صوت طقطة في موتور 307

[seleman9]

يا جماعة انا شاري 307 مو 2007 مستعملة من 4 شهور

كانت ماشية تمام بس كان صوت الموتور خشن شوية المهم بقي لها فترة بسمع صوت طقطقة في الموتور وانا مدور العربية وواقف الصوت مش بيزيد لما امشي بالعكس بيروح
العربية عاملة 39000؟
يا تري ممكن يكون ايه دة

[MuhamedNabil]

لو انا فاهم صح يبقى ده صوت التكيهات. انت اخر مرة غيرت الزيت امتى ؟ لان الماتور ده ضبط التكيهات اوتوماتيك عن طريق روافع بتتملى زيت لما الماتور يكون شغال و ليها علاقة مباشرة بالصوت البتسمعه.

[Ahmed Amin]

لو صوت تكتكة مش مظبوطة كدا فا الصوت دا طبيعي لو كنت لسه مدور العربية وباردة,
ولما درجة الحرارة توصل لدرجة التشغيل الطبيعية من 70 ل 90 المفروض ميكونش فيه أي صوت طقطقة وتبقي المكنة شغالة بريتم ثابت.

راجع برضه منسوب الزيت زي ما بشمهندس محمد قالك, وغير الزيت علي فترات أقرب يعني 8000 بدل 10 الأف,
مع تغير فلتر الزيت في كل غيار.

[seleman9]

الحمد لله رحت التوكيل عند احمد ندا و طلع عيب بوجيهات غيرتعم الصوت ظبط
بس صوت الموتور خشن شوية قاللي علبة البيئة--مش موجودة جديدة في منها استيراد ب 1000 و اللله المستعان

[MuhamedNabil]

بصراحة مش بثق اوى فى تشخيصه و زمان 4 سنين كده كان حيدبسنى فى بوبينة ( 1000+) قبل حتى مغير بوجيهات و غيرت بوجيهات الدنيا اتحلت.

كان فى واحد استاذ احمد امين نصحنى بيه اسمه الدهشورى فى صقر قريش المعادى. اتعاملت معاه فى كام حاجة كده و شيفة كويس و فيهم واحد اسمه شريف مزال بيشتغل فى مودرن سيرفيس بس هو بيروح هناك من بعد 5 مساءا
الانطباع الاول انهم مش بتوع تدبيس و مصنعيتهم معقوله جدا .

و عموما لو عايز قطع غيار اصلية فى مصطفى شوقى خلف التوحيد و النور مكرم عبيد 26715103

[seleman9]

شكرا للاهتمام

علي فكرة احمد ندا غير لي البروجيهات طبعا الاصلي و بردو زي اللي فاتوا العربية كانت ماشية كويس بعدين حسيت بتنتيشة خفيفة التنتيشة زادت لحد ما طلع لي ايرور antipoll fault
يظهر ان في حاجة بتبوظ البوجيهات دي رابع طقم بوجيهات اركيه
افيدوني الله ميوقعكمش في زنقة؟ هل في حاجة ممكن تبوظ البوجيهات
و لو الدهشوري دة كويس و شغال في ال307 يل ريت عايز عنوانه بالضبط

[MuhamedNabil]

بالنسبة للبوجيهات اشترى الطقم ده من غزال فى شارع دمشق امام بنك عوده و حتلاقيه عند مصطفى شوقى برده.
اول طقم ركبته مشيت بيه 30000 منغير و لا مرة anti pollution fault.

الرسالة دى لما بتطلع بيكون فى رجة زيادة فى الموتور ؟

http://aa-boschap-de.resource.bosch.com/media/internet_public/parts/service_parts/spark_plugs__service_parts/program__spark_plugs/program_sparkplugs_boschsuperplus/pictures_program_boschsuperplus/superplus_group_b.jpg?width=714&height=600

لو عايز تروح للدهشورى يبقى كانك رايح المعادى من الاوتوستراد و اول متوصل صقر قريس من خش الطريق البطئ البيكون على يمينك.
تفضل ماش لحد لما تلاقى يفطة تويوتا كبير تخش من عندها يمين , تفضل ماشى على طول حتلاقى كشك فى وشك و زى ميدان صغير خش يمين او اقف و اسال هناك

و دى خريطة كان أ. احمد امين بعتهالى حتسهل عليك كتير.

https://fbcdn-sphotos-d-a.akamaihd.net/hphotos-ak-frc3/1239075_526605114082452_1591747659_o.jpg