استفسارات جديدة بخصوص بيجو 301

[Ahmed_Ta21]

السلام عليكم
عندي استفسارات جديدة بخصوص بيجو 301

اول استفسار خاص بالسنتر لوك انا عرفت انه بيخلي الابواب مغلقة لكن من الخارج فقط وليس من الداخل
السؤال هنا لو عايز اقفل الابواب من الداخل بحيث محدش يقدر يفتحها من الداخل ايه الحل؟
يعني عايز السنتر لوك يكون داخلي وخارجي

النقطة التانية لو عايز احافظ علي الاكصدامات الامامية والخلفية من الخدوش
سمعت عن الكربون ولكن حد قالي انه مخالف لقوانين المرور (مش عارف ده صح ولا ايه)
عايز اعرف افضل حاجه اضعها تحافظ علي الاكصدامات وعايز حاجه تحافظ علي عتب العربية وسيوف الاجناب والاهم ميكنش مخالف

منتظركم
وجزاكم الله كل خير علي حسن التعاون

[nonalaziza]

هي بصراحة ميزة ان السنتر لوك لبره مش لجوة
بس لو عايز تقفله خالص في قفل الأطفال في الباب نفسه دا مش هيخلي الباب اللي ورا يفتح حتي لو اللوك مفتوح انت لازم تفتحه بنفسك من بره

[Ahmed_Ta21]

نفسي افهم فكرة ان اللوك يكون خارجي فقط ؟
طيب لو الواحد ماشي علي سرعة وحد فتح باب من الابواب والسنتر مقفول الباب بيحاول يقفل بسرعة ولاعادي؟

[fddf512]

في السيراتو السنتر بيقفل من بره كل العربية بعد ما تعدي سرعه 15 كيلو ومش ممكن العربية تفتح السنتر طول ما هي ماشيه بس لما تقف ممكن تفتح من جوه عادي الكلام دا يتنطبق على الابوب الامامية بس الخلفيه لازم تفتح السنتر علشان تفتح الابوب وطبعا دا علشان الاطفال وانا شايف ان دا بصراحة اكتر من رائع

[medori]

السلام عليكم
عندي استفسارات جديدة بخصوص بيجو 301

اول استفسار خاص بالسنتر لوك انا عرفت انه بيخلي الابواب مغلقة لكن من الخارج فقط وليس من الداخل
السؤال هنا لو عايز اقفل الابواب من الداخل بحيث محدش يقدر يفتحها من الداخل ايه الحل؟
يعني عايز السنتر لوك يكون داخلي وخارجي

مفيش غير الchildlock و دة للأبواب الخلفية بس

النقطة التانية لو عايز احافظ علي الاكصدامات الامامية والخلفية من الخدوش
سمعت عن الكربون ولكن حد قالي انه مخالف لقوانين المرور (مش عارف ده صح ولا ايه)
عايز اعرف افضل حاجه اضعها تحافظ علي الاكصدامات وعايز حاجه تحافظ علي عتب العربية وسيوف الاجناب والاهم ميكنش مخالف

الكربون فعلا ممنوع و لو ظابط رخم ممكن يلبسك مخالفة علية عادى جدا، للأسف مفيش حاجة ممكن تحمى الاكصدام او العربية مسموح بيها من المرور، تحس انهم بيأخدوا نسبة من السمكرية يا اخى، حاجة فصيلة بصراحة

منتظركم
وجزاكم الله كل خير علي حسن التعاون

[uoko000]

سبير كار في التجمع الخامس عنده كاربون شفاف