حل للتشويش علي الراديو

[ahmed3008]

الراديو في الدلتا عامه مشوش اوقات قليله الي بيبقي مظبوط بتكلم عن موجه fm2

في حل للموضوع ده لان اكتر حاجه بحب اسمعها وانا سايق نجوم اف ام ونغم

مفيش جهاز يمنع التشويش او حاجه زي كدا ؟

[دكتور خالد]

ناس كتير جربت تغير سلوك البوجيهات بنوع انجليزى معزول مطاط ( عزل كويس ) ومنع معاهم الشوشرة

[Land_Cruiser]

لازم حضرتك تحاول تعرف هي المشكله من راديو العربيه و لا الموجه اصلا ضعيفه و ده تجربه عن طريق راديو مثلا او حتي لو كان الموبايل بتاعك به راديو ممكن تجرب و تعرف. فى حاله لو كانوا الاتنين مشوشين يبقي العيب ان الاستقبال عامه ضعيف فى المنطقه اما لو كان راديو العربيه بس هو اللي ضعيف يبقي ساعتها ممكن تجرب حلول زي تغيير سلك البوجيهات يا اما تستخدم اللي بيقي موجود فى كتير من الموبايلات او ام بي ثرى من اللي فيه راديو

[ganash]

سلوك البوجيهات دى نوعها ايه وكام سعرها بعد اذن صاحب الموضوع ؟

[shiko85]

هقولك على حاجه ممكن تكون مفيده ليك عندى فالكاسيت حاجه ركبه بمسمار فظهر الكاسيت شبه اريال صغير عربيه صديق ليا مفهاش الأريال ده (انا عربيتى خليجى و هو عربيته وكيل) الأستقبال بتاع الراديو عندى افضل من عنده هو الراديو فالنفق بيفصل و انا شغال عادى
هتلاقى ليه مكان فالكاسيت (باين فالصوره)

[ahmed3008]

لازم حضرتك تحاول تعرف هي المشكله من راديو العربيه و لا الموجه اصلا ضعيفه و ده تجربه عن طريق راديو مثلا او حتي لو كان الموبايل بتاعك به راديو ممكن تجرب و تعرف. فى حاله لو كانوا الاتنين مشوشين يبقي العيب ان الاستقبال عامه ضعيف فى المنطقه اما لو كان راديو العربيه بس هو اللي ضعيف يبقي ساعتها ممكن تجرب حلول زي تغيير سلك البوجيهات يا اما تستخدم اللي بيقي موجود فى كتير من الموبايلات او ام بي ثرى من اللي فيه راديو

هو المشكله ان في مناطق الدلتا الاستقبال ضعيف جدا فمش مشكله من العربيه

بس سلك ده موضوع مقلق شويه

[shiko85]

[دكتور خالد]

سلوك البوجيهات دى نوعها ايه وكام سعرها بعد اذن صاحب الموضوع ؟

أعتقد اسمها سبليت فاير و سعرها حوالى 200 جنية

[Fo1Fo]

فى حاجه أسمها طقم ذبذبه ( عباره عن مكثف وملف ) بتركب على التوالى بين الأريال والراديو تلاقيها عند المحلات اللى بتشتغل فى صيانه وتركيب الساوند بتاع العربيات ورخيصه 10-5 جنيه

[amrelsaqqa]

سلوك البوجيهات ده لو بتسمع زنة الموتور في الراديو ويزيد ترددها حسب الار بي ام وما عتقدش ده عندك
ضعف الراديو في الدلتا المفروض بالاريال الارسال ييجى كويس بدون مشكلة

انا لما ببقى في القاهرة المحطات بتشتغل بالاريال وبدون ، في المحافظات لازم اريال بس في الاول وفي الاخر بتشتغل يعنى !
الحل شوف الاريال كويس ولا لا والسلك بتاعه سليم ومتوصل بالراديو ولا لا

[Ahmed Amin]

الموضوع مالوش أي علاقة بالبوجيهات لا من قريب ولا من بعيد.

بدليل إن زي ما الأخ الفاضل shiko85 وضح
إن فيه عربيات ممكن يكون نازل منها نسخه خليجي, ونسخه وكيل,
والأتنين متطابقين في كل شئ,,
وهتلاقي إن العربية الخليجي أستقابلها أفضل في الراديو حتي وبدون أيريال.
وإن العربية الوكيل حتي لو مركب لها الأيريال هتكون الأشارة فيها ضعيفة جداً.

الموضوع دا كان مجنني, وأنا جديد عليا الحل اللي هوا وصفه, وأتمني منه لو يوضح الوصف أكتر من كدا لأني بعاني من ضعف الأشارة في محطات ال FM لما بكون في أسكندرية والدلتا, لكن في القاهرة ممتازة.
والكلام دا في العربية اللي هيا وكيل.

أما العربية الخليجي فالأشارة كويسة في كل مكان.!

[shiko85]

اأتمني منه لو يوضح الوصف أكتر من كدا لأني بعاني من ضعف الأشارة في محطات ال FM لما بكون في أسكندرية والدلتا, لكن في القاهرة ممتازة.

انا تحت امرك يا احمد بيه
بص يا باشا
العربيتين النترا hd المفروض الأريال فالزجاج الخلفى
عربتى خليجى و التانيه وكيل
كان بيشتكلى من ضعف اشاره الراديو خصوصا فالأنفاق انا قلتله انى مش عندى المشكله دى او مش بالشكل اللى هو بيقول عليه
المهم بعد فتره فكيت الكاسيت عندى علشان كنت عايز اغيره لاقيته بيقولى ايه البتاعه دى (قصده الأريال الصغير) قاللى انا مش عندى فالكاسيت
و هو ده الأختلاف الوحيد بين الكاسيت عندى و عنده
الصوره الأولى للكاسيت عندى و التانيه صوره لكاسيت تانى من غير الأريال ده و باين مكان المسمار بتاع الأريال ده

[Ahmed Amin]

الله ينور, وضحت الفكرة كدا.
طيب الأيريال دا ممكن أجيبه وأركبه عندي ؟
عندك خلفية بيتباع ولا لأ.؟ وممكن الأفيه فين ؟