رحلتي بال406 في الحرفيين

[casper_600]

طبعا الحمدلله اشتريت 406 موديل 2003 ماشيه 120000 زيتونى اللون وصالونها رمادي اوتوماتيك
خدتها ورحت علحرفيين عشان الاتي
اول شئ رحت علبطل بتاع قطع الغيار وعمران بتاع البيجو اشتريت الاتي
جوز مساعدين امامي 800 جنيه
جوز شدادات خلفي وهو مصنوع من البلاستيك ويقوم بدور في اتزان السياره عند المطبات والمنحنيات سعر الواحد 80 جنيه
ملعب فتيس..استيراد.نقل تحركات الفتيس للموتور ويظهر لماتفتح الكبوت هتلاقى شكله ابيض ودايره برتقالي 150 جنيه
اشتريت حلية فتيس الاصليه 100 ج
رحت علي ميكانيكي اسمه محمود شاطر جدا غيرلي الزيت والفلاتر والسيور والمساعدين امامي والشدادات والتياش للميزان الخلفي وملعب الفتيس ونظفنا الطرنبه وحساس الايدول والبوجيهات
كاتينه ب 180
فلتر هوا ب60زيت ب60تكييف ب50 بنزين ب60
حطيناميا خضرا وربطنا علبة دركسيون
غيرنا زيت فتيس اتوماتيك كهربا اللتر ب120
غيرنا تيلين فرامل امامي وخلفي ب180 و 200
خلصت معاه طبعا طول النهار اخد مصنعيه 250 ج وطلعت علي الكهربائي
لمبه المارشديل مكنتش بتنور طبعا قالي دا ساعه الفتيس وبعدين فكها راح مغير الشوكه اللي جوا وبرجو مشتغلتش وبعدين قالي دا البي اس اي وقالي لازم يتغير المهم مردتش اغيره وقلت بعدين ..وجه صنايعي تاني يقفل وانا بعدت اشرب سيجاره وبعدين طبعا إنا يائس من نور المارشديل لقيته راجع بيقولي ياباشا هاخد خمسين جنيه اناشغلتهالك ودا ملوش دعوه بالمصنعية بتاعت المركز وقلتله ماشبى حلاوتك قالي ياباشا بدل مكنت تشتري البي اس اي ب350 اناشغلتهالك دى حلاوتي طبعا فرحت وبصراحه اديتو انامش عارف هو عمل ايه بس طلعتها لله وخلاص .قلت يمكن متفقين مع بعض وعملو فيلم.. عشان الاولاني حاول بكل الطرق ومعملهاش وجه اللي بيقفل الشغل عملها..امممممم غريبه...
طلعت علي شارع دمشق ركبت فرش جلد رماد عند طارق علشمال بعد البنزينه ب 400 بالتركيب
اشتريت منظف دوره ب 50وملمع ب40وطقم دواسات ب150
الكهربائي اخد 100.كتير صح ..غير الصنايعي اللي حل المشكله بتاعت المارشديل
اغلب الصنايعيه معندهاش ضمير خليكو حريصين في اختيار الورشه والاسطي والصنايعيه
معلش هو تعب بس ضرورى ان الواحد يهتم بالاوروبي عشان مايزعلش وخصوصا الفتيس
ينفع اركب مرايا تعتيم بتاعت 2004 و2005 في 2003 طيب وهنقل الحساسات اللي في القديمه ازاى بتاعت الضوء والمطر
اعمل ايه للفتيس لتفادي المشاكل
البورده بتاعت الريموت ضايعه ازاى اعملها يعني مافيش ريموت
قلت اقول علاسعار والملحوظات
تحياتي

[MAHMOUD MOHAMD]

مبروك العربيه الجديده وانت كده عملت الصح عشان تعرف تركب وتستمتع وربنا يكفيك شرها وشر عين الناس

[casper_600]

شكرا ياباااشا اميييين

[mostafa afifi]

مبروك العربيه و الصيانه
ممكن توضح المساعدين جداد ولا استيراد و تيش الميزان الخلفي سعرها كام
بالنسبه للفتيس للايف الزيت اللي حضرتك حطيطو لازم ينزل و تجيب الزيت الاصلي في علبه لونها رصاصي و ده سعره حوللي 450--500 عشان تحافظ علي الفتيس بس
و معلش هي حليه الفتيس اللي.هي العصايه بالجزء اللي تحته
شكرا

[م أحمد]

عاوزين نعمل اتحاد ملاك 406 زى بتوع ال301
ولو حتى تليفونات

[casper_600]

المساعدين جديده
تيش الميزان ب 200 الواحد خلاهم 180
نزلت الزيت تمام وغيرته
حلية الفتيس هيى القطعه السوداالجلد اللي الشمس بتنشفها

[kar!m]

ألف مبروك العربية .. وربنا يبارك لك فيها.

[casper_600]

اميييين
لو سمحتم هو فى فلتر لزيت الفتيس
ينفع اركب مرايا تعتيم بتاعت 2004 و2005

[mohamedadelemam]

مبروك يا فندم وربنا يديك خيرها ويكفيك شرها انما احب اقول لحضرتك ان حرام عليك والله العربيه الجميله دى تنزل بيها المنطقه الزباله دى وشوية الصناعيعيه الجهله .. لو حضرتك مش هتشتغل بايدك فيها امرك لله على التوكيل والمحصله النهائيه هتبقى ارخص الحرفيين بهايم وبالنسبه لقطع الغيار الاستيراد حضرتك الوكاله احسن الف مره وارخص وبالنسبه لتيش الفتيس انا لسه جايب واحد لعربيتى 605 هو نفس اللى عند حضرتك ب35 جنيه من ناصف فى ميدان طومانباى.. مبروك لحضرتك ال406 ماشاء الله جميله جدا

[mohamedadelemam]

تصحيح يا فندم معلش تيش الميزان فعلا الواحد بحوالى 200 الاصلى و120 الاسبانى

[م أحمد]

اميييين
لو سمحتم هو فى فلتر لزيت الفتيس
ينفع اركب مرايا تعتيم بتاعت 2004 و2005

ينفع بشرط تساوى مقاس الجديد و القديم ، المرايا المستعملة الاصلى التعتيم للجوانب (القطعة الزجاج) بتعمل فى الحرفيين 80 جنيه و التايوانى مش فاكر 100 و لا 150جنيه لان الراجل بتاع المرايا خلانى ارجعها و آخد القديمة
بالنسبة لمراية الصالون فدى بتبقى مربوطة كهربيا لعمل تعتيم اوتوماتيكى او يدوى و معاها سخان برضه فمش عارف هتتصرف فيها ازاى

[ahmed2y]

احب اقول ان معقل صنايعية البيجو فى القاهرة فى الزاوية محمد زكى الميكانيكى وزكاريا الكهربائئ وسروجى كمان مش فاكر اسمة اية وكلهم كانو شغالين فى التوكيل

[casper_600]

بيجو 406
اتزان قوه دفع تسارع ثبات امان اناقه مظهر رجولي محترم جدا اناقه في الانتظار اجمل من عربيات 2014 و2013 حاسس اني راكب في عربيه يعني مليا قيمتها
وياريت لو في اي معلومات الكل يشارك عشان نستفيد ونفيد
امااللي بيقولو عيب فتيس ومش عارف ايه انا بقول ان معايا زميلي بتلشغل معاه c180 الشكل القديم جابت فتيس عشان ماحطلهاش زيت في موعده
الموضوع موضوع اهتمام وميزانيه محسوبة بالعقل يعني مامنجريش في شوارع مكسره
بالراحه في المطبات نعمل حساب المسافات في الفرامل عشان ما نرزعش في حاجه ونبص في المرايات كويس ونهتم بنظافه السياره اول باول ونغطي التابلوه من الشمس والشاشه كمان ونبعد عن مجانين العربيات مثل الميكروباص النقل التكتك نحاول نهتم بنظافه الموتور نغسل كار كير الموتور
لو سمحتم

[casper_600]

لوسمحتم الراديو لايبحث ذاتي بيبحث مانيوال بس لمااجيبه بحث ذاتي بيقعد يدور علفاضي هل دا عيب ايريال ولا ايه
في البحث المانيوال تمام كويس بس بسمع وش وشوشره مع المحطه

[ahmdghalwash]

لوسمحتم الراديو لايبحث ذاتي بيبحث مانيوال بس لمااجيبه بحث ذاتي بيقعد يدور علفاضي هل دا عيب ايريال ولا ايه
في البحث المانيوال تمام كويس بس بسمع وش وشوشره مع المحطه

اخي العزيز...ده من الايريال..او فك الكاسيت هتلاق الوصلة مش راكبة كويس....وهيشتغل ان شالله
ومبروك ع العربية وفعليا موضوع الفتيس محتاج بس صيانة ومتابعة...ورجاء الاهتمام دائما بدورة التبريد وغسيل الرادياتير الخارجي..لانه يساعد علي تبريد الفتيس واطالة عمره
م-احمد غلوش