البيجو 301 اتخبطت وهي واقفة :(

[boosy]

السلام عليكم
عربيتنا بيجو 301 اتخبطت وهي راكنة قدام البيت ولد ابن واحد جارنا خد عربية باباه من وراه وهو صغير مش بيعرف يسوق مشي خطوتين ودخل في عربيتنا طبق الاكصدام خالص ونطرها من مكانها خطوتين ناحية الرصيف

مفيش حاجة ظاهرة فيها غير الاكصدام ربنا يستر تبقي علي قد كدة

الراجل ابو الولد بعد ما كان موافق يعملها وللاسف التوكيل قافل انهاردة ولسة هيروحوا بكرة الراجل حد لعب في دماغه تقريبا عمال يكلمنا ويقولنا هو لازم توكيل ما نعملها في اي مركز خدمة واتصلنا بمركز خدمة نيسان نعملها عنده

وعمال يقول اصل التوكيل غالي وهيكلف جامد واي عربية معرضة انها تتخبط وكلام كدة
طبعا انا محروق دمي منه جداااا بس لو موافقش يعملها يعني هنعمل ايه ماهو مفيش قانون في البلد اصلا
غير اننا منعرفش الاكصدام هيتكلف كام ولو فيها حاجة تانية كمان هنعمل ايه مش عارفين :((

[Hema_Basha]

قدر الله وماشاء فعل والحمدلله انها بتيجي في حاجة زي كده واستعوضي ربنا بس لو امكن صورة للخبطة علشان نقدر نفيدك

[amrelsaqqa]

الاكصدام بـ 2500 :(
معلش قدر الله وما شاء فعل واضح فعلا ان العيب في العربية ده اكتر عربية شوفتها بتتخبط في حياتى !
ياريت صور برضه لان ممكن الاكصدام يتلحم ويترش عادى وان شاء الله ما يبقاش حاجة اكتر من الاكصدام ، بس هى العربية اتخبطت من ورا ولا قدام ؟

[mohamed hussei]

قولة هعمل محضر مش عارف ينفع بعد الحادثة بالفترة دية ولة اية

[besokate]

دخليها جراج اسلم حل انا عندى دلوقتى عربيتين واحدة فى جراج والتانيه لا
اللى فى الشارع ديه بتتخبط مرة وتتسرق مرة والغطا يتسرق مرة والتراب شغال الله ينور غير اللى فى الجراج خالص بتنامى وانتى مطمنه عليها ولا فى دماغك

[goldfinger2]

قدر الله وماشاء فعل ، احمدى ربنا انها جت على قد كدة وحاولى تدبحى حاجة على العربية ،فعلا العربية دى اكتر عربية بتتحسد ربنايعديها على خيرالكام سنة دول لحد ما العربية تقدم وتتعرف والناس تبطل تبص عليها
اللهم انى لا اسالك رد القضاء ولكنى اسالك اللطف فيه

[goldfinger2]

فعلا موضوع المحضر دة هايلوى دراعه وهايجبره انه يعمل اللى انتى عايزة ،ضرورى تأمنى نفسك

[Sherif Mandoor]

هى العربيه متامن عليها

[amirz]

فيه تامين

[amirali]

يعنى ايه اى عربية معرضة انها تتخبط! ايه التناحة دى! اديله بالجزمة وبس ياريت يبقى كلامه مع الرجالة احسن

عشان يتعاملوا معاه صح

[Sherif Mandoor]

طالما العربيه متامن عليها المفروض تعملى محضر عشان شركه التامين

[mshmshm3]

عربية معرضة انها تتخبط اه من واحد كبير معاه رخصة مش مشكلة
بس ما ينفعش تتخبط من عيل صغير ما طلعش بطاقة و ابوه سايبه يخبط في عربيات الناس
ممكن تتصلح بره في اي مكان مش شرط التوكيل معظم التوكيلات شغلهم في السمكرة زي الزفت و كذلك مراكز الخدمة
الافضل واحد بتاع فيبر انتي اللي تختاريه و يتصلح الاكصدام عنده
و الحمد لله انها جت بسيطة ما تقلقيش و صلحي الاكصدام و استمتعي بعربيتك

[M.Emam]

hahahahaa

قلبى عندك....عربيتى لسه مخبوطه انهارده بعد الصلاه

[J A G U A R]

ممكن صوره للخبطه ...

[nonalaziza]

ﻻ إله إلا الله.
قدر الله و ما شاء فعل. اللهم أجره في مصيبته و اخلفه خيرا منها.