تجربتى فى اصلاح ال 508 بعد حادثه

[maskeen]

الحمد لله بعد 3 اسابيع بالظبط فى التوكيل ف غمره تم استلام السياره بعد الاصلاح

العربيه كانت مخبوطه خبطتين...
-واحده من ورا يمين تسببت فى اعوجاج بسيط فى صاج البابين اليمين وكسر بسيط فى الاكصدام الخلفى
-واحده اكبر من الامام يسار تسببت فى كسر الاكصدام ورفرف وفانوس وفوج يسار

العربيه مؤمن عليها عند كونتاكت

تم اعتبار الاضرار كحادثتين منفصلين وهم كذلك فعلا

تم تغيير كل شىء عدا الابواب اليمين فتم سمكرتها (بمستوى جيد وليس ممتاز)

كل شىء بالمصنعيه تكلف 15500 جنيه تحملت منهم 1500 جنيه (15% من الحادثه الاكبر اللى هى ب 10 الاف تقريبا)

[insurancebroke]

الحمد الله علي سلامتك
ممكن ترجع لقسم منتدى الاستشارات التامينية
وتشوف موضوع كونتكت
ليه حسبولك الحادثه الكبيرة هيا الثانية شان تدفع 15%
كان ممكن يحسبلك الكبيرة الاولي والثانية اللي تدفع عليها 15%

[NASSER2]

ربنا يعوض عليك وحمدالله علي سلامتك وميزة التامين في الحاجات اللي زي كده

[miceg]

قدر الله وماشاء فعل
وربنا يستر طريقك ويعوضك خيرا إن شاء الله

[maio_do]

ربنا يسترها عليك وكلام insurancebroke سليم وانت متكلمتش معاهم ليه فى كده وحاجه تانى هى مش 15 الف كتير شوية ولا انت رايك اية

[Ahmed Amin]

قدرالله وماشاء فعل,
وكويس إن حضرتك كنت مأمن وإن النتيجة النهائية مرضية ومكنش فيه دلع من التأمين عليك زي شركات التأمين التعبانة.

[Ahmed Amin]

الحمد الله علي سلامتك
ممكن ترجع لقسم منتدى الاستشارات التامينية
وتشوف موضوع كونتكت
ليه حسبولك الحادثه الكبيرة هيا الثانية شان تدفع 15%
كان ممكن يحسبلك الكبيرة الاولي والثانية اللي تدفع عليها 15%

السلام عليكم,
انت كنت بعتي لي رسالة قبل كدا بخصوص إني بنصح الناس دايماً بالتأمين مع كونتاكت لأني شايفهم من أفضل وأكتر الشركات الملتزمة في التأمين علي السيارات بالسوق.
أنا قريت رسالتك وكنت عايز أرد عليها بس آنشغلت بعدها,

فا كنت حابب أفهم منك بما أنك شغال في مجال التأمين, كونتاكت بتعمل أيه في موضوع التأمين لأني مفهمتش قصدك أوي بالرسالة ؟

[maskeen]

الحمد الله علي سلامتك
ممكن ترجع لقسم منتدى الاستشارات التامينية
وتشوف موضوع كونتكت
ليه حسبولك الحادثه الكبيرة هيا الثانية شان تدفع 15%
كان ممكن يحسبلك الكبيرة الاولي والثانية اللي تدفع عليها 15%

لا ما كنش مممكن
اى شركه بتعمل كده ..
على العموم التكلفه الحقيقه كانت اقل مما توقعت
قطع الغيار اسعارها معقوله جدا بالنسبه لتمن العربيه,..يعنى فانوس امامى واكصدام امامى وخلفى ورفرف كل واحد منهم من 1800 الى 2800 جنيه ده فعلا معقول
ومصنعية سمكره ودهان لكل ده والابواب اليمين ب 4500 برضه مش كتير

[eleanor]

الحمد لله وقدر الله وماشاء فعل
وكويس ان حضرتك بخير
وعايزين نعرف انطباع حضرتك عن شغل التوكيل فى التقفيل بتاع فرش الابواب والكصدمات كويس ولا ايه نظامه وربنا يستر طريقك

[maskeen]

الحمد لله وقدر الله وماشاء فعل
وكويس ان حضرتك بخير
وعايزين نعرف انطباع حضرتك عن شغل التوكيل فى التقفيل بتاع فرش الابواب والكصدمات كويس ولا ايه نظامه وربنا يستر طريقك

انا مالاحظتش حاجه غريبه...عموما فك فرش باب واكصدام ده اساسيات السمكره صعب قوى يكون فيه عيوب. الكلام ده لو فرش الصالون او التابلوه اتفك

[ahmed sa3ed]

مبروك ياباشا علي تصلحيها

ليا سؤال جانبي اخبار العربيه ايه فيها مشاكل غير الخبطات يعني عيوب تقفيل حاجه تبوظ لوحدها ولا الحمد لله ممتازه

[maskeen]

لا هى جيده جداً بس لازم تربط العفشه كل ٥ آلاف كده وإلا ها تسمع أصوات من ورا بالذات

غير كده ممتازه

[ahmed sa3ed]

تمام الحمد لله

الصيانات بكام

10000 KM
20000 KM
30000 KM
40000 KM

اسعارها كام واة الى بيتغير دا اخر سؤال معلش :d

[S O P H O S]

ان شاء الله تكون اخر الاصلاحات