ايه رايكم في الشغل ده

[Hema_Basha]

طبعا الحمدلله بعد الخبطة اللي اتخبطتها في الكبوت والرفرف فقدت الامل انها ترجع زي الاول واحد ابن حلال دلني علي واحد في المنصورة بس بصراحة انا شوفتها انبهرت وربنا يستر طريقنا
ده صور الخبطة http://www.nilemotors.net/Nile/408980-d-d.html
ودي اللي عملتها

[Mohamed_Ayman]

مبروك يا ابراهيم ، شغل تمام ، ربنا يجعلها آخر الخبطات. كلفتك كتير؟

[Ashraf Fawzy]

بسم الله ما شاء الله, الحمد لله إن كل شئ رجع تمام و الف مبروك عليك للمرة التانية, و انت كده طمنتنى إن الخبطه البسيطه اللى عندى فى الكبوت تحت شعار الأسد ممكن ترجع زى الأول. بس هو عملها على البارد و لا على السخن و دهان دوكو؟ و التكلفة كانت قد إيه؟

[amrelsaqqa]

ماشاء الله اقل ما يقال عن السمكري ده انه فنان انه عملها ع البارد بالحرفية الشديدة دى بسم الله ما شاء الله
ربنا يحفظهالك ويجعلها اخر الخبطات يارب :)

[eng.salama93]

بسم الله ما شاء الله
دا بارد ولا تسخين ؟؟ و التكلفة كام !

[bayooo]

ماشاء الله ......الصراحه فنان

[Hema_Basha]

كله علي البارد

[Hema_Basha]

ولا رش ولا دهان ولا جيت جنبها

[mmkamalh]

1000 مبروك يا هيما و يارب يحفظهالك و يباركلك فيها

[exact]

قول لي ان السمكري ده اسمه سعيد؟؟

[eng.salama93]

ولا رش ولا دهان ولا جيت جنبها

طب اتكلف كام .. و عملها ازاي !

[J A G U A R]

تمام الله ينور

[Hema_Basha]

ربنا يكرمكم ويبعد عنكوا شر الحوادث انا بصراحة معرفش عملها ازاي هي كلها علي البارد لاني سببت العربية عنده وخدت بعد يومين بس عموما هو شغله كله بارد لان مجربينه في كورولا 2013 قبل كده الراجل اسمه السيد الطلخاوي بس هو بصراحة غالي شوية بس بصراحة بعد الشغل الواحد يديلوه اي فلوس هو خد 1500 ج مقابل خبطتين الكبوت والرفرف برضه لان اصل كان مخبوط قبل كده بس مش باينة اوي والفانوس كان مكسور من جوا هو طبعا عالجه وكان عندي خبطة في الباب اليمين ورا عملها برضوا والحمدلله ولا حاجة من دي باينة خالص

[faroojj]

بسم الله ما شاء الله

[M.Emam]

طبعا الحمدلله بعد الخبطة اللي اتخبطتها في الكبوت والرفرف فقدت الامل انها ترجع زي الاول واحد ابن حلال دلني علي واحد في المنصورة بس بصراحة انا شوفتها انبهرت وربنا يستر طريقنا
ده صور الخبطة http://www.nilemotors.net/Nile/408980-d-d.html
ودي اللي عملتها

ماليش دعوه انا عايز من ده
بسم الله ماشاء الله يا ابراهيم بيه ربنا يسترها معاك ومع الجميع الشغل ممتاز
انت هتخلينى افكر اروحله مع انى كان يستحسل افكر اروح عند حد بره القاهره ....بس هو لازم اسيبها يومين كده وليه سيبتها؟!!!