رجرجة مش معروف سببها

[Moe86]

سلامو عليكو
ال207 من أول ما جبتها فيها رجرجة محسوسة طول الوقت حتى و هى واقفة و صوت الموتور مش مظبوط
الهزة بتبقى جامدة الصبح و تقل شوية بعد كدة
فى مركز صيانة تعبان فى طنطا قالى محتاجة قاعدة فتيس و باقى القواعد كويسة, غيرتها و مفيش فرق
نظفت البوابة اتحسنت 10% و غيرت البوجيهات و الموبينة اتحسنت 40% كمان
بس لسة هزة الموتور محسوسة جامد بالنسبة للعربيات الجديدة
فى جهاز الفحص مفيش حاجة غريبة أو error طالع

أروح فرع غمرة يشوفوا المعضلة دى؟ ولا فى مكان تانى أحسن

[Ahmed Amin]

وعليكم السلام
لو رجة موجودة طول الوقت دي تبقي قواعد علي طول,
قاعدة الفتيس اللي غيرتها كانت بكام ومنين ؟

والهزة لو زايدة الصبح دي ممكن تكون من البوجيهات,
أنت مغير ببوچيهات أيه وبكام وبتعمل صيانة فين ؟

[Mostafa Hessen]

وعليكم السلام
لو رجة موجودة طول الوقت دي تبقي قواعد علي طول,
قاعدة الفتيس اللي غيرتها كانت بكام ومنين ؟

والهزة لو زايدة الصبح دي ممكن تكون من البوجيهات,
أنت مغير ببوچيهات أيه وبكام وبتعمل صيانة فين ؟

كلام سليم

تحياتى

[amirz]

انا كان عندى رجة كده برده وماراحتش غير لما غيرت طقم القواعد كله

[amrelsaqqa]

ما تنساش الشكمان برضه

[Moe86]

وعليكم السلام
لو رجة موجودة طول الوقت دي تبقي قواعد علي طول,
قاعدة الفتيس اللي غيرتها كانت بكام ومنين ؟

والهزة لو زايدة الصبح دي ممكن تكون من البوجيهات,
أنت مغير ببوچيهات أيه وبكام وبتعمل صيانة فين ؟

فى رجة و العربية واقفة بس بتزيد قوى و انا ماشى
الموتور عندى 109 حصان

- البوجيهات غيرتها اول ما اشتريت العربية (115,000 كيلو) و عند 120,000 لما شكيت فيها
- غيرت القاعدة عند 124,000 و محستش بأى فرق
القاعدة جبتها من موزع لقطع غيار بيجو فى طنطا, تمنها حوالى 500 جنيه و عرفت انها غير قاعدة 307 بس نفس قاعدة 301
- غيرت الموبينة عند 125,000 و طلعت جزء من سبب رجرجة العربية
هل محتاج اغير البوجيهات تانى بعد ما غيرت الموبينة؟؟

البوجيهات نوعها بوش, كل بوجيه فى علبة لوحده عليها شعار بيجو و تمنهم 120 جنيه تقريبا

نسيت اقول ان العربية من اول ما اشتريتها النور بتاعها قوته مش ثابته (سواء الاضائة الخارجية او شاشة التكيف). غيرت البطارية النور ظبط شهر و رجع تانى زى الاول فيه رعشة بسيطة قوى
الموضوع دة و العربية دايرة بس

شكرا جزيلا لإهتمامك

ما تنساش الشكمان برضه

ما اعتقدش المشكلة منه بس هخليه فى تفكيرى

[mr_hamed_s]

موضوع الكهرباء ده راجع على كابلات البطارية وخصوصا الارضى
راجع على الدينامو وشحنة
غالبا ممكن تكون ديه المشكلة الكرهباء ممكن تكون سبب لكل المشاكل ديه والاحسن وديها لحد كويس يشخصلك العيب

انا عندة رعشة بس بسيطة جدا بحس بيها برده وانا واقف فى الزحمة
تقريبا كل ال 207 كده ولا ايه

قوللى الموبينة جبتها بكام

[ahmedfouad]

رعشة الكهرباء فى التابلوه كانت مجننانى فى الكليو ..
روحت لعادل فى صقر قريش فى المعادى دلنى على كهربائى جنبه اسمه الحمد جنبه على طول
قاللى دى مشكلة ارضى عامل لوس .. قاللى افتح الشنطة وعملها فى دقيقة بالظبط الحمد لله
ومن ساعتها النور كله ثبت ..
الموضوع بسيط ان شاء الله وخلى بالك العربية كلها حساسات
فاكيد الكهرباء لو مش مظبوطة بتاثر
ابدء بالسهل اللى هو موضوع الكهرباء ..ولو ما اتحلتش
شوف باقى القواعد عند واحد كويس
لكن انا من اول ما قرأت البوست وحاسس ان المشكلة فى القواعد مش عارف ليه ؟
ربنا معاك وابقا طمنا لان لما العربية بيبقى فيها حاجة الواحد بتخنق منها :)