اشتريت ال 301 بعد معاناه

[eslam.elgohary]

السلام عليكم ورحمة الله وبركاته
انا طبعا عضو جديد هنا بس احب قبل ما اقول اي حاجه اني اقول ان الموقع بتاعكو ده فعلا نفعني وانا بقرر اشتري الطومبيل ده وﻻ ﻻ
انا اشتريت عربيتي بعد تفحيص وتمحيص وتفعيص وبالتالي انا دققت معاها شويه
اوﻻ العربيه دي ممتازة بالنسبه للي طوله اكبر من 175 سم ﻻن انا طولي 195 سم والحمد لله سايق وانا مرتاح جدا
العفشه تمام بس مش 10/10 بس انا مش من النوع اللي يحكم على العربيه قبل الصيانه اﻻولى
الموتور انا حاسس انه عايز يفتري بس انا اللي مش مديله فرصه ﻻني لسه مكيشها والفلوس بصراحه لسه حرقا قلبي
الصالون رائع بس تحس ان فيه حاجات بعيده عنك زي مفاتيح الزجاج ودرج التابلوه
مفتاح غلق الزجاج بيشتغل على الزجاجين اللي ورا بس وده شئ مكيفني اوي واعتقد ان كل اللي عنده اطفال حايوافقني الرأي
بس اللي انا مستغربله ازاي عربيه زي دي مفيهاش وحدات رفع بس انا اكيد ان شاء الله مع اول صيانه حاحول اخليهم يركبوهملي
بالنسبه للكونتاك فا انا مش عارف ازا كان كل ال 301 بيتك تكة مفتاح واحد وﻻ عربيتي انا بس ( بمعنى انك علشان تبطل العربيه ﻻزم تطفيها )
انا عموما لسه بستكشف في العربيه ﻻنها مكملتش معايا اسبوع لسه ولسه مانمرتش فا ادعولي ربنا ييسرها وياريت اللي عنده معلومه عن موضوع الكونتاك ده يقول والسلام عليكم

[Hema_Basha]

الف الف مبروك وربنا يديك خيرها ويكفيك شرها ده احنا جيران اهو انت من بورسعيد
ومعلش فهمني نقطة الكونتاك علشان مش فاهمها اوي

[eslam.elgohary]

الف الف مبروك وربنا يديك خيرها ويكفيك شرها ده احنا جيران اهو انت من بورسعيد
ومعلش فهمني نقطة الكونتاك علشان مش فاهمها اوي

بص يا معلم دلوقتي انت اول لما بتحط المفتاح وتلفه المفروض يكون فيه تكه قبل التدوير (ignition) اسمها ( contact) ودي مش موجوده يعني لو انت عايز تبطل العربيه من غير ما تطفي كل حاجه فيها مش حاينفع ﻻزم تطفيها خالص على التكه اللي بتشيل فيها المفتاح والله ورسوله اعلم

[faroojj]

مبرووووووووووك

[amrelsaqqa]

ايوة الكونتاكت فيها تكة واحدة فعلا مفيش التكة بتاعت الـ accessories اللى بتخلى الكاسيت شغال بس
يعنى عشان تشغل الكاسيت مثلا لازم العربية تبقى دايرة او الكونتاكت مفتوح التكة اللى قبل المارش على طول (والوحيدة)

ومبروك عليك العربية :)

[eslam.elgohary]

محدش عنده حاجه تانيه يقولها بخصوص الموضوع ده

[mo7a_mo7a]

الف الف مبروك ربنا يبارك لك فيها ويديك خيرها ويكفيك شرها

[J A G U A R]

ربنا يباركلك فيها ويحفظهالك

[eslam.elgohary]

اشكركم يا جماعه على زوقكم جميعا ونعم الصحبه

[د.عماد صلاح]

عربيه ممتازه وتستاهل المعاناه ...طبعا حتي الان زراير الزجاج محيراني بس العربيه ممتعه في السواقه فعلا

[Dip&Drift]

السلام عليكم و رحمة الله و بركاته ...
بالنسبة لحوار accessory هرد عليك باللى افتكره لان بقالى شهرين مسقتهاش من ساعة الحادثة و لسه بصلحها ...
المهم ,, اللى فهمته انك عايز تطفى الماتور و تشغيل الكاسيت و مفيش تكه الكونتاكت ... الحل : بطل العربية و ف اول تكه الراديو مبشتغلش لواحده >> شغل الراديو و التكيف هيشتغل عادى من زرار الباور للراديو و التكيف من الكونسول ..
ارجو انى اكون افدتك ,, السلام عليكم

[adelaly4]

الف مبررررررررررررررررروك

[amrelsaqqa]

السلام عليكم و رحمة الله و بركاته ...
بالنسبة لحوار accessory هرد عليك باللى افتكره لان بقالى شهرين مسقتهاش من ساعة الحادثة و لسه بصلحها ...
المهم ,, اللى فهمته انك عايز تطفى الماتور و تشغيل الكاسيت و مفيش تكه الكونتاكت ... الحل : بطل العربية و ف اول تكه الراديو مبشتغلش لواحده >> شغل الراديو و التكيف هيشتغل عادى من زرار الباور للراديو و التكيف من الكونسول ..
ارجو انى اكون افدتك ,, السلام عليكم

اخبارك ايه يا باشا عامل ايه في تصليح العربية
طمنا عليك ؟

[nonalaziza]

السلام عليكم ورحمة الله وبركاته
انا طبعا عضو جديد هنا بس احب قبل ما اقول اي حاجه اني اقول ان الموقع بتاعكو ده فعلا نفعني وانا بقرر اشتري الطومبيل ده وﻻ ﻻ :e_braces[1]:
انا اشتريت عربيتي بعد تفحيص وتمحيص وتفعيص وبالتالي انا دققت معاها شويه
اوﻻ العربيه دي ممتازة بالنسبه للي طوله اكبر من 175 سم ﻻن انا طولي 195 سم والحمد لله سايق وانا مرتاح جدا
العفشه تمام بس مش 10/10 بس انا مش من النوع اللي يحكم على العربيه قبل الصيانه اﻻولى
الموتور انا حاسس انه عايز يفتري بس انا اللي مش مديله فرصه ﻻني لسه مكيشها والفلوس بصراحه لسه حرقا قلبي
الصالون رائع بس تحس ان فيه حاجات بعيده عنك زي مفاتيح الزجاج ودرج التابلوه
مفتاح غلق الزجاج بيشتغل على الزجاجين اللي ورا بس وده شئ مكيفني اوي واعتقد ان كل اللي عنده اطفال حايوافقني الرأي
بس اللي انا مستغربله ازاي عربيه زي دي مفيهاش وحدات رفع بس انا اكيد ان شاء الله مع اول صيانه حاحول اخليهم يركبوهملي
بالنسبه للكونتاك فا انا مش عارف ازا كان كل ال 301 بيتك تكة مفتاح واحد وﻻ عربيتي انا بس ( بمعنى انك علشان تبطل العربيه ﻻزم تطفيها )
انا عموما لسه بستكشف في العربيه ﻻنها مكملتش معايا اسبوع لسه ولسه مانمرتش فا ادعولي ربنا ييسرها وياريت اللي عنده معلومه عن موضوع الكونتاك ده يقول والسلام عليكم

اهلا بيك معانا ويارب تفضل تستفاد كده علي طول
عندك حق العربيه مناسبة جدا للطوال زي كده يادوب 157 سم ههههههههههه الحمدلله راسي ما بتخبطش في السقف ولا رجلي بتطول البنزين هههههههههههه
انا بصراحة العفشه عجباني لا هي ناشفه ولا هي طريه و بعد ما ضبطت هوا ضبطت معايا
مره خدتني الجلاله و كنت بشد شوية لاقيت الار بي ام وصل 4 قولت الم نفسي احسن هي لسه في التليين.
انا متعوده علي أماكن الزراير علشان اللي قبلها برضه كانت فرنساوي و الكونتاكت فعلاً تكه واحدة زي ما الأعضاء قالوا

[Ahmed_Ta21]

السلام عليكم و رحمة الله و بركاته ...
بالنسبة لحوار accessory هرد عليك باللى افتكره لان بقالى شهرين مسقتهاش من ساعة الحادثة و لسه بصلحها ...
المهم ,, اللى فهمته انك عايز تطفى الماتور و تشغيل الكاسيت و مفيش تكه الكونتاكت ... الحل : بطل العربية و ف اول تكه الراديو مبشتغلش لواحده >> شغل الراديو و التكيف هيشتغل عادى من زرار الباور للراديو و التكيف من الكونسول ..
ارجو انى اكون افدتك ,, السلام عليكم

يعني بعد لما ابطل .. افتح علي اول تكة قبل التدوير وابدا اشغل الراديو
تمام كده؟