مطلوب نصائح لكيفية تنظيف السيارة من الخارج بصورة يومية

[Ashraf Fawzy]

هنا المعطيات و عايز نصيحة لكيفية تنظيف السيارة من الخارج بطريقة سهلة

طبعاً معظمكم عارف إن معايا بيجو 301 هاى لاين اللون البترولى (يعنى لون غامق)

انا مقيم فى السادس من اكتوبر, و طبعاً الجو مترب بطبيعته

الصبح العربية بتبقى منديه لأقصى درجة, لدرجة لما بشغل مساحات الإزاز بلاقى ميه بتنزل على الزجاج اكتر من اللى بتطلع من مساحات العربية مرتين ثلاثه. ميه مع تراب يقلب طينه.

مدخل العمارة مكشوف للشمس طول اليوم, يعنى إما العربية تبقى منديه وقت الفجريه او يبقى الصاج سخن من الشمس.


فى مركز غسيل سيارات قريب منى, بس طبعاً هاتبقى تكلفه إنى أغسلها كل يومين ثلاثه, غير إن الغسيل المتكرر بمواد التنظيف بيأثر على لون العربية, و هما بيستخدموا خرطوم ميه بضغط عالى يعنى هايأثر برده على لون العربية.


طبعاً سؤالى مش مرتبط بالبيجو, بس بما إنى من ملاك عربية البيجو فمن الطبيعى إنى أسال هنا. شكراً جزيلاً مقدماً على النصائح و المساعدات.

[abohend]

الخطوات و العدة

بص يا سيدي

• تجيب فرشاة زي دي

و تنظف بيها الجسم الخارجي كله بما فيها السقف

• و كيس شامبوو بنص جنيه و تحط نصه فقط و تقلبه فجردل مياه لحد ميرغي كويس (شامبوه مش بريل بتاع الصحون)

الشامبوه حنين على الدهان لكن صابون المواعين بيبقى قوي و ممكن يأثر على الدهان و ده اللي معظم البوابين و السياس بيستخدموه لرخص تمنه

• و سفنجة ميكروفيبر زي دي

و تغطسها في الجردل و تبدأ تنضف من فوق لتحت بداية من السقف و حتى عتب السيارة
حاول التنضيف يكون في حركة دائرية عشان العربية متلطش

• أشطف العربية بمياه كويس عشان الصابون ميجيرش (كوز مع جردل مياه حلوة) و لو قريب من مصدر مياه و تقدر تستخدم خرطوم هيسهل عليك طبعاً
• فوطة ميكروفيبر زي دي

تبدأ تنشف العربية كويس عشان لو فضلت مبلولة هتلم تراب تاني بسرعة

و أدعي لأخوك أبوهند




هام:

يفضل القيام بالتنظيف بعد الدهان ميبرد بساعتين (لو هتنضف الصبح يبقى أركنها قبلها فالظل)

لو العربية مش متوسخة قوي ممكن تنضف بالسفنجة الميكروفيبر و شوية مياه و خلاص و متستخدمش صابون

تحياتي

[mostafa magdy]

شكرا علي النصائح الغاليه يا أبو هند ..

[J A G U A R]

لو تعرف حضرتك تجيب فوطه جلد غزال الفوطه دى انا بغسل العربيه بيها بمياه فقط وانشف بيها والله العربيه بتطلع احسن من المغسله وميزتها انها مبتخططش على العربيه .. بس مش عارف هيا بتتباع فين علشان كنت جايبها من بره ولو معرفتش تجيبها يبقى بأى فوطه وفى جردل وشويه بريل وظبط حالك ونشف وزى ما ابو هند قالك .

[abohend]

أنا نقلتش كده

لو تعرف حضرتك تجيب فوطه جلد غزال الفوطه دى انا بغسل العربيه بيها بمياه فقط وانشف بيها والله العربيه بتطلع احسن من المغسله وميزتها انها مبتخططش على العربيه .. بس مش عارف هيا بتتباع فين علشان كنت جايبها من بره ولو معرفتش تجيبها يبقى بأى فوطه وفى جردل وشويه بريل وظبط حالك ونشف وزى ما ابو هند قالك .

أنا مقلتش أي فوطة
و مقلتش بريل

و يا ريت لو تبعت صورة الفوطة جلد الغزال عشان أعرف قصدك ايه
و يا ترى بتشيل مخلفات الطيور من على العربية و لا بتحتاج صابون برضه؟؟

[faroojj]

تماااااااااام

[J A G U A R]

أنا مقلتش أي فوطة
و مقلتش بريل

و يا ريت لو تبعت صورة الفوطة جلد الغزال عشان أعرف قصدك ايه
و يا ترى بتشيل مخلفات الطيور من على العربية و لا بتحتاج صابون برضه؟؟

ايه الداخله الجامده ...

وبعدين اى فوطه والبريل ده كلامى انا مقولتش انت قولت اى فوطه وبريل .. وصاحب الموضوع يغسل ويمسح بالطريقه اللى تعجبه وتريحه وكل واحد يقول رأيه زى ما هو عايز ..

وهايكون قصدى ايه من الفوطه يعنى مش فاهم ..

[Ashraf Fawzy]

بارك الله فيك يا أستاذ أبو هند, إجابتك مع الصور تستحق كل تقدير و إعجاب.

طبعاً باشكر كل الأخوة الكرام لمشاركتهم أرائهم و مساعدتهم, احساس جميل بإن الواحد يبقى ليه أسره تانيه يرجعلها وقت الحاجه للنصيحه, وفى الاول والاخر كلنا اخوه و اخوات (مش هاوضح اكتر من كده).

[nonalaziza]

بص يا سيدي

• تجيب فرشاة زي دي

و تنظف بيها الجسم الخارجي كله بما فيها السقف

• و كيس شامبوو بنص جنيه و تحط نصه فقط و تقلبه فجردل مياه لحد ميرغي كويس (شامبوه مش بريل بتاع الصحون)

الشامبوه حنين على الدهان لكن صابون المواعين بيبقى قوي و ممكن يأثر على الدهان و ده اللي معظم البوابين و السياس بيستخدموه لرخص تمنه

• و سفنجة ميكروفيبر زي دي

و تغطسها في الجردل و تبدأ تنضف من فوق لتحت بداية من السقف و حتى عتب السيارة
حاول التنضيف يكون في حركة دائرية عشان العربية متلطش

• أشطف العربية بمياه كويس عشان الصابون ميجيرش (كوز مع جردل مياه حلوة) و لو قريب من مصدر مياه و تقدر تستخدم خرطوم هيسهل عليك طبعاً
• فوطة ميكروفيبر زي دي

تبدأ تنشف العربية كويس عشان لو فضلت مبلولة هتلم تراب تاني بسرعة

و أدعي لأخوك أبوهند




هام:

يفضل القيام بالتنظيف بعد الدهان ميبرد بساعتين (لو هتنضف الصبح يبقى أركنها قبلها فالظل)

لو العربية مش متوسخة قوي ممكن تنضف بالسفنجة الميكروفيبر و شوية مياه و خلاص و متستخدمش صابون

تحياتي

رديت و ردك وافي بصراحة

[nonalaziza]

هنا المعطيات و عايز نصيحة لكيفية تنظيف السيارة من الخارج بطريقة سهلة

طبعاً معظمكم عارف إن معايا بيجو 301 هاى لاين اللون البترولى (يعنى لون غامق)

انا مقيم فى السادس من اكتوبر, و طبعاً الجو مترب بطبيعته

الصبح العربية بتبقى منديه لأقصى درجة, لدرجة لما بشغل مساحات الإزاز بلاقى ميه بتنزل على الزجاج اكتر من اللى بتطلع من مساحات العربية مرتين ثلاثه. ميه مع تراب يقلب طينه.

مدخل العمارة مكشوف للشمس طول اليوم, يعنى إما العربية تبقى منديه وقت الفجريه او يبقى الصاج سخن من الشمس.


فى مركز غسيل سيارات قريب منى, بس طبعاً هاتبقى تكلفه إنى أغسلها كل يومين ثلاثه, غير إن الغسيل المتكرر بمواد التنظيف بيأثر على لون العربية, و هما بيستخدموا خرطوم ميه بضغط عالى يعنى هايأثر برده على لون العربية.


طبعاً سؤالى مش مرتبط بالبيجو, بس بما إنى من ملاك عربية البيجو فمن الطبيعى إنى أسال هنا. شكراً جزيلاً مقدماً على النصائح و المساعدات.

عندي نفس المشكلة طبعاً دا غير الترابه الصفرا
بس انا مغطياها علشان مش بطلع بيها كل يوم ولسه مضبطهاش في الغسيل بس هعمل معاها نفس اللي كنت بعمله مع اللي قبلها هغسلها في مغسله عندنا كل أسبوع

[Ashraf Fawzy]

عندي نفس المشكلة طبعاً دا غير الترابه الصفرا
بس انا مغطياها علشان مش بطلع بيها كل يوم ولسه مضبطهاش في الغسيل بس هعمل معاها نفس اللي كنت بعمله مع اللي قبلها هغسلها في مغسله عندنا كل أسبوع

أولاً الف مبروك لحضرتك إستلام العربية و الترخيص, بالمناسبه لون العربية إيه؟

انا برده كنت ناوى على موضوع غسيل العربية مرة كل اسبوع (لانى انا برده إستخدامى خفيف للعربية) مع تغطيتها عند الركن, بس المشكلة إنى قرأت إن المغاسل بتستخدم مواد تنضيف ممكن تأثر على لون الدهان. غالباً هاغسلها مرتين فى الشهر, مع التنضيف الخفيف قبل ما أغطيها.

يا ترى حضرتك جبتى غطا للعربية مقاسه كام؟ و منين فى أكتوبر؟

[sayd ali]

سيدى الفاضل الفوطة الجلد تباع فى كرفور ب20جنية وهى عملية جدا اهم حاجة بعد الغسيل تضعها فى علبتها وتقفل عليها

وشكرا

[abohend]

توضيح

ايه الداخله الجامده ...

وبعدين اى فوطه والبريل ده كلامى انا مقولتش انت قولت اى فوطه وبريل .. وصاحب الموضوع يغسل ويمسح بالطريقه اللى تعجبه وتريحه وكل واحد يقول رأيه زى ما هو عايز ..

وهايكون قصدى ايه من الفوطه يعنى مش فاهم ..

ده توضيح مش داخلة جامدة يا جاجوار

لأن ممكن يتفهم من كلامك إني قلت بريل و أي فوطة

و لا تحمل الكلام على محمل السوء
أنا بستفسر منك عن فوطة جلد الغزال عشان أنا فعلا مش عارفها و مشفتش حد بينضف بيها قبل كده
و عشان كده طلبت منك تحط صورتها

الرد كان للتوضيح عشان مفيش عضو يدخل يقرأ المشاركة بتاعتك يفهم منها إني قلت بريل و أي فوطة بعد كده يرجع يلومني لو حصل حاجة للدهان

تحياتي

[abohend]

أسئلة

سيدى الفاضل الفوطة الجلد تباع فى كرفور ب20جنية وهى عملية جدا اهم حاجة بعد الغسيل تضعها فى علبتها وتقفل عليها

وشكرا

يا ريت صورتها عشان أبقى عارف بدور على أيه

و هل بتنضف مخلفات الطيور و لا بتحتاج صابون برضه

و هل بتتغسل و تتنشف في الشمس زي السفنجة الميكروفيبر و لا لها طريقة أخرى في الغسيل

[J A G U A R]

ده توضيح مش داخلة جامدة يا جاجوار

لأن ممكن يتفهم من كلامك إني قلت بريل و أي فوطة

و لا تحمل الكلام على محمل السوء
أنا بستفسر منك عن فوطة جلد الغزال عشان أنا فعلا مش عارفها و مشفتش حد بينضف بيها قبل كده
و عشان كده طلبت منك تحط صورتها

الرد كان للتوضيح عشان مفيش عضو يدخل يقرأ المشاركة بتاعتك يفهم منها إني قلت بريل و أي فوطة بعد كده يرجع يلومني لو حصل حاجة للدهان

تحياتي

خلاص يا ابو هند الناس خدت بالها وفهمت اللى حضرتك وضحته

والفوطه انا صورتها لحضرتك وانا اعتقد انها معروفه ومنتشره بس حضرتك ممكن اللى مش واخد بالك




تحياتى لحضرتك .