مفتاح 406 ؟؟؟؟؟؟؟

[NightmarE84]

السلام عليكم

عايز اعمل نسخة من مفتاح عربتيى بيجو 406 كرستالة

عايز اعرف اضمن مكان اعمله فيه فين وهيبقى فى حدود كام ؟؟

انا سألت واحد قرب السواح فى كوبرى القبة قالى ب 200 ج واستغربت من تمنه بصراحة o.o

[waleedabbas]

اضمن مكان التوكيل طبعا و هايبقى في حدود 800 جنيه

[NightmarE84]

اضمن مكان التوكيل طبعا و هايبقى في حدود 800 جنيه

طيب وايه المانع من عمله عند حد بيعمل مفاتيح مشفرة ومش في التوكيل ؟
هل ممكن يطلع واحد بدون وجود مفتاحى معاه طالما عرف شفرته ؟
ولا الخوف انه يتعمل مش صح ومش يفتح ؟

[waleedabbas]

التوكيل بيشفر المفتاح بالبرنامج الاصلي بتاع بيجو ولازم ياخد رقم الشاسية من العربية وده اضمن ان يعمل بكفاءة و مايجيش مرة يعلق و مايفتحش او ان الشفرة ال تتعمل بره ممكن تكون مش زي التوكيل و سهلة الفتح او تلاقي اكتر من مفتاح بيفتحوا عربيتك غير مفتاحك
اما انه مش هيفتح عربيتك لا هو اكيد هايجرب قدامك بس ممكن يهيس بعدين
اما انه يطلع مفتاح تاني دي واردة في اي مكان بس بترجع لضمير ال هيعمله و لو اني ماعتقدش لان موضوع التكويد لازم بيتم في وجود العربية هو مش بيعمل نفس الشفرة القديمة لا ده بيعمل شفرة جديدة للمفتاح الجديد والقديم مع بعض

[NightmarE84]

التوكيل بيشفر المفتاح بالبرنامج الاصلي بتاع بيجو ولازم ياخد رقم الشاسية من العربية وده اضمن ان يعمل بكفاءة و مايجيش مرة يعلق و مايفتحش او ان الشفرة ال تتعمل بره ممكن تكون مش زي التوكيل و سهلة الفتح او تلاقي اكتر من مفتاح بيفتحوا عربيتك غير مفتاحك
اما انه مش هيفتح عربيتك لا هو اكيد هايجرب قدامك بس ممكن يهيس بعدين
اما انه يطلع مفتاح تاني دي واردة في اي مكان بس بترجع لضمير ال هيعمله و لو اني ماعتقدش لان موضوع التكويد لازم بيتم في وجود العربية هو مش بيعمل نفس الشفرة القديمة لا ده بيعمل شفرة جديدة للمفتاح الجديد والقديم مع بعض

طيب فين مكان التوكيل واقدر استفسر بالتليفون ولا لازم اروح بنفسى ؟؟

انا من القاهرة

وبالنسبة لريموت عربيتى فهو تالف هل المفتاح الجديد هيبقى بالريموت ولا كل حاجة ليها حسابها (

[waleedabbas]

التوكيل في شارع الخليج المصري
و ان شاء الله هتستلمه وانت واقف
ومفيش مشكلة ان الريموت بايظ المفتاح الجديد بالريموت بتاعه ده اذا كانت المشكلة من الريموت بس مش من جهاز الاستقبال في العربية
السعر ممكن تتصل و تسال مش عارف دلوقتي بكام

[NightmarE84]

التوكيل في شارع الخليج المصري
و ان شاء الله هتستلمه وانت واقف
ومفيش مشكلة ان الريموت بايظ المفتاح الجديد بالريموت بتاعه ده اذا كانت المشكلة من الريموت بس مش من جهاز الاستقبال في العربية
السعر ممكن تتصل و تسال مش عارف دلوقتي بكام

استاذ حضرتك في رقم التوكيل لو ترفه ؟ وشاكر للاهتما وجزاك الله خيرا