سؤال مهم بخصوص مروحة بيجو 301 برجاء الرد بسرعة

[m.basha]

النهاردة و انا راجع من الشغل يدوبك مشوار حوالى 7 -8 كيلو لحد البيت فركنت فى الجراج و شيلت المفتاح بس لقيت المروحة فضلت شغاله لمدة دقيقة كده ووقفت فتحت الكبوت حسيت فعلا انا العربية سخنة زى مطلعة هبو سخونيه كده هو اه السكة كانت زحمة و انا راجع بس مش للدرجة ده هى عادة لما بركن فى الجراج بسمع صوت المروحة يشتغل و يطفى لحد ما ابطل العربية المروحة تبطل عالطول مش عارف ده طبيعى و لا ايه و هل اشيك على المياه بكرة الصبح و لا ايه مش عارف كان فى زميل فى المنتدى برده فضلت المروحة شغالة عالطول فترة طويلة مش عارف كانت مشكلة ايه عنده هو اه انا فصلت بعد دقيقة بس اول مرة الاحظها بتطول كده النهاردة برجاء الافادة و شكرا على الرد مقدما

[Mohamed_Ayman]

ان شاء الله خير ، بس شيك على مياة التبريد زيادة فى الأمان.

[amrelsaqqa]

مش شايف مشكلة الصراحة موقف طبيعى جدا ، ده المروحة ممكن تشتغل بعد ما العربية تبطل احيانا وبتحصل في عربيات كتير مش بس تفضل شغالة بعد ما تركن العربية

[tifa2015]

عادى جدا بتحصل فى كل العربيات الغالية والرخيصة متقلقش نفسك ده امر طبيعى لان المروحة متبطلش الا لما تبرد العربية

[abohend]

قلقتني يا راجل

أنا مش شايف بروبلم

عادي جدا المروحة تفضل شغالة شوية

بكرة الصبح إن شاء الله شيك على المياه

ممكن بس مشوارك كان طويل و فالزحمة...و ده طبيعي يسخن الموتور

خير إن شاء الله

تحياتي

[m.basha]

متشكر يت رجاله على الرد السريع انا عارف انها ممكن تحصل و بتحصل فى عربيات كتيرة ان المروحة تفضل شغالة فترة بعد التبطيل بس انا بقول كده لانها اول مرة تعمل معايا كده و بعدين المشوار ما كنش طويل اوى للدرجة ده بكره ان شاء الله نشوف وربنا يكرم وشكرا

[Ahmed Amin]

طبيعي جداً,,
هتلاقي مكتوب في كتالوج العربية إن ممكن مروحة التبريد تفضل شغالة لفترة حتي بعد ما تشيل الكونتاك من العربية وتبطلها,,
دا طبيعي جداً لأن المروحة الطبيعي بتاعها طول مانت ماشي بالعربية بتشتغل فترة وبتفصل أول ما العربية بتبرد..
فأنت لو كنت ماشي مشوار بالعربية ووصلت وبطلتها وكانت المروحة لسه هتبدأ تشتغل عشان تبرد العربية,
هتفضل شغالة شوية بعد ما تطفيها لحد ما تبرد المية وبعدين تفصل.