ليه مافيش تقارير عن ال 3008؟؟؟

[FrozenFire]

السلام عليكم جميعا

أنا كنت بدور على عربية كروس أوفر عشان تبقى للعائلة والسفر وخصوصا طرقنا اللي زي الفل.

فكنت إستقريت على 2 هما الكيا سبورتاج والسوبارو xv

طبعا السبورتاج أوبشنز ونعومة إما السوبارو إعتمادية ودفع كلي. لكن بالصدفة لقيت إن في عربية إسمها 3008 في البيجو وبرضه كروس أوفر

دخلت على المنتدى هنا ومالقتشي ولا موضوع واحد عنها.

ياترى إيه أخبارها يا جماعة؟؟؟؟؟؟؟؟

[kokowasfy]

طبيعى متلقيش ليها معلومات او موضوعات عشان العربية سعرها عالى اووى و صعب تلاقى حد من ملاكها معنا و كمان الاسف مكنش ليها حظ فى مصر مع ان العربية دى جميلة جدا

[FrozenFire]

طبيعى متلقيش ليها معلومات او موضوعات عشان العربية سعرها عالى اووى و صعب تلاقى حد من ملاكها معنا و كمان الاسف مكنش ليها حظ فى مصر مع ان العربية دى جميلة جدا

طب ماهو السبورتاج في نغس الرينج وانتشرت.

ال 3008 عاملة زي السوبارو إكس في. مالهومشي حظ. بس ال إكس في في ناس جابتها وكتبت عنها تقارير.
إنما ال 3008 ﻻحس وﻻ خبر.

[Ahmed Amin]

طبيعى متلقيش ليها معلومات او موضوعات عشان العربية سعرها عالى اووى و صعب تلاقى حد من ملاكها معنا و كمان الاسف مكنش ليها حظ فى مصر مع ان العربية دى جميلة جدا

العربية مهياش غالية ولا حاجة مقارنة بالأسبورتاج اللي هيا أفقر منها في التصميم الداخلي,
يعني اللي يركب كابينة البيجو 3008 ويركب الأسبورتاج هيعرف الفرق بنفسه في التصميم وفي الراحة من قبل ما يتحرك بالعربية حتي,

وكمان البيجو أثبت من الأسبورتاج,,
دا غير إن البيجو سعرها في أول ال 200 ألف, والأسبورتاج قربت لل 300 ألف.!
السوبارو xv سعرها قريب من ال 3008 لكنها أفقر منها في التصميم برضه,,

[Ahmed Amin]

السلام عليكم جميعا

أنا كنت بدور على عربية كروس أوفر عشان تبقى للعائلة والسفر وخصوصا طرقنا اللي زي الفل.

فكنت إستقريت على 2 هما الكيا سبورتاج والسوبارو xv

طبعا السبورتاج أوبشنز ونعومة إما السوبارو إعتمادية ودفع كلي. لكن بالصدفة لقيت إن في عربية إسمها 3008 في البيجو وبرضه كروس أوفر

دخلت على المنتدى هنا ومالقتشي ولا موضوع واحد عنها.

ياترى إيه أخبارها يا جماعة؟؟؟؟؟؟؟؟

راجع كدا الموضوعين دول,

http://www.nilemotors.net/Nile/150806-3008.html

http://www.nilemotors.net/Nile/389176-leitosr-3008-a.html

[Ammpage]

لسه شاري بيجو ٣٠٠٨ موديل ٢٠١٤ عربية فوق الممتازة خصوصا علي الطرق السريعة

[Ahmed Amin]

لسه شاري بيجو ٣٠٠٨ موديل ٢٠١٤ عربية فوق الممتازة خصوصا علي الطرق السريعة

ألف مبروك علي العربية الجميلة,, وربنا يبارك لك فيها.
وياريت تعملنا تقرير صغير عنها أول ما يكون عند حضرتك وقت,,
وتقولنا أنطباعك عن الأداء عموماً لأن فيه ناس كتير مهتمة بيها.