان مالوش دعوة بالair bag لانه كده كده هيفتح حتي لو مش رابط الحزام و دا عن تجربه.

[Hema_Basha]

حزام الأمان مالوش دعوة بالair bag لانه كده كده هيفتح حتي لو مش رابط الحزام و دا عن تجربه.

كلامك صح فعلا مش شرط انك تبقي رابط الحزام علشان الايرباج تفتح
وحكاية قفل ايرباج الراكب الامامي في ناس بتفضل تعمل كده جوا البلد علشان ممكن خبطة خفيفة في الاكصدام تفتح الايرباج

[Abu Malek]

1- انا عن نفسى مبفضلش اغلاق الairbag خالص، فى ناس بتقفلة لو بيمشوا لوحدهم اغلب الوقت عشان لو حصل حادثة لا قدر الله ما يضربش لان ضربة الairbag بتبوظ التابلوة و طبعا التابلوة بكبسولة الairbag مبلغ و قدرة، لما عملت حادثة بالميجان التابلوة بكبسولة الairbag كلفونى حوالى 4000 استيراد. انا رغم انى اغلب الاوقات ببقى لوحدى بس عمرى ما قفلتة عشان مش كل ما حد ييجى يركب معايا اقوم مشغلة و ممكن انسى فى مرة مثلا و تيجى الطوبة فى المعطوبة يبقى عشان اوفر كام الف لو حصل حادثة لا قدر الله اضيع حياة حد قريب منى و اندم طول عمرى!!!
طبعا الairbag بتاع السواق مينفعش يتقفل اصلا و كدة كدة هو بيضرب من التارة مش من التابلوة.

2- حزام الامان هو اللى بيخلى الairbag يضرب، لو انت مش رابط الحزام مش هيضرب، و الحزام و الairbag بنقذوا حياة اللى سايق و مفيش غنى عنهم، انا حسيت بقيمتهم لما عملت الحادثة و العربية اتدمرت و انا طلعت منها بكدمة فى جمبى و صباع مجذوع، انا لو مكنتش رابط الحزام كان زمانى منطور برة العربية و العربيات التانية بتلعب بيا كورة :c_laugh[1]:. فدايما تفضل رابط الحزام و بلاش الكلام بتاع بيحررنى و بيخنقنى و الحاجات دى

كفيت ووفيت - تسلم ياغالى وفعلا كده الدنيا وضحت جدا
والحمد لله انك طلعت منها بسلامة وفعلا سلامة البنى ادم اغلى من كام الف او اى حاجه تانيه

حزام الأمان مالوش دعوة بالair bag لانه كده كده هيفتح حتي لو مش رابط الحزام و دا عن تجربه.

بس الحزام فى كلا الاحوال امن على اللى راكب من اى حاجه - وربنا يسلم طريقنا كلنا ويبعدنا عن اى اذى

[nonalaziza]

الحزام امان اه بس لو الحزام من النوع اللي بيشد الراكب لورا في حاله التصادم يبقي استحمل الكدمه و السحجات اللي هيسببها حزام الامان مع انه بصراحة أمان فعلاً مش تريقة.
و في نفس الوقت ال airbag لوحدها كفيله انها تحيل في بعض الحالات خروج الراكب الامامي من الزجاج حسب قوه الصدمه.
ما علينا يعني الحزام امان و ربنا يسلم طريقكم

[J A G U A R]

1- كان فى اعضاء قالت يفضل اغلاق ايرباج الراكب الامامى - ايه السبب؟
2- ايه علاقة حزام الامان بالايرباج - فى حاله الاعضاء قالوا ان السائق بيتبهدل فيها لو الايرباج فتح بس مش عارف لو كان رابط الحزام او مش رابط- انهى حالة وايه السبب؟

هو يفضل غلقه لو حاسس ان العربيه هاتنخبط خبطه بسيطه ومش هاتضر السائق او الراكب .. على فكره فى عربيات الايرباج بتاعها حساس يعنى لو واحد خبط ب ايده من تحت الاكصدام الايرباجز هايفتح وده بيكون فى اليابانى والكورى والله اعلم الفرنسى كده بردو ولا ايه ..
والايرباج ملهوش علاقه بالحزام والله اعلم ..

[د/سامح]

انا شخصياً باقفل الايرباج بتاع الراكب الامامي لما يكون معايا زوجتي و ابني الصغير لان الايرباج خطر على الطفل اكتر من التصادم نفسه و ربنا يستر

[abohend]

غلط

انا شخصياً باقفل الايرباج بتاع الراكب الامامي لما يكون معايا زوجتي و ابني الصغير لان الايرباج خطر على الطفل اكتر من التصادم نفسه و ربنا يستر

أصلا غلط إن طفلك يقعد قدام مع زوجتك
في أوروبا تاخد مخالفة
متصلحش الغلط بغلط

[limo81]

أصلا غلط إن طفلك يقعد قدام مع زوجتك
في أوروبا تاخد مخالفة
متصلحش الغلط بغلط

فعلا من الخطأ والخطر وضع الأطفال فى المقعد الامامى، المقعد الخلفى أأمن لهم مع ربط ايضا حزام الامان . ممكن تشجعهم بشيكولاته بونبونى للى يقعد ورا ويلبس حزام الامان
انا عن نفسى باعمل كده الصراحه ال safety مهم جدا فى حياتنا والله عندنا فى الشغل صارم جدا
بس فى الالتزام سلامه لك واللى معاك
انا بحاول اطبقه حتى جوه البيت

[mahmed0100]

انا شخصياً باقفل الايرباج بتاع الراكب الامامي لما يكون معايا زوجتي و ابني الصغير لان الايرباج خطر على الطفل اكتر من التصادم نفسه و ربنا يستر

ابنك مفيش اغلي منه يا دكتور .. خليه ديما ورا في الامان و لو صغير اوي اشتري كرسي طفل مناسب للعربيه و بلاش اطفال قدام دي خالص يا جماعه .. محدش عارف الخطر جاي منين

اما تشغيل ال airbag فطريقه الفتح و القفل دي انا فكرت اعملها بس وقت التنفيذ قلت اسبها شغاله محدش عارف ايه اللي ممكن يحصل .. يمكن اكون راكن علي جنب و يدخل فيا حد من ورا .. مش ديما الغلط بيكون معروف مصدره و الا كنا عشنا في كامل الامان

الخلاصه حزامك .. ايرباجك ..علي وضع on .. و ربنا يستر طريقنا جميعا لان العربيات بتتعوض لكن الخدش في الجسم ملوش قطع غيار :) و ساعتها. تكلفه اصلاح ال air bag مش حتكون كتير :)

[limo81]

Always think C.O.A.S.T

Concentration – Don’t become distracted. Focus on the primary task at hand, namely driving.

Observation – Pay close attention to other vehicles and changes in their movement.

Anticipation – Anticipate the good and bad intentions of other road users to avoid accidents.

Space – Keep your distance – remember the 2 second rule.

Time – Plan journeys, allowing enough time to arrive safely without the need to drive hard.

التركيز - لا يصبح مشتتا. التركيز على المهمة الأساسية في متناول اليد، وهي القيادة.

الملاحظة - إيلاء اهتمام وثيق لغيرها من المركبات والتغيرات في حركتهم.

التوقع - توقع النوايا الحسنة والسيئة من مستخدمي الطريق الآخرين لتجنب وقوع الحوادث.

المسافه بين السيارات - حافظ على المسافة التي تفصلك - تذكر القاعدة الثانية 2.

الوقت - حاول وضع خطة للرحلات ، مما يسمح بوقت كاف للوصول بأمان دون الحاجة إلى القياده بتهور.

وشـــــــــــــــــــــــكــــــــــــــــــــــــ ــــــــراً

[medori]

كلامك صح فعلا مش شرط انك تبقي رابط الحزام علشان الايرباج تفتح
وحكاية قفل ايرباج الراكب الامامي في ناس بتفضل تعمل كده جوا البلد علشان ممكن خبطة خفيفة في الاكصدام تفتح الايرباج

انا مش متأكد من المعلومة دى فى البيجو بس الميجان كانت كدة، من غير حزام مفيش airbag

موضوع خبطة فى الاكصدام دة مش صح، لأن الsensor بتاع الairbag بيبقى جوة ناحية الركبة بتاعت الشاسية، فالairbag مش هيفتح الا لو الخبطة وصلت للشاسية بتاع العربية من قدام

[nonalaziza]

فعلاً حساس ال airbags مش في الاكصدام و مالوش سرعه يفتح عليها انا لما خبطت كنت ماشيه 90 بس الخبطه كلها من تحت في الشاسيه و القنطرة علشان كده فتح مع ان الكبوت و الاكصدام مش متعور.
بالنسبة للتيريوس ال airbag بتاع الراكب الامامي فتحت مع ان الحزام مكنش مربوط و في نفس الوقت كبسوله ااحزام ضربت و شدت الحزام لورا و كان لازم يتغير

[medori]

ابنك مفيش اغلي منه يا دكتور .. خليه ديما ورا في الامان و لو صغير اوي اشتري كرسي طفل مناسب للعربيه و بلاش اطفال قدام دي خالص يا جماعه .. محدش عارف الخطر جاي منين

اما تشغيل ال airbag فطريقه الفتح و القفل دي انا فكرت اعملها بس وقت التنفيذ قلت اسبها شغاله محدش عارف ايه اللي ممكن يحصل .. يمكن اكون راكن علي جنب و يدخل فيا حد من ورا .. مش ديما الغلط بيكون معروف مصدره و الا كنا عشنا في كامل الامان

الخلاصه حزامك .. ايرباجك ..علي وضع on .. و ربنا يستر طريقنا جميعا لان العربيات بتتعوض لكن الخدش في الجسم ملوش قطع غيار :) و ساعتها. تكلفه اصلاح ال air bag مش حتكون كتير :)

الله ينور يا محمد

ممنوع يا جماعة اطفال فى الكرسى اللى قدام اى طفل اقل من 10 او 12 سنة و لو قصيرين اكتر من كدة كمان، لأن ضربة الairbag هتبقى فى وشة و هى اللى هتأذية، الطفل لو لسة صغير بيتحط فى كرسى اطفال مخصص للعربيات بيبقى لية حزام و اماكن تثبيت فى العربية (isofix) ولو بيعيط و كدة مامتة تعد معاة ورا تلاعبة و هو فى كرسية مش مشكلة، محدش هيقول انك السواق بتاعهم ولا حاجة