بيجو 205

[ابو لؤى]

[overline]

السلام عليكم ورحمة الله وبركاته

[/overline]

طبعا انا لسه بايع فيات 128 وقررت مش هركب اى عربيه فيات تانى حتى لو زيرو لان العربيه كرهتنى فى كل العربيات الصراحه
محتاج مساعدتكم لانى بفكر اركب بيجو 205 بس معرفش اى حاجه عنها عايزكم تعرفونى كل حاجه عنها واسعارها ايه انا مش عايز تسقييط مواتير والكلام ده انا عايزها استوك وياترى فى منها سليم لحد دلوقتى وشاكر ليكم جداا واسف على الاطاله

[moshakes]

بص ياباشا.... انسى ال128 والفيات السبعينات خالص .... ورقي نفسك واركب البيجو 205 ..... سعر موديلات التمانينات من 14 لحد 18 حسب الحالة .... موديل 93 (المفضل بالنسبة لي ) 20 لحد 24 حسب الحالة ... وقطع غيار مرمية ومرطرطة في الوكالة فرنساوي أصلي ومش لاقية اللي يشتريها والسعر على قد الايد.... والحتة اللي تركبها تنساها.... والعربية قليلة الاعطال.... واي حد بيصلحها....ولعلمك (لو شفت الفيات البرافو واللينيا 2013 هتكره كل الكوري .... وهتفضلهم على الياباني نفس الفئة)

[ابو لؤى]

بص ياباشا.... انسى ال128 والفيات السبعينات خالص .... ورقي نفسك واركب البيجو 205 ..... سعر موديلات التمانينات من 14 لحد 18 حسب الحالة .... موديل 93 (المفضل بالنسبة لي ) 20 لحد 24 حسب الحالة ... وقطع غيار مرمية ومرطرطة في الوكالة فرنساوي أصلي ومش لاقية اللي يشتريها والسعر على قد الايد.... والحتة اللي تركبها تنساها.... والعربية قليلة الاعطال.... واي حد بيصلحها....ولعلمك (لو شفت الفيات البرافو واللينيا 2013 هتكره كل الكوري .... وهتفضلهم على الياباني نفس الفئة)

الله يكرمك على الرد طب بالنسبه للكنبه ورا يركب فيها 3 مستريحين ولا هتبقى ضيقه وكمان هتستحمل اوزان تركب معايا ولا صعب لانها شبابى فقط

[moshakes]

الصراحة هي أوسع من ال 127 بس أضيق شوية من ال 128 أو مثلها ..... وموضوع الاوزان ده معنديش معلومات .....بس أفضل من الفيورا و ال 128 طبعاً.... أنا معايا أونو 94 باركب 3 ورا مرتاحين وأكيد ال 205 موديل 93 أقوى من أونو

[ابو لؤى]

بصراحه واحد ميكانيكى قالى معلومه محتاج حد يصححهالى بيقولى ماتور العربيه البيجو 205 ده وحش جداا وخامته الامونيوم

[saddam]

صديقي المواطن
وصلتني رسالتك الكريمة لدخول هذا الموضوع الوطني على الخاص
وقد راسلتكم بالشرح والجواب ومختصر كلامي حتى لا أطيل على اﻷخوة السادة المواطنين
فقولا واحدا لا تصلح وسيبك منها وخليك في التي قارنتها معها مازدا 323 أي موديل أقرب للتقوى
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

صديقي المواطن
أرجو من اﻷخ صاحب الموضوع وهو يعلم مدى حبي له لأنه فعلا شخصية محترمة وأنا أعزه منذ فترة أرجو من قيادتكم الكريمة وبدون ذكر أسباب أن تتقدم ﻹدارة المنتدى بطلب تغيير إسمكم على المنتدى مع الحفاظ على مشاركاتك وإحصائياتك وذلك خدمة للوطن وللصالح العام ولجماهير اﻷمة العربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ابو لؤى]

صديقي المواطن
أرجو من اﻷخ صاحب الموضوع وهو يعلم مدى حبي له لأنه فعلا شخصية محترمة وأنا أعزه منذ فترة أرجو من قيادتكم الكريمة وبدون ذكر أسباب أن تتقدم ﻹدارة المنتدى بطلب تغيير إسمكم على المنتدى مع الحفاظ على مشاركاتك وإحصائياتك وذلك خدمة للوطن وللصالح العام ولجماهير اﻷمة العربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

مش فاهم حاجه ياستاذ صدام عاوزنى اغير اسمى ولا عاوز تغير اسمك ؟ لو تقصد اسمى فهو لانى مشهور بلاسم ده لانى شغال فى مجال السياحه وحجز الطيران

[mohamed hussei]

طب انا بفكر اجيب عربية العب بيها 205 gti اية نظامها

[ابو لؤى]

شكلى كده هركب مازدا 323