ملحوظة بسيطة عن مساحات بيجو 301

[m.basha]

السلام عليكم عندى ملاحظة بسيطة معرفشى حد اخد باله منها و لا عندى بس امبارح كنت فى مشاوير بالعربية و الدنيا ما بطلتشى شتا طول اليوم فى اسكندرية المهم كنت مشغل المساحة هى المفروض ثلاث درجات فكنت مشغلها على الدرجة الثانية اللى بتفضل شغالة على طول بس مش السرعة العالية خالص لاء السرعة المتوسطة لاحظت كده انها لما بتشتغل فترة طويلة بتريح فى النص زى ثانيتين كدة و تشتغل تانى مع انها مش المفروض تعمل كده لان الدرجة دى المتوسطة فى المساحات المفروض تشتغل اه براحه بس باستمرار ياريت اللى لاحظ الموضوع ده يقلنا وجهة النظر يمكن حاجة انا مش فاهما ايه فيها سنسور للمطر و لا ايه ؟؟؟؟

[m.basha]

تقريبا الناس كلها من القاهرة و مش بيشغلوا المساحات فترة طويلة

[eslam.maghawry]

مش متأكد في الرد :d
بس انا عندي في النوبيرا بتحكم في سرعة المساحة في المشوار بس اعتقد ده فى السرعة البطيئة بس مش عارف السرعة المتوسطة بتتاثر ولا لأ
بص اعتبرني بفكر بصوت عالي

[mahmed0100]

انا كنت عامل زيك في القاهره امبارح يا باشا .. بس لا مش لاحظت حاجه زي كده
حبقي اركز معاها المره الجايه لكن مفتكرش فيها حساسات للمايه طبعا
.. باشا احنا راكبين عربيه اقتصاديه متخلنيش ازعل منك هههههههههه
لو 508 جايز اصدقك هههههه
بس علي كلامك .. ممكن هي متبرمجه علي الطريقه دي في التشغيل و الله اعلم لحد ما اشوف بنفسي

[Ahmed Amin]

السلام عليكم عندى ملاحظة بسيطة معرفشى حد اخد باله منها و لا عندى بس امبارح كنت فى مشاوير بالعربية و الدنيا ما بطلتشى شتا طول اليوم فى اسكندرية المهم كنت مشغل المساحة هى المفروض ثلاث درجات فكنت مشغلها على الدرجة الثانية اللى بتفضل شغالة على طول بس مش السرعة العالية خالص لاء السرعة المتوسطة لاحظت كده انها لما بتشتغل فترة طويلة بتريح فى النص زى ثانيتين كدة و تشتغل تانى مع انها مش المفروض تعمل كده لان الدرجة دى المتوسطة فى المساحات المفروض تشتغل اه براحه بس باستمرار ياريت اللى لاحظ الموضوع ده يقلنا وجهة النظر يمكن حاجة انا مش فاهما ايه فيها سنسور للمطر و لا ايه ؟؟؟؟

الدرجات اللي أنت بتختارها بتكون مش علي علي أساس سرعة المساحة,
بتكون علي الفترة اللي المساحة تستني فيها ما بين المرة اللي بتنزل فيها تحت قبل ما تطلع تاني,


مفيش سنسور مطر,,
الدرجة الأولي هتاخد من 3 ل 5 ثواني راحة للموتور ما بين كل مسح للأزاز والمرة اللي بعدها
والدرجة التانية حوالي 2 ثانية ل4
والدرجة التالتة بيكون تشغيل متواصل بدون راحة للمطر الكثيف,

والتلات درجات بيكونو نفس سرعة المساحة علي الأزاز.
أنت بتختار فترة راحة المساحة بس ما بين كل مسحة للأزاز والتانية,.

[د/سامح]

السلام عليكم و رحمة الله و بركاته ..... الي حصل مع حضرتك طبيعي جداً و دة لان اول سرعة في المساحات الي عليها رقم 0 بتشتغل على سرعة العربية و دة موجود في الكتالوج بتاع العربية .... حاجة زي حساسات بس للسرعة مش لكمية المطر .... مع خالص الشكر

[hazem_alaedin]

سرعة المساحات بتتناسب طرديا مع سرعة السيارة !!

[m.basha]

الله ينور يا رجالة بيجو متشكر ليكو جميعا على الرد

[m.basha]

انا كنت عامل زيك في القاهره امبارح يا باشا .. بس لا مش لاحظت حاجه زي كده
حبقي اركز معاها المره الجايه لكن مفتكرش فيها حساسات للمايه طبعا
.. باشا احنا راكبين عربيه اقتصاديه متخلنيش ازعل منك هههههههههه
لو 508 جايز اصدقك هههههه
بس علي كلامك .. ممكن هي متبرمجه علي الطريقه دي في التشغيل و الله اعلم لحد ما اشوف بنفسي

يا باشا انا عارف اكيد ان مافيش حساسات للمطر انا بهزر بس و مبروك على العربية يا باشا انا متابع انك اتفرمت لحد ما استلمت زى الناس كلها و انا منهم بس انا مستلم فى شهر 11 ايام العز شهرين و شويه كده عموما ربنا يباركللك فيها و يكفيك شرها

[mahmed0100]

الله يبارك فيك يا باشا .. و ربنا يكفينا شرهم جميعا :)