الفرق فى بيجو 301 الخليكى و الوكيل

[magdy_c_c]

من معرض الليثى يا باشا قالى124000 اول فئة اوتوماتيك

المعرض ده بيهرج العربية الموجودة على أرض المحروسة وكيل أول فئة أوتوماتيك 124950 جنيه ضماااااااان وجيه أباظة و على فكرة البيجو ضمان عالمى يعنى أى بيجو لو من بلاد واق الواق وديها التوكيل لو فيها أى حاجة ما يقدرش يقول لك لا أما ضمان الـ 100000 كم أو عدد السنوات ده ثمنه " 950 جنيه " بس !!!
و بعدين الـ 301 بها جميييييييييييييع الكماليات و جميع مواصفات الأمان ، لو فرض ان فى منها خليجى اضحى بالضمان و الصيانة الشبه مجانية 3 سنوات علشان 900 جنيه ؟؟؟
راجع نفسك

[Mohamed_Ayman]

ويا ترى الخليجى دى صينى وللا أسبانى؟ وايه مواصفاتها؟؟

[EmadHegazy]

ويا ترى الخليجى دى صينى وللا أسبانى؟ وايه مواصفاتها؟؟

اللى موجود فى الخليج وبالاخص اللى فى السعودية أسباني...

أنا شاري سيارة من اسبوع وتمام والحمد لله

[EmadHegazy]

يا سادة الموضوع مش من تقليفى ... العربية نزلت خليجى و جورنال الجمعة كمان و موجودة فى معارض كتير و منهم الليثى .. قالى تمنها 124000 قولت له دى فيها ايه .. قالى دى خليجى يا باشا .. قولت له امال الوكيل بكام قالى 129000.. وسألته الفرق إيه قالى الضمان ...

يا سادة السيارة فى السعودية ب 45000 ريال وانا جبتها ب 44000 ريال .. بما يساوي 81000 ج تقريبا واضف اليها جمارك 50000 ج لو نزلتها اول سنه .. فيكون الاجمالي 133000 ج ... ازاى المعرض هيبيعها 124000 ج وفين مكسبه ..؟؟

الا اذا كان فى الموضوع إنّ ..!!

[Ahmed Amin]

العربية اللي بيقولو عليها خليجي, هيا العربية اللي بتنزل في السعودي Active اللي هيا بيزلاين وبيكون فيها فوجات و 4 سماعات زي ال Allure هاي لاين.

العربية تلات فئات في مصر,
الفئة الأولي مانيوال (بيز لاين),
والفئة التانية أوتوماتيك (بيز لاين).
والفئة التالتة أوتوماتيك (هاي لاين). ودي اللي فيها الفوجات والأربع سماعات وكل الكماليات اللي بتنزل بيها.

الخليجي بتكون أسباني برضه,, كل ال 301 هنا وفي الخليج أسباني,,
بس الخليجي واللي فهمته بتكون الفئة التانية عندهم (بيز لاين) >> بيكون فيها كماليات الهاي لاين عندنا.
شوفو كدا الموضوع دا,,

http://www.nilemotors.net/Nile/376391-peugeot-301-a.html

وياريت لو حد ينزل يشوف العربيات اللي في المعارض اللي بتقول كدا فيها الكماليات دي, ولا بيتكلمو أي كلام.

[faroojj]

اللى أنا أعرفه فى النسخة اللى بتنزل فى أوربا و دى برده أسبانى مع إختلافات بسيطة ( إنذار , هاي لاين بس مانيوال , كمبروسور هواء , .... ) و النسخة المصرى اللى بتنزل فى الشرق الاوسط و فى النسخة الصينى اللى متجمعة فى الصين و دى برده مختلفة كتير ( فتحة سقف , فرش جلد , .......)