عذراً 301....ظلمتك

[abohend]

كنت في تقريري عن ال301

http://www.nilemotors.net/Nile/411464-301.html

قلت إن العفشة ناشفة و إن دي صدمتي فالعربية
بعض الملاك نصحوني بتهوية الكاونش ل30 بدل 32 (رغم إن القايم مكتوب عليه 32)
و بالفعل
الموضوع إختلف تماما رغم إني منفختش نيتروجين
لكن العفشة نعمت جداً و الإحساس بالمطبات قل جداً
أظن إن السبب هو إن اللي مكتوب على القايم بيتعامل مع طرق محترمة و مطبات مصنوعة بحرفية
لكن طرق مصر تختلف

تم إختبار السيارة على طريق سفر حتى 120 كم
السيارة مغرية جدا للجري و بداية من السرعات المتوسطة تجميعها ممتاز
السيارة ثباتها ممتاز حتى 120 كم
العفشة جيدة جداً
صوت الموتور هدي عن الأول كتير
إستهلاك البنزين على الطوالي حوالي 5-6 لكل 100 كم

كلت مطب محترم جوه البلد على 60 كم و العربية اتهبدت جامد بس بفضل الله محكتش

حتى الآن أنا راضي تماما عن السيارة و العيب الوحيد بالنسبة لي عزل التراب أقل من ال206

تحياتي

[J A G U A R]

ضغط الكاوتش بيفرق جامد فى العفشه
ربنا يباركلك فيها

[Ashraf Fawzy]

ربنا يباركلك فيها و شكراً على المشاركة

[د.عماد صلاح]

هي العافشه ناشفه فعلا مع اني ظابطها علي 30 ....يعني عفشه الانترا خاصه القديمه و الكيا و الريو الجنط ال15 و ال16 انعم منها ..بس النشفان البسيط ده ضريبه بتدفعها عشان ثبات العربيه

[faroojj]

عربيتنا 100 100

[Ahmed.Essam]

شكرا على مشاركة التجربة

[Mohamed_301]

طب الحمد لله ان ليها حل
بس هى بتفرق نيتروجين او هواء عادى فى العفشه ؟؟
ولو نيتروجين يبقى على 30 ولا لازم 32 ؟؟

[شريف عدلي]

ربنا يرزقك خيرها ويكفيك شرها

[abohend]

دلوقت كويسة

هي العافشه ناشفه فعلا مع اني ظابطها علي 30 ....يعني عفشه الانترا خاصه القديمه و الكيا و الريو الجنط ال15 و ال16 انعم منها ..بس النشفان البسيط ده ضريبه بتدفعها عشان ثبات العربيه

بالنسبة لي دلوقت بالمقارنة بال206 العفشة كويسة و مش ناشفة

لكن ممكن زي مانت بتقول بالنسبة للكوري تعتبر ناشفة شوية

[heshammosaad]

هعمل زيك واجرب

[abohend]

آراء

طب الحمد لله ان ليها حل
بس هى بتفرق نيتروجين او هواء عادى فى العفشه ؟؟
ولو نيتروجين يبقى على 30 ولا لازم 32 ؟؟

أنا عن نفسي مش مقتنع بالنيتروجين و شايف إنه تكلفة على الفاضي

غيري جرب و شايف إن العفشة بقت أنعم ...آراء

و أنا شايف 30 مناسبة لطرقنا الزبالة لكن هياكل معاك بنزين أكتر...جرب على 32 لو حسيت بنشوفيه هوي ل30
مجابش نتيجة ..فضي و إملى نيتروجين

[civilpharaoh]

معلش سؤال بعيد عن الموضوع هيا ال301 فيها عزل اللباد في الكبوت و في الحوض بين الموتور و الكابينة؟أصل تؤمها الاليزية مفيهاش و ده خنقني جدا يعني هيا كانت هتكلفهم كام يعني حته اللباد دي وكانت هتفرق أوي في عزل صوت الموتور

[Abu Malek]

ربنا يباركلك فيها دائما يابو هند

سوال بسيط معلش
لو العربية حكت من الواحد بيتاكد من حاجه بعدها ولا يخلى باله بعد كده وبس؟

[abohend]

إطمن

ربنا يباركلك فيها دائما يابو هند

سوال بسيط معلش
لو العربية حكت من الواحد بيتاكد من حاجه بعدها ولا يخلى باله بعد كده وبس؟

لو حسيت إن العربية حكت جامد الأفضل ترفعها و تشوف كان ايه تأثير الحكة بالضبط

و لو العربية ماشية معاك و مفيش صوت غريب تعايش بيها لحد الصيانة اللي جاية و أبقى قولهم

و بعد الهبدات الأفضل تشيك على الخراطيم و الإفزان و السوايل عشان تتأكد إن مفيش تسريب

[raad13]

المشكلة انك لما تخفض ضغط الهواء فده ليه اضرار سيئة على عمر الكاوتش و استهلاك البنزين و توازن العربية فكدة هتكون خدت ميزة واحدة مقابل 3 اضرار!!! اما موضوع النيترجوين فده مجرد نصب لأن الفائدة الوحيدة للنيتروجين هو انه مش بيولع لما يتعرض لضغوط كبيرة و عشان كدة بيتم استخدامه في الطائرات و سيارات السباق