شكلي هنفض للتوكيل

[eleanor]

هى صيانه ال301 اغلى من ال508 ولا ايه
ولا هو كل عربيه وحظها ولا استهبال توكيل ولا ايه

[abohend]

؟؟؟؟؟؟؟؟؟

هى صيانه ال301 اغلى من ال508 ولا ايه
ولا هو كل عربيه وحظها ولا استهبال توكيل ولا ايه

هو تكلفة صيانة ال508 كام ؟؟؟

و هل غيرت تيل على 10.000 فعلاً بسبب إستخدام (تيل صديق للبيئة) على حد قول بيجو

[S O P H O S]

التوكيل سئ طبعا
بس الخوف لان العربية لسه تعتبر جديدة

[maio_do]

صيانه العشر الاف ب 600 جنية

[hanyabdlftah]

انا شايف انك تفضل مع الضمان لان السياره لسه نزله ومحدش لسه عارف ايه المشاكل اللي ممكن تقبلك ممكن جدا يكون عيب صناعه وتشيله لوحدك

[abohend]

أديني فالضمان

انا شايف انك تفضل مع الضمان لان السياره لسه نزله ومحدش لسه عارف ايه المشاكل اللي ممكن تقبلك ممكن جدا يكون عيب صناعه وتشيله لوحدك

ديني فالضمان و بعمل الصيانة قبل ميعادها
لما نشوف أخرتها ايه في مشكلة الفتيس اللي مش بيجيب مارشدير

[mohab_rashed]

مشاكل التوكيل

السلام عليكم ورحمة الله سلامي لجميع الأخوة الأفاضل في الموقع وبعد قراءة كل التعليقات إذا سمحتم لي ابدي رأيي:
1- لايوجد توكيلات محترمه في مصر لا في سيارات ولا في غيره واسف ده بسبب المصريين اللي بيحبوا يستنصحوا على العملاء ويلبسوهم عيوب الصناعه على انها عيب استخدام وطبعا الشركات الأم بتنبسط بكده لأن ده بيوفرلهم فلوس كثير وعمرهم ماحيلوموا التوكيل على كده وإن كان ده لايمكن يحصل في اي دولة اوروبيه لأن في قانون وومكن يروحوا في داهية.
2- أسعار قطع الغيار للبيجو 301 ليست مرتفعه بل احيانا اقل من اسعار سيارات مناظره وده عن تجربه شخصية المشكله ان التوكيل احتمال بيكون بيتاجر مع مراكز خدمه معتمده او ربما بيتاجر علينا علشان تضطر تصلح عنده ويذبحك في المصنعية والتركيب.
3- السيارة 301 من راي الشخصي ومع احترامي لناس زعلانه منها مظلومه فالسيارة ممتازة بمعنى كلمة ممتازة لكن ........... التوكيل استغلالي من ناحية وبيستعبط من ناحية ومش فاهمين من ناحية.
4- وعليه وده رأي شخصي وارجوا ان محدش يزعل مني وعلى فكره انا شخصيا التوكيل زعلان مني لأني وجعتهم بفضل الله عندما تنحت معاهم في موضوع غطاء وحدة الكمبيوتر وكنت السبب في ان اغلب الناس ركبوه مجاني لأن ده كان حقنا وكانوا بيستهبلوا فيه عموما انا رأيي ان موضوع الشكوى وان كان رأي ممتاز وانا اؤويده لايصلح اسف إلا في دوله فيها قانون ولن يلتفت اليه لأنه بالبلدي مش حيسمع يعني كلام على الورق ومن رأي أن نفعل شئ ملموس يقلق شركة بيجو على اسمها وعلى منتجاتها فتلتفت الينا مثل ان نعمل وقفه بسياراتنا توقف الدنيا امام شركة بيجو اعتراضا على التوكيل والصيانه الخ الخ وده من رأيي حيهزهم جامد لأن الكل حيتفرج عليه وومكن بشوية تنسيق نبلغ وسائل الإعلام ونعملهم فضيحه اخر حاجه.
5- اّذا وافقتم كأخوه على رأيي فهذا يستلزم شئ من أثنين اما تفعيل رابطة أصحاب سيارات 301 او نتفق على وقت ومكان وزمان نلتقي فيه ونتفق على التفاصيل وفي الختام اسف للأطاله ولكم جزيل شكري وتقديري لكل من يتفق او يختلف معي ولكن ارجوا ان يكون الرأي في هذا الموضوع لمن يمتلك بيجو 301 فعلا مع احترامي للجميع

[faroojj]

السلام عليكم ورحمة الله سلامي لجميع الأخوة الأفاضل في الموقع وبعد قراءة كل التعليقات إذا سمحتم لي ابدي رأيي:
1- لايوجد توكيلات محترمه في مصر لا في سيارات ولا في غيره واسف ده بسبب المصريين اللي بيحبوا يستنصحوا على العملاء ويلبسوهم عيوب الصناعه على انها عيب استخدام وطبعا الشركات الأم بتنبسط بكده لأن ده بيوفرلهم فلوس كثير وعمرهم ماحيلوموا التوكيل على كده وإن كان ده لايمكن يحصل في اي دولة اوروبيه لأن في قانون وومكن يروحوا في داهية.
2- أسعار قطع الغيار للبيجو 301 ليست مرتفعه بل احيانا اقل من اسعار سيارات مناظره وده عن تجربه شخصية المشكله ان التوكيل احتمال بيكون بيتاجر مع مراكز خدمه معتمده او ربما بيتاجر علينا علشان تضطر تصلح عنده ويذبحك في المصنعية والتركيب.
3- السيارة 301 من راي الشخصي ومع احترامي لناس زعلانه منها مظلومه فالسيارة ممتازة بمعنى كلمة ممتازة لكن ........... التوكيل استغلالي من ناحية وبيستعبط من ناحية ومش فاهمين من ناحية.
4- وعليه وده رأي شخصي وارجوا ان محدش يزعل مني وعلى فكره انا شخصيا التوكيل زعلان مني لأني وجعتهم بفضل الله عندما تنحت معاهم في موضوع غطاء وحدة الكمبيوتر وكنت السبب في ان اغلب الناس ركبوه مجاني لأن ده كان حقنا وكانوا بيستهبلوا فيه عموما انا رأيي ان موضوع الشكوى وان كان رأي ممتاز وانا اؤويده لايصلح اسف إلا في دوله فيها قانون ولن يلتفت اليه لأنه بالبلدي مش حيسمع يعني كلام على الورق ومن رأي أن نفعل شئ ملموس يقلق شركة بيجو على اسمها وعلى منتجاتها فتلتفت الينا مثل ان نعمل وقفه بسياراتنا توقف الدنيا امام شركة بيجو اعتراضا على التوكيل والصيانه الخ الخ وده من رأيي حيهزهم جامد لأن الكل حيتفرج عليه وومكن بشوية تنسيق نبلغ وسائل الإعلام ونعملهم فضيحه اخر حاجه.
5- اّذا وافقتم كأخوه على رأيي فهذا يستلزم شئ من أثنين اما تفعيل رابطة أصحاب سيارات 301 او نتفق على وقت ومكان وزمان نلتقي فيه ونتفق على التفاصيل وفي الختام اسف للأطاله ولكم جزيل شكري وتقديري لكل من يتفق او يختلف معي ولكن ارجوا ان يكون الرأي في هذا الموضوع لمن يمتلك بيجو 301 فعلا مع احترامي للجميع

مؤيد لكلامك جدا

[عمرو بندق]

أستاذ mohab rashed :
بعد التحية على كلامك أنا موافق على فكرة التجمع و أحب أضيف أنه يكون التجمع فى القاهرة و الأسكندرية عند التوكيل فى نفس اليوم و الوقت حتى نحصل على النتيجة المرجوة

[M.Nasr]

يا جماعة انا ناوي اشتري العربية دي وعايز حد يفيدني
انا بسمع كلام متضارب شوية اسمع عنها كلام كويس وشوية اسمع العكس انا احترت بصراحة

[abohend]

كل واحد و تجربته

يا جماعة انا ناوي اشتري العربية دي وعايز حد يفيدني
انا بسمع كلام متضارب شوية اسمع عنها كلام كويس وشوية اسمع العكس انا احترت بصراحة

اللي بيستخدم العربية و مظهرش معاه مشاكل هيقولك كويسة
و اللي ظهر معاه مشكلة و التوكيل أستعبط معاه هيقولك زي الزفت

إحقاقا للحق مظهرش مشاكل جوهرية مع معظم الملاك....المتكرر بوجيهات و تيل و طنابير
و بعض ملاك الأوتو أشتكوا من نتشة في الفتيس

أنا عن نفسي مظهرش مشاكل معايا خالص لحد من شهر و نص كده بدأ المارشدير يعلق (فتيس مانيوال)
عامل بالعربية 5000 و التيل كويس حتى الان

[crazy car]

كرهتونى فى بيجو كلها :)