أرجو الرد سريعا بخصوص بيجو 307 ولكم جزيل الشكر

[Dr.ahmed Uro]

السلام عليكم ورحمه الله
عندى استفسار هام جدا وعاجل بخصوص ال 307
انا معجب بالعربية ومعروض عليا عربيه 2007 صاحبها كان مسافر ومكانش مشى بيها 20000 ب 80 الف جنيه
نفسى أجيبها وانضم ليكم فى عيله البيجو بس خايف من موضوع قطع الغيار الغاليه وساعات مش موجوده.
وكمان ناس كتير هنا كاتبين انها عربيه تحفه بس باعوها بسبب مشاكل فو الفتيس وقطع الغيار الغاليه خصوصا أنى هحط كل فلوسى فيها...ومش حمل مفاجآت بعد ما اشتريها.
انا محتار جدا...خاصه ان ناس قالولى ممكن تجيب حاجه استعمال نضيف بعيد عن البيجو ومشاكله زى النيسان صينى القديمه مثلا بالمبلغ ده.
أرجو الرد من اصحاب الخبره وملاك العربية ..لأنى محتار جدا، وخايف العربيه تروح واندم عليها
آسف لو طولت عليكم ..بس والله محتار جدااااا

[Thebutcherr]

كماليتها ايه؟

[Dr.ahmed Uro]

كمالياتها

العربية فول اوبشن استيبترونك من غير فتحه سقف.. هاتشباك مش sw

[Dr.ahmed Uro]

أرجو الرد

إيه يا جماعه فين أهل البيجو ؟!
أرجو من اصحاب العربية ميبخلوش عليا بالنصيحه... خايف العربية تتباع..
وشكرا مقدما

[ahmdghalwash]

إيه يا جماعه فين أهل البيجو ؟!
أرجو من اصحاب العربية ميبخلوش عليا بالنصيحه... خايف العربية تتباع..
وشكرا مقدما

اخي العزيز...السيارة بيجو307 رائعة طبعا خاصة وان كانت بيتي....تحري فقط الكشف الجيد ع السيارة قبل الشراء عند احد المراز المتخصصة او التوكيل.......اما بخصوص قطع الغيار فهي متوفرة وانصحك الا تخرج عن الاصلي فقط حتي لاتقوم بتركيب قطع صناعات مختلفة وتفقد ميزة سيارتك الاوروبي...كمان اسعارها معتدلة مقارنة بالفئات مثل التويوتا او اللانترا...بل تقل في بعض القطع..مشكلة الفتيس يمكن تداركها ببعض الاهتمام بدورة التبريد ودورة التزييت واطالة عمره ..توكل علي الله ومبروك مقدما
م- احمدغلوش

[M.ADEL KAMEL]

شوف يادكتور احمد ...انا بصراحة كنت هاشترى 307 sw و بأمانة لجأـ هنا للاستاذAhmed Amin منسـق قسـم بيجو راجل فى منتهى الاحترام و الادب و الخبرة و بصراحة افادنى فى كل حاجة طلبتها منه و سألته عليها و ازعجته كتييييييييير جدا و كنت معاه لحظه بلحظه فى كل عربية اشوفها و هو الصراحة استحملنى جامد ( له جزييييييييييييل الشكر ) فأعتقد انك تستنى رأيه من الافضل هو و باقى خبراء بيجو

[Dr.ahmed Uro]

أستاذ m.adel kamel
حضرتك بتقول كنت هشترى ...طيب ممكن اعرف مشترتش ليه..؟؟!
ياترى العربية فعلا فيها مشاكل؟!
وآسف على الإزعاج

[M.ADEL KAMEL]

لا مفيش ازعاج ولا حاجة ...انا مااشترتش علشان قررت احاول ازود المبلغ و اشترى حاجة اعلى ...لكن العربية كانت طالعة من عينى و الله ...بالنسبة للمشاكل ...ناس كتير بتتكلم على مشاكل الفتيس لكن الصراحة انا ولا عربية شوفتها كان فيها مشكلة غير انى رأيى انا ان الموضوع كله فى الصيانة المعتدلة بزيوت اصلية للفتيس و الموضوع كل من 40000 :60000 كم و لو محتاج حاجة قول انا موجود و معاك و هافيدك على قدر معرفتى

[Dr.ahmed Uro]

طيب لو انا قدامى نيسان صينى سوبر صالون ٢٠٠٩ عامله ٦٠ الف كيلو وفابريكا برضه ...ياترى اختار ايه؟!
مع العلم أنى مش بسافر كتير ..ومعظم حركتى جوه القاهره...ويهمنى الراحه وطبعا قله الأعطال .
مع العلم أنى ميال للبيجو بس خايف من حكايه الفتيس دى وطلمبه البنزين.
انا آسف أنى مطول عليكو... بس والله محتار جدا

[M.ADEL KAMEL]

ياراجل ياطيب انتا بتقارن ايه ...يأيه ...مفيش علاقة خالص .. حاول تنتظر رأى الخبراء

[Dr.ahmed Uro]

والله يا m.adel kamel انا عارف ان البيجو احسن ...
بس هنا ناس كتير على المنتدى كاتبين انهم بعد ما اشترتها كانو معجبين بيها جدا بس باعوها بسبب مشاكل الفتيس وكمان قطع الغيار الغاليه وساعات مش موجوده....
ياريت حد من ملاك العربية او اللى كان يملكها فى يوم من الايام يقول لى رأيه بامانه وحياديه .. وهكون شاكر ليه جداا

[Dr.ahmed Uro]

الووووووووووو

أنتو فين يارجاله البيجو؟!!
مفيش حد من ملاك السيارة يدينى نصيحه....اشتريها ولا ابعد عنها واشترى دماغى.... عايز أقرر قبل العربية ما تتباع...
ياترى حد من ملاك العربية صاحى؟؟!!!

[rompo10]

انا راكب 406 ونصيحه ابعد عن البيجو بدل دي فلوسك كلها هي عربيه محترمه بس مش للمصريين ابعد احسن

[HOSSAM99]

لو علي النصيحة أشتريها طبعا بدون كلام دي عربية جديده و كيلو متر ممتاز هتاخد خير العربيه
نيجي للمشاكل العربيه بدون أدني مشاكل تذكر طالما بتعمل الصيانه في المواعيد
كل مشاكلها بتيجي مع الأهمال : -واحد مبيغيرش زيت غتيس لازم الفتيس يخرف
-واحد غسل الموتور بمياه و جاز لازم دينمويطير أو كهربا تبرجل
-زاحد ما بيتابعش سائل التبريد و بينقص و هكذا
أما قطع الغيار فهي متوفرة جدا و أرخص من الكوري

دي كانت النصيحة

لو مش عايز العربيه يا ريت تبعتلي رقم صاحبها فيه واحد زميل عايز واحده بالحاله دي لو مفهاش تكليف

لو محتاج أي أستفسار أسأل

[a_eissa_rageh]

ياريت يكون عدادهها مش مقلوب و ياريت تكشف فى التوكيل او مركز صيانه معتمد

و انا اعرف واحد عنده العربيه دى و ماشيه 200000 كم لحاد انهارده و بيشكر فيها جدا

و كان بيقول صيانتها كلها توكيل

بس عيبها الوحيد بالنسبه ليه هوه النتشه اللى فى الفتيس