استفسار متكرر للاستاذ احمد امين عن صوت الدبة او الطقة فى العفشة

[Ahmed Amin]

هو صحيح الاستاذ احمد امين مختفى ليه اعتقد اكيد عنده ظروف لانه بصراحة مش بتاخر فى الرد خالص عموما يارب يكون خير يا باشا و انا ان شاء الله رايح التوكيل بكره حابقى اقولكم عملت ايه ان شاء الله و شكرا ليكم

أسف علي التأخير في الرد,
كان عندي ظروف الفترة اللي فاتت منعتني إني أدخل علي النت وأخد وقت في الرد علي المواضيع,
وإن شاء الله أحاول أعوض اللي فاتني من ردود الفترة اللي جاية.

وأبقي طمنا عملت أيه.

[Ahmed Amin]

والله يا باشا انا اتاكدت امبارح ان التوكيل اللى فى مرغم ده زباله بطء ايه و عدم فهم و نفخ فى كل حاجة نصيحة منى لو حد من اسكندرية ما يتعملشى مع التوكيل ده خالص و انا قررت انى اتعامل مع نور الدين ان شاء الله لانى امبارح فى التوكيل من 9 لحد 2 يعنى 5 ساعات و ولا الهوا نفس الصوت موجود ربطوا عفشة و قاللك كله تمام و مش لاقيين حاجة خالص هى اللى ممكن تكون عاملة الصوت و لاء ابسط حاجة لما بيربطوا البطاحات بيفكوا المساحات و البلاستيكة اللى تحتها لما ركبوها تانى بعد الشغل لقيت المساحات بتخبط فى بعضها روحت خليت الميكانيكى اللى جنب البيت يعملهالى مظبوط بصراحة مش عارف مشكلة الدبة او الطقة دى ايه انا على فكرة كمان شكوا فى التوكيل فى ان الصوت ده جاى من ان الرفرف اليمين عندى لما بتضغط عليه لتحت و الكبوت مفتوح بيعمل زى صوت طقة فقلت ايه الهبل ده المهم لما كنت جنب البيت لاحظت الصوت ده و ظبط حرف الرفرف مع الفانوس بحيث ما يعملشى الصوت ده و قلت اجرب لقيت النهارده برده نفس الصوت فاما عتقدشى الصوت ده من كده ده حاجة فى العفشة لو حد عمل حاجة فى المشكلة ده من الناس اللى كانت قايله على الحوار ده قبل كده ياريت يقلنا و شكراو نصيحة اخيرة لرجالة الاسكندرية بلاش اى حد يتعامل مع التوكيل اللى جوه بنزينة شيل اللى فى مرغم عشان مقرف جدا فى التعامل و بطء السنين وشكرا معلشى طولت عليكم بس الواحد مخنوق من خدمة ما بعد البيه بالنسبة لشركة كبيرة زى بيجو !!!!!!!!!!!!!!!!!!!!!!!!

توكيل مرغم فعلاً بطئ جداً في الشغل, ومش فاهمين كويس سواء من مهندسي الأستقبال أو حتي المهندسين جوا الورشة.
أخرهم تغير زيت موتور أو تيل فرامل,, لكن متروحش لهم تشخص عيب أبداً.

بالنسبة للي حضرتك عملته في نور الدين في الرد التاني أنا شايف مش حل عملي, ولا تشخيص ناجح أنك تفك جنب كامل لعربية زيرو.!!!!!
بس أنت مكنش في أيديك حل, وقدر الله وماشاء فعل, بسيطة.

عموماً لو كان لسه الصوت موجود هيبقي أنت محتاج سروجي يراجع لك علي الكراسي بس ويظبطها.

[m.basha]

توكيل مرغم فعلاً بطئ جداً في الشغل, ومش فاهمين كويس سواء من مهندسي الأستقبال أو حتي المهندسين جوا الورشة.
أخرهم تغير زيت موتور أو تيل فرامل,, لكن متروحش لهم تشخص عيب أبداً.

بالنسبة للي حضرتك عملته في نور الدين في الرد التاني أنا شايف مش حل عملي, ولا تشخيص ناجح أنك تفك جنب كامل لعربية زيرو.!!!!!
بس أنت مكنش في أيديك حل, وقدر الله وماشاء فعل, بسيطة.

عموماً لو كان لسه الصوت موجود هيبقي أنت محتاج سروجي يراجع لك علي الكراسي بس ويظبطها.

اولا حمد الله على السلامة و لعل المتنع خير ان شاء الله انا الحمد لله بعد اخر مرة روحت لنور الدين الحمد لله الصوت بتاع الطقة ده راح مش عارف كانت حاجة محتاجة تتربط فلما فك و ركب الصوت راح ولا حوار قربة الميه ده من تحت لما اتمسكت بافيز الصوت راح مش عارف بس المهم ان الحمد لله الصوت اختفى من عندى بقالى فترة طويلة جدا مش باسمعه و على فكرة التوكيل بتاع نور الدين ناس محترمة جدا افضل من التوكيل بمراحل فى كل حاجة و شكرا و حمدالله على السلامة مرة تانية منور القسم

[ahmdghalwash]

أسف علي التأخير في الرد,
كان عندي ظروف الفترة اللي فاتت منعتني إني أدخل علي النت وأخد وقت في الرد علي المواضيع,
وإن شاء الله أحاول أعوض اللي فاتني من ردود الفترة اللي جاية.

وأبقي طمنا عملت أيه.

حمدالله علي سلامتك استاذ احمد وان شالله تكون بخير

[Ahmed Amin]

اولا حمد الله على السلامة و لعل المتنع خير ان شاء الله انا الحمد لله بعد اخر مرة روحت لنور الدين الحمد لله الصوت بتاع الطقة ده راح مش عارف كانت حاجة محتاجة تتربط فلما فك و ركب الصوت راح ولا حوار قربة الميه ده من تحت لما اتمسكت بافيز الصوت راح مش عارف بس المهم ان الحمد لله الصوت اختفى من عندى بقالى فترة طويلة جدا مش باسمعه و على فكرة التوكيل بتاع نور الدين ناس محترمة جدا افضل من التوكيل بمراحل فى كل حاجة و شكرا و حمدالله على السلامة مرة تانية منور القسم

الله يسلمك, والحمدلله الدنيا ماشية.
ومبروك علي معالجة سبب الصوت وأنو راح لأني عارف بيبقي حاجة تزهق لو محدش عارف يوصل لسبب الصوت منين.
وهيا كانت حاجة فعلاً عايزة تتربط كويس, بس متشخصتش صح فربطنا كل حاجة ورب ضرة نافعه.

وشكراً علي نقل تجربتك بتوكيل نور الدين, وإن شاء الله نسمع رأيك فيهم تاني في صيانتك اللي جاية عشان نعرف عن مستواهم أكتر مقارنة بمرغم.

والله يسلمك تاني, القسم منور بالناس اللي فيه.

[Ahmed Amin]

حمدالله علي سلامتك استاذ احمد وان شالله تكون بخير

الله يسلمك يا بشمهندس أحمد, أنا الحمدلله تمام شكراً علي أهتمامك.
وإن شاء الله تكون حضرتك كمان بخير,,
وتنورنا دايماً في القسم بمشاركاتك القيمة واللي بنستفاد منها كتير.

وإن شاء الله أشوفك قريب أول أما الظروف تسمح.