قل لن يصيبنا الا ما كتب الله لنا الحمد لله عربيتى اتخبطت

[ali tmam]

قدر الله وماشاء فعل الحمد لله انك بخير

اشكرك على مرورك الكريم وربنا يسلم الجميع

[ali tmam]

قدر الله وماشاء فعل واهم حاجة ان حضرتك والاولاد بخير،الواحد مش عارف بجد يستحمل السواقة في البلد دي ازاي؟؟ دي مش سواقة اصلا دي معركة!! ربنا يصبرك ويعوضك خير ان شاء الله.

اشكر حضرتك على شعورك الطيب وربنا يصلح حال البلد ويسلم الجميع من كل شر والحمد لله اولا واخيرا

[ali tmam]

تم بحمد الله اصلاح العربيه وردها السمكرى على البارد طبعا الخبطة ظاهرة فى الباب خصوصا عند السوكة الموجودة فى الباب اسفل الاوكره لان الصراحة المكان غلس فى شغلة نظرا لوجود عضم فى الباب مش مخلى السمكرى ياخد راحته فى الشغل والسمكرى قالى ان الباب مدعم تدعيم جامد جدا وصعب اى حد يشتغل فيه خصوصا على البارد والراجل فضل يشكر فى قوة ومتانة الباب المهم جماعة اصدقاء قالولى سيبها كدة وقدام لو حابب تغير الباب و تكون الاسعار ريحت شويه ابقى غيره وبصراحة انا استريحت للراى دة وهسيبها شوية عشان لو حد حابب ينقرها عين تانى يبص على الباب فيراف بحالى وربنا يسلم الجميع من كل شر واشكركم جميعا على اهتمامك ولو حد ليه راى او شايف حاجة افضل تتعمل يتفضل يقول رايه وجزاكم الله خيرا اخوانى الاعزاء

[limo81]

ربنا يحفظك اخى الكريم من كل سوء وقدر الله وما شاء فعل وبالنسبة للبلد فعلا احنا وصلنا لمرحلة سيئة جدا فى تعاملنا مع بعض وفى تدهور كبير للسلوكيات الحميدة والاخلاق بس هنقول ايه بلادنا وبنحبها وهنفضل نحبها وربنا يقدر لينا الخير وينعم علينا بالامن والامان وتفائل خير وربنا يصلح الحال ان شاء الله

اه والله زي ما بتقول ، انا ما حسيتش بكده غير لما طلعت بره مصر ، ربنا يحفظها ويحفظ اهلها

[S O P H O S]

معلش يا باشا
قدر الله وما شاء فعل