إعـــــــلان

Collapse

.

,
See more
See less

تقرير عن صيانة ال 2500 بيجو 301 توكيل مرغم و سؤال للاستاذ احمد امين

Collapse
X
 
  • Filter
  • الوقت
  • Show
Clear All
new posts

  • تقرير عن صيانة ال 2500 بيجو 301 توكيل مرغم و سؤال للاستاذ احمد امين

    السلام عليكم حبيت اوضح لرجالة البيجو و خصوصا رجالة الاسكندرية تقرير بسيط حول صيانة ال 2500 النهاردة فى توكيل مرغم :

    اولا انطباعى الاول عن التوكيل انه سئ جدا و مايلقشى انه يكون توكيل البيجو الرئيسى اللى فى اسكندرية كلها يبقى بالمنظر ده

    انا روحت الساعة 10 صباحا و كنت حاجز من اسبوع فات المهم استقبلنى المهندس و اخد بيانات العربية من الرخصة و قلتله على ملاحظاتى كلها عن العربية و انا كنت مجهزها فى ورقة و كانت كالتالى :

    * نتشة بسيطة من الاول و الثانى ( ودى ماكنتشى مزعلانى اصلا )
    * استهلاك البنزين عالى و ريحة العادم نفاذه و خصوصا فى مكان مقفول
    * صوت دبة او طقة فى الناحية اليمين مع المطبات الغويطة
    * قلتلهم على ملاحظة ان ساعات لما بدوس فرامل براحة بحس ان العربية بتزحف شويه لحد ما تلحقها بدوسة جامدة و ساعتها بتمسك تمام
    * صوت تسقيفة عند الكبس على النقلة زى صوت كهربا زيادة فى العربية

    المهم المهندس اخد العربية و فين و فين على الساعة 1 قالى ربطنا العفشة و كانت فعلا محتاجة تربيط قالتله تمام طيب نطلع نجرب المهم اول مطب و انا طالع بجرب سمعت صوت الدبة المهم الراجل اللى اشتغل فى العربية كان معايا قالى ما سمعتهاش المهم دخلنا شوارع مخدخة انى اسمع الصوت مافيش المهم بعد مع العربية استلمتها و مشيت سمعت صوت الدبة تانى مافيش حاجة اتغيرت و المهندس قالى لو سمعتها ابقى تعالى تانى و احنا نشوف .

    المهم المهندس لقيته بيقولى خلاص قولتله طيب و السوفت وير مش فاهم خلاص ايه فقالى اصل السبت و الاحد التوكيل الرئيسى اللى فى فرنسا قافل و ده االلى باخد منه السوفت الوير الجديد قلتله نعم هو حضرتك بتكلم تلميذ و لا ايه ازاى يعنى المفروض السوفت وير ده يبقى عندكم و تنزلوه عالطول المهم طلع مش عارف فين و قالى الحمد لله لقيت فلاشة و دخلت على النت و جبت السوفت وير الجديد 2014 من الشركة الام فى فرنسا و حانزلهوللك قالتله على فكرة انا اتخنقت من 10 لحد 1.30 و يدوبك تربيط عفشة و ياريت الصوت بتاع الدبة ده راح المهم نزل السوفت وير الجديد و غسلوا العربية و مشيت بعد لما قلت للمهندس بصراحة انت مالكش ذنب لكن المكان مش لايق خالص لتوكيل بحجم و اسم بيجو و العدد للناس اللى شغالة قليل جدا و مافيش نظام و الاستراحة مقرفة تماما

    بعد لما مشيت اللى حسيت بيه فعلا بما يرضى الله عز و جل ان النتشة بتاعة الفتيس قلت كتير مع انها ماكنتشى مزعلانى اصلا و السحب اول و تانى بقى احسن كتير بس صوت الدبة زى ما هيا و ملاحظة الفرامل ده زى ما هيا العفشة بعد التربيط بقت افضل كتير من حيث المطبات تحس ان العربية مسكت نفسها فى المطبات بس صوت الدبة زى ما هو لا جديد .

    السؤال للاستاذ احمد امين ؟

    اولا: ايه يا ترى ممكن يكون صوت الدبة اللى انا بسمعها يا اما مع المطبات الغويطة و ساعات لما ببقى طالع فوق مطب صناعى اول ما المس المطب بالكاوتش بسمع الصوت ده ؟

    ثانيا: ايه سبب الزحفة دى فى الفرامل و على فكرة نفس اللى انا بشتكى منه لقيت واحد النهارده برده فى التوكيل و عامل 7000 كيلو و عنده صوت الدبة ده و ملاحظة زحف الفرامل ؟

    ثالثا: المهندس قالى ان صوت التسقيف ده من البنزين قلتله طيب انا بقالى فترة طويلة بسمع الصوت ده يعنى مش تفويله واحده قالى البنزين ساعات بيبقى فيه شوائب و هو اللى بيعمل كده جرب تحط مرة كده كل ست شهور ربع التنك بنزين 95 لانه حامى و بيقضى على الشوائب الموجوده ده فهل الكلام ده صح و لا افتكاسة ؟
    انا اسف طولت عليكم جدا بس قولت انقل تجربتى لرجاله بيجو و خصوصا رجالة اسكندرية و على فكرة المهندس قالى انهم بيرتبوا فرع للتوكيل انظف و احسن و حايبقى فى سموحة و ممكن يخلص بعد 6 شهور تقريبا شكرا لحضراتكم ومعلشى دوشتكم

  • #2
    هو ده حال معظم توكيلات مصر
    حسبنا الله ونعم الوكيل
    [SIGPIC][/SIGPIC][SIZE="4"][COLOR="Navy"]سبحان الله وبحمده سبحان الله العظيم[/COLOR][/SIZE]

    Comment


    • #3
      هو كده توكيل سىء ..!! ده الخدمه دى ممتازه جدا بالنسبه للتوكيلات التانيه ومبروك تربيط العفشه
      [SIGPIC][/SIGPIC]
      [COLOR="Magenta"][/COLOR]

      Comment


      • #4
        الف مبروك على الصيانه بس ما شاء الله اكبر شعب فتاى و اقتبس:
        جرب تحط مرة كده كل ست شهور ربع التنك بنزين 95 لانه حامى و بيقضى على الشوائب الموجوده ده فهل الكلام ده صح و لا افتكاسة ؟
        يا ريت لو حد يجاوب علشان انا اعرف البنزين 95 كويس اه و اكيد يقضى على التسقيف بس لما تمون منه كل مره اما موضوع يقضى على الشوائب غريبة

        Comment


        • #5
          المشاركة الأصلية كتبت بواسطة amgomaa مشاهدة المشاركة
          الف مبروك على الصيانه بس ما شاء الله اكبر شعب فتاى و اقتبس:
          جرب تحط مرة كده كل ست شهور ربع التنك بنزين 95 لانه حامى و بيقضى على الشوائب الموجوده ده فهل الكلام ده صح و لا افتكاسة ؟
          يا ريت لو حد يجاوب علشان انا اعرف البنزين 95 كويس اه و اكيد يقضى على التسقيف بس لما تمون منه كل مره اما موضوع يقضى على الشوائب غريبة
          الشوائب دى بترجع للبنزينه نفسها مش للبنزين يعنى مثلا ممكن تلاقى بنزينه تعبانه وفيها بنزين 95 والبنزين فيه شوائب وعكس كده ممكن تلاقى بنزينه محترمه فيها بنزين 80 ومفيهوش شوائب والله اعلم برضو ..
          [SIGPIC][/SIGPIC]
          [COLOR="Magenta"][/COLOR]

          Comment


          • #6
            المشاركة الأصلية كتبت بواسطة j a g u a r مشاهدة المشاركة
            الشوائب دى بترجع للبنزينه نفسها مش للبنزين يعنى مثلا ممكن تلاقى بنزينه تعبانه وفيها بنزين 95 والبنزين فيه شوائب وعكس كده ممكن تلاقى بنزينه محترمه فيها بنزين 80 ومفيهوش شوائب والله اعلم برضو ..
            متفق معاك تماما بس انا بسال على كلام المهندس ان بنزين 95 نفسه بيقضى على الشوائب

            Comment


            • #7
              فينك من زمان يا بطل

              دوشتنا ايه يا راجل
              ده الواحد مستني مشاركة زي دي من زمان
              الكلام كله كان على غمرة و ابو رواش و محدش جاب سيرة اﻷسكندرية
              ألف مبروك الصيانة
              موضوع الدبة أكتر من واحد إشتكى منه...شكله موضوع متكرر بس لﻷسف محدش وصل لحل حتى اﻵن
              و أفتكر أكرم جمال كان بيشتكي منه و ربط العفشة برضه و موصلش لحاجة
              إنت عملت الصيانة في الفرع اللي فبنزينة شل و لا اللي بعده ب2 كيلو؟؟؟؟؟؟
              مبروك مرة تانية و شكرا على نقل التجربة
              [SIGPIC][/SIGPIC]

              Comment


              • #8
                الف مبروك ياباشا علي الصيانة

                Comment


                • #9
                  المشاركة الأصلية كتبت بواسطة abohend مشاهدة المشاركة
                  دوشتنا ايه يا راجل
                  ده الواحد مستني مشاركة زي دي من زمان
                  الكلام كله كان على غمرة و ابو رواش و محدش جاب سيرة اﻷسكندرية
                  ألف مبروك الصيانة
                  موضوع الدبة أكتر من واحد إشتكى منه...شكله موضوع متكرر بس لﻷسف محدش وصل لحل حتى اﻵن
                  و أفتكر أكرم جمال كان بيشتكي منه و ربط العفشة برضه و موصلش لحاجة
                  إنت عملت الصيانة في الفرع اللي فبنزينة شل و لا اللي بعده ب2 كيلو؟؟؟؟؟؟
                  مبروك مرة تانية و شكرا على نقل التجربة

                  لاء يا ابو هند انا عملت الصيانة فى المركز الرئيسى اللى جوه بنزينة شيل انا بفكر بئا اتابع مع مركز نور الدين اللبى بعده ب 2 كيلو بيقولوا نظيف اوى هما اه بيعملوا صيانة كل 5 الاف بس لو بالمنظر اللى انا شوفته امبارح يبقى ارحم ادف اكتر شوية فى الصيانات العادية لانى بعمل ال 5 الاف كيلو دول فى 5 او 6 شهور بس السؤال هل مركز نور الدين حايبقى برده الصيانة داخل الضمان و لا ايه ؟ و يا باشا يا ابو هند انا تحت امرك فى اى استشارة و تبقى فرصة حلوة نتعرف على بعض ابعتلى على الخاص و اتشرف بيك طبعا

                  Comment


                  • #10
                    استهلاك البنزين اتظبط طيب ولا لسة عالي؟

                    Comment


                    • #11
                      المشاركة الأصلية كتبت بواسطة raad13 مشاهدة المشاركة
                      استهلاك البنزين اتظبط طيب ولا لسة عالي؟

                      النهاردة و انا رايح الشغل ركزت معاه و لاقيته اتحسن و السحب اول تانى احسن كتير بس انا مشوارى صغير لحد الشغل يدوبك 15 كيلو فا مينفعشى احكم دلوقتى حاتابع و اقوللك ان شاء الله

                      Comment


                      • #12
                        المشاركة الأصلية كتبت بواسطة m.basha مشاهدة المشاركة
                        لاء يا ابو هند انا عملت الصيانة فى المركز الرئيسى اللى جوه بنزينة شيل انا بفكر بئا اتابع مع مركز نور الدين اللبى بعده ب 2 كيلو بيقولوا نظيف اوى هما اه بيعملوا صيانة كل 5 الاف بس لو بالمنظر اللى انا شوفته امبارح يبقى ارحم ادف اكتر شوية فى الصيانات العادية لانى بعمل ال 5 الاف كيلو دول فى 5 او 6 شهور بس السؤال هل مركز نور الدين حايبقى برده الصيانة داخل الضمان و لا ايه ؟ و يا باشا يا ابو هند انا تحت امرك فى اى استشارة و تبقى فرصة حلوة نتعرف على بعض ابعتلى على الخاص و اتشرف بيك طبعا
                        الموضوع ده لازم نجبرهم يغيروه
                        أنا ضماني ساري طول مبحافظ على الصيانات الدورية و مفيش حاجة تلزمني إني أعمل صيانة كل 5 آلاف
                        و إطمن تماما الصيانة مع نور الدين تبع الضمان ...ده حتى السيلز في عبادالرحمن نصحني بالمركز بتاعهم اللي بعد التوكيل ب2 كيلو و ده اللي خلاني سألتك
                        رقمي هبعتهولك على الخاص و أنا اللي يزيدني شرف التعرف بيك
                        تحياتي
                        [SIGPIC][/SIGPIC]

                        Comment


                        • #13
                          يعنى ايه زحفة مع الفرامل ده حتى العربية فيها abs
                          بتحس بايه بالظبط ، بتحس زي ما يكون العربية بتزود لنفسها بنزين اثناء ما انت بتفرمل ؟

                          دى بحسها في المانيوال لما ادوس فرامل وانا مدي غيار وتكون خلاص العربية هتقف ، العربية ذكية لدرجة انك ممكن تطلع مطلع عالى جدا بدون ما تزود بنزين وهى بتزود لنفسها واحدة واحدة ، بمعنى انها بتحس بأي حمل زيادة وبتزود بنزين لوحدها وجربتها كتير بدخل الجراج وهو عالى من غير ما ادوس بنزين مجرد بشيل رجلي من ع الدبرياج واحدة واحدة ، بس طبعا لو العربية بتعمل كدة مع الفرامل في الاوتوماتيك تبقى مشكلة يعنى لو بتعتبر الفرامل حمل وبتقاومه وتزود بنزين

                          هى بتعمل كدة مع الفرامل في المانيوال عندى بس لما يبقى خلاص العربية هتبطل ، فبحس ان حاجة بتقاوم الفرملة وساعتها لازم ادوس دبرياج او امور العربية ودى كـ مانيوال مش مشكلة ، لان كدة كدة انا اللى بتحكم في الفتيس ولازم امور او ادوس دبرياج لما تبقى العربيى خلاص هتقف، انما في الاوتوماتيك لو بتعمل كدة يبقى لازم السوفتوير يتعدل بحيث انه يمنع الخاصية دى لما تكون دايس فرامل وعايز تقف فعلا

                          انا ما ركبتش الاوتوماتيك قبل كدة بس يمكن يكون ده قصدك خصوصا ان الفتيس الاوتوماتيك بيسقط نقلات كأنه مانيوال ومش بيفصل غير في الاخر خالص لما العربية تقف

                          Comment


                          • #14
                            المشاركة الأصلية كتبت بواسطة amrelsaqqa مشاهدة المشاركة
                            يعنى ايه زحفة مع الفرامل ده حتى العربية فيها abs
                            بتحس بايه بالظبط ، بتحس زي ما يكون العربية بتزود لنفسها بنزين اثناء ما انت بتفرمل ؟

                            دى بحسها في المانيوال لما ادوس فرامل وانا مدي غيار وتكون خلاص العربية هتقف ، العربية ذكية لدرجة انك ممكن تطلع مطلع عالى جدا بدون ما تزود بنزين وهى بتزود لنفسها واحدة واحدة ، بمعنى انها بتحس بأي حمل زيادة وبتزود بنزين لوحدها وجربتها كتير بدخل الجراج وهو عالى من غير ما ادوس بنزين مجرد بشيل رجلي من ع الدبرياج واحدة واحدة ، بس طبعا لو العربية بتعمل كدة مع الفرامل في الاوتوماتيك تبقى مشكلة يعنى لو بتعتبر الفرامل حمل وبتقاومه وتزود بنزين

                            هى بتعمل كدة مع الفرامل في المانيوال عندى بس لما يبقى خلاص العربية هتبطل ، فبحس ان حاجة بتقاوم الفرملة وساعتها لازم ادوس دبرياج او امور العربية ودى كـ مانيوال مش مشكلة ، لان كدة كدة انا اللى بتحكم في الفتيس ولازم امور او ادوس دبرياج لما تبقى العربيى خلاص هتقف، انما في الاوتوماتيك لو بتعمل كدة يبقى لازم السوفتوير يتعدل بحيث انه يمنع الخاصية دى لما تكون دايس فرامل وعايز تقف فعلا

                            انا ما ركبتش الاوتوماتيك قبل كدة بس يمكن يكون ده قصدك خصوصا ان الفتيس الاوتوماتيك بيسقط نقلات كأنه مانيوال ومش بيفصل غير في الاخر خالص لما العربية تقف

                            تمام هو ده قصدى بالظبط و بتبان اوى لما بتدوس اول تانى جامد شويه و تحب تقف فجأة لو ما دوستش جامد على دواسة الفرامل تحس ان العربية ايه بتزحف شوية لحد ما تروح متقل رجللك على دواسة الفرامل ساعتها تلم معاك بسرعة و على فكرة قالولى فى التوكيل ان السوفت وير الجديد المفروض انه بيظبط الكلام ده بس انا مش ملاحظ فرق بعدها بصراحة شديدة

                            Comment


                            • #15
                              المشاركة الأصلية كتبت بواسطة m.basha مشاهدة المشاركة
                              السلام عليكم حبيت اوضح لرجالة البيجو و خصوصا رجالة الاسكندرية تقرير بسيط حول صيانة ال 2500 النهاردة فى توكيل مرغم :

                              اولا انطباعى الاول عن التوكيل انه سئ جدا و مايلقشى انه يكون توكيل البيجو الرئيسى اللى فى اسكندرية كلها يبقى بالمنظر ده

                              انا روحت الساعة 10 صباحا و كنت حاجز من اسبوع فات المهم استقبلنى المهندس و اخد بيانات العربية من الرخصة و قلتله على ملاحظاتى كلها عن العربية و انا كنت مجهزها فى ورقة و كانت كالتالى :

                              * نتشة بسيطة من الاول و الثانى ( ودى ماكنتشى مزعلانى اصلا )
                              * استهلاك البنزين عالى و ريحة العادم نفاذه و خصوصا فى مكان مقفول
                              * صوت دبة او طقة فى الناحية اليمين مع المطبات الغويطة
                              * قلتلهم على ملاحظة ان ساعات لما بدوس فرامل براحة بحس ان العربية بتزحف شويه لحد ما تلحقها بدوسة جامدة و ساعتها بتمسك تمام
                              * صوت تسقيفة عند الكبس على النقلة زى صوت كهربا زيادة فى العربية

                              المهم المهندس اخد العربية و فين و فين على الساعة 1 قالى ربطنا العفشة و كانت فعلا محتاجة تربيط قالتله تمام طيب نطلع نجرب المهم اول مطب و انا طالع بجرب سمعت صوت الدبة المهم الراجل اللى اشتغل فى العربية كان معايا قالى ما سمعتهاش المهم دخلنا شوارع مخدخة انى اسمع الصوت مافيش المهم بعد مع العربية استلمتها و مشيت سمعت صوت الدبة تانى مافيش حاجة اتغيرت و المهندس قالى لو سمعتها ابقى تعالى تانى و احنا نشوف .

                              المهم المهندس لقيته بيقولى خلاص قولتله طيب و السوفت وير مش فاهم خلاص ايه فقالى اصل السبت و الاحد التوكيل الرئيسى اللى فى فرنسا قافل و ده االلى باخد منه السوفت الوير الجديد قلتله نعم هو حضرتك بتكلم تلميذ و لا ايه ازاى يعنى المفروض السوفت وير ده يبقى عندكم و تنزلوه عالطول المهم طلع مش عارف فين و قالى الحمد لله لقيت فلاشة و دخلت على النت و جبت السوفت وير الجديد 2014 من الشركة الام فى فرنسا و حانزلهوللك قالتله على فكرة انا اتخنقت من 10 لحد 1.30 و يدوبك تربيط عفشة و ياريت الصوت بتاع الدبة ده راح المهم نزل السوفت وير الجديد و غسلوا العربية و مشيت بعد لما قلت للمهندس بصراحة انت مالكش ذنب لكن المكان مش لايق خالص لتوكيل بحجم و اسم بيجو و العدد للناس اللى شغالة قليل جدا و مافيش نظام و الاستراحة مقرفة تماما

                              بعد لما مشيت اللى حسيت بيه فعلا بما يرضى الله عز و جل ان النتشة بتاعة الفتيس قلت كتير مع انها ماكنتشى مزعلانى اصلا و السحب اول و تانى بقى احسن كتير بس صوت الدبة زى ما هيا و ملاحظة الفرامل ده زى ما هيا العفشة بعد التربيط بقت افضل كتير من حيث المطبات تحس ان العربية مسكت نفسها فى المطبات بس صوت الدبة زى ما هو لا جديد .

                              السؤال للاستاذ احمد امين ؟

                              اولا: ايه يا ترى ممكن يكون صوت الدبة اللى انا بسمعها يا اما مع المطبات الغويطة و ساعات لما ببقى طالع فوق مطب صناعى اول ما المس المطب بالكاوتش بسمع الصوت ده ؟

                              ثانيا: ايه سبب الزحفة دى فى الفرامل و على فكرة نفس اللى انا بشتكى منه لقيت واحد النهارده برده فى التوكيل و عامل 7000 كيلو و عنده صوت الدبة ده و ملاحظة زحف الفرامل ؟

                              ثالثا: المهندس قالى ان صوت التسقيف ده من البنزين قلتله طيب انا بقالى فترة طويلة بسمع الصوت ده يعنى مش تفويله واحده قالى البنزين ساعات بيبقى فيه شوائب و هو اللى بيعمل كده جرب تحط مرة كده كل ست شهور ربع التنك بنزين 95 لانه حامى و بيقضى على الشوائب الموجوده ده فهل الكلام ده صح و لا افتكاسة ؟
                              انا اسف طولت عليكم جدا بس قولت انقل تجربتى لرجاله بيجو و خصوصا رجالة اسكندرية و على فكرة المهندس قالى انهم بيرتبوا فرع للتوكيل انظف و احسن و حايبقى فى سموحة و ممكن يخلص بعد 6 شهور تقريبا شكرا لحضراتكم ومعلشى دوشتكم
                              وعليكم السلام ورحمة الله,,
                              أولاً مبروك علي الصيانة, وربنا يباركلك في العربية.
                              وياريت لو تأمن عليها أول سنة علي الأقل عشان العين اللي نازلة ضرب في كل زمايلنا في المنتدي.

                              بالنسبة لصوت الدبة دا في الغالب هيكون تربيط عفشة, ولو الصوت مراحش من أول مرة أطلب تروح تربطها تاني في أي وقت أو في صيانتك اللي جاية.
                              الحاجة التانية بالنسبة للدبة كان فيه زميل معانا هنا قال إن كان عنده دبة وطلع الصوت من الكرسي مش من العفشة ولما أكتشفو أن الصوت من مسمار من مسامير الكرسي وأتربط عليه الصوت دا راح.
                              حتي الموضوع دا كان في عربية واحد قريبي بس نوعها أوكتافيا, وفضل حوالي ٦ شهور يروح التوكيل يربطو عفشة والصوت مش بيروح لحد ما لاقي إن الكرسي هوا الي بيعمل الصوت دا,
                              وكان الصوت بيظهر في المطبات والنقر ومع دوسة الفرامل ولما بيشيل رجلة مرة واحدة من علي البنزين لان وزن العربية كله بيتحدف لقدام, فا الكرسي بيعمل صوت الطقة من الحركة دي.
                              الحاجة التالتة أكشف علي ضغط الهواء في الكاوتش وخليه ما بين ٣٠ لو سواقتك كلها جوا البلد, أو ٣٢ لو أكتر طريقك سفر.
                              دا رينج الضغط المناسب لشوارعنا, وكمان يفضل جداً انك تروح لأي مركز خدمة بريدچستون fit & fix زي اللي علي الكورنيش وتطلب أنك تملي ال ٤ فرد كاوتش نيتروچين بعد ما يفرغ ويتشفط كل الهواء اللي جواه ويتملا نيتروچين
                              عشان هيريح الكاوتش العربية أكتر وهتحس أنك سايق علي أرض من حرير.


                              بالنسبة للفرامل, أنت عامل كام الف كيلو دلوقتي.؟
                              الزحفة دي لو بتحصل كتير وبتحسها في دواسة الفرامل أو إن العربية بتقف متأخر شوية عن الأول أيام ما أستلمتها فانت ممكن بكون التيل عندك فيه مشكلة, وعشان كدا مكنة ال abs بتشتغل بدري عن معادها وعشان توقف العربية في وقت أقل ومعقول لما بتلحقهت بدوسة جامدة زي ما بتقول.
                              فأنت في صيانة ال ١٠ الأف هتطلب تكشف علي التيل ولو كان التيل دا من الباتش اللي كان فيه مشكلة هيتغير لك في الضمان من غير ما تحاسب عليه, وكمان لو كان صر بالطنابير هتتغيرلك هيا كمان مع التيل.
                              والكلام دا بنسبة كبيرة هيكون في بيجو مرغم بس اللي هوا التوكيل اللي في بنزينة شيل.
                              لأن مركز الخدمة التاني ممكن يحور عليك ويقولك خلص من الاستخدام زي ما عملو مع واحد هنا وغيرو له زيت الموتور علي ٥٠٠٠ كيلو بس,, مع إن بيجو فرنسا وبيجو مصر وكل توكيلات بيچو وستروين في مصر بتغير الزيت علي ١٠ الأف ودا ال minimum بتاع التغير بتاعه بالمناسبة, الزيت التخليقي الكامل ممكن يعد لحد ١٢ و ١٥ ألف.


                              بالنسبة لصوت التسقيف, فأنت معندكش مشكلة فيه ودا الطبيعي,
                              العيب مش في التفويلة ولا البنزينة خالص.
                              العيب في البنزين بتاعنا في مصر.
                              نفس الصوت اللي عندك دا موجود في ال ٣٠٧ وال ٤٠٦ وال ٣٠٨ وحتي الباسات والچيتا.

                              البنزين ال ٩٥ مش بيقضي علي الشوائب زي ما قالك, ولكنه هيدي وقت أشتعال مظبوط ومش هتسمع معاه ولا تسقيفه.
                              لكن ال ٩٢ مش وحش, وهوا أقل حاجة ممكن تمشي بيها العربية,, ال ٩٥ هوا الأفضل بس للي يقدر عليه.
                              مع ال ٩٢ هتسمع صوت التسقيفة دي من وقت للتاني, وهتكون بعد ما العربية تنقل في الغالب, أبقي خف رجلك ساعتها ودوس تاني براحة الموتور هيحسب توقيت الاشتعال تاني والتسقيفة هتروح.
                              يأما أنقل علي rpm عالي شوية ما بين ٣.٥ ل ٤ ومش هتسمع أي تسقيف برضه.

                              فا التسقيفة دي موجودة في كل الأوروبي بسبب معايير وجودة البنزين في مصر, وبتحصل أكتر في المشي علي rpm واطي, ما بين ٢.٥ ل ٣.٥
                              بعني مفيش زيادة كهربا ولا حاجة, الكلام دا كان في العربيات القديمة.
                              وأستهلاك البنزين هيكون عالي في الأول شوية ودا طبيعي في معظم العربيات الجديدة برضه وبيتحسن مع المشي ومع السوفت ويير أبديت.

                              وأنت مطولتش علينا ولا حاجة, وفعلاً هما كسلانين شوية في بيچو مرغم, ويارب يبقو أفضل و أسرع من كدا.

                              وأخيراً شكراً علي المعلومة الجديدة بخصوص الفرع الجديد اللي هيبقي في سموحة,
                              إن شاء الله يبقي أحسن لإن هيبقي أقرب ويبقي الأستقبال فيه أحسن من مرغم.
                              LeitoSR سابقا

                              Comment

                              Working...
                              X