حادثة بالـ 301

[AUDAI]

بسم الله الرحمن الرحيم

الحمد لله على كل حال
عملت حادثة بالعربية سبب الحادثة غباء من واحد راكب سيراتو كان ماشى قدامى
المحترم مش مركز فى الطريق كان فى حفر اتفجىء هو سيادتة بالحفر اللى بيعملوه على الطريق فرمل فجأة وانا كنت ماشى وراه
الحمد لله انى طلعت كويس
والخسائر كاملة فى العربية

- 2 ايرباج
-الكبوت والشبكة وجزء من الاكصدام
الزجاج

روحت التوكيل فرع غمرة قالى مصنعيه ايديهم بس 8500
الحمد لله انا مامن تامين شامل
بحسب شامل يعنى ما ادفعش ولا مليم
اكتشفت ان مفروض ادفع 25% من تمن الايرباج
و 10% من الاصلاحات
دة بقة اصلا لو التامين وافق
بيقولك بيعاينو العربية ويشوفوا المحضر وبعدين يقولو كلمتهم
الحــــــــــمــــــــــــد للــــــــــــــــــه

[medo_31]

حمد الله على سلامتك وفداك مليون عربية ومعلش مكتوب علينا نتحمل اخطاء الاخرين

[mohamed hussei]

وصل ضرر ل دورة التبريد علشان الاير باج يفتح ؟

[unisman]

لا حول و لا قوة الا بالله
الف حمدالله علي سلامة حضرتك
فداك الف عربيه
الحوادث كتير اليومين دول
انا لسه برضه بسبب غباء واحد عامل حادث بفانتازيا
و ما ادراك قطع غيار العربيه دي
الحمد لله

[J A G U A R]

حمد الله على سلامتك وربنا يعوضك .. ابقى خليك حريص من بتوع السيراتو دول كلهم شباب وبيكونو مسطولين ومش مركزين فى السواقه .

[Hema_Basha]

حمدلله ع سلامتك وفداك اي حاجة في الدنيا

[lad]

يعنى هو اللى دخل فى الراجل و التانى هو اللى غلطان لا يسيب العربية تتدغدغ عشان واحد ماشى لازق فيه الف سلامة عليك

[smsm2004w]

حمد لله على السلامة وربنا يعوضك مفيش حاجة اسمها لو التأمين وافق التأمين بيوافق على مقايسة التوكيل بس المهم انهم ميجوش يزودو حاجة بعد كدة فى التوكيل

[saddam]

صديقي المواطن
ندعو الله لك بالصبر والسلوان وأن يعوضك عما خسرته بزيادة ونحمده على سلامتك ولا تحزنوا على ما أصابكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mo7a_mo7a]

حمد لله على السلامة

[walidzakzok]

قولا واحدا (بعد استئذان ايمن باشا صدام) اللي ورا فى كل دول العالم هو اللي غلطان حتى لو كان اللي قدامك داس فرامل بدون اي سبب فانت المخطئ لان انت لازم تسيب مسافة تتناسب مع سرعتك

[drcobra]

الف سلامة

[ahmedz310]

الف سلامه عليك وقدر الله وماشاء فعل

[omaranes77]

الف سلامة علي حضرتك وفداك المهم انك بخير

[omaranes77]

قولا واحدا (بعد استئذان ايمن باشا صدام) اللي ورا فى كل دول العالم هو اللي غلطان حتى لو كان اللي قدامك داس فرامل بدون اي سبب فانت المخطئ لان انت لازم تسيب مسافة تتناسب مع سرعتك

دة وقتة نقولوا الكلام دة يا عم هو كان ماشي بسرعة وسايب مسافة اقدامة والي قدامة فرمل هو راح فرمل العربية زحفت