رجرجه فى موتور ال301

[itمحمد سيد]

يا وحوش حد يطمنى و النبى
انهارده الصبح بدور العربيه عشان اروح شغلى لقيت المروحه اشتغلت باقصى سرعتها و الموتور بيترج و اللمبه التحذيريه بتاعته اللى فى التابلوه بتنور و تطفى طبعا انا دمى نششششششششششف و معرفتش اعمل ايه
بطلت و استنيت شويه و دورت تانى نفس القصه و نفس الرجه و المروحه مش بتبطل و هكذا ابطل و استنى شويه و ادور و مفيش نتيجه
فتحت الكبوت و بصيت مفيش حاجه باينه تماما المهم اخر ما زهقت رحت فاصل كابل البطاريه و مركبه تانى و دورت رجعت طبيعيه تانى
كلمت غمره عشان اروح اكشف عليها ردوا عليا بعد مراااااااااااااااااااااار طافح و عملت فيهم شكوى بسبب عدم ردهم ده و حجزولى معاد السبت الجاى ان شاء الله
حد عنده فكره بقى الحوار ده ممكن يكون ايه سببه و هل البنزين لو وحش ممكن يعمل كده فعلا ولا لا
انا مرعوووووووووووب بجد و خصوصا انى من الصعيد و خايف اسافر بيها تحصل حاجه او تقف بيا فى الطريق لا قدر الله

[medori]

مفيش داعى للقلق دة يا باشا، بتبقى بوجيهات واصلها رطوبة او بنزين مش نضيف فبتعمل misfiring. عايز تروح التوكيل تتطمن مفيش مشكلة بس متقلقش نفسك يعنى

[J A G U A R]

لو الماتور كان بيترج والعربيه زى ماتكون عايزه تبطل يبقى احتمال العربيه كانت متلته وكان فى بوجيه قاطع ولما فصلت الكابل بتاع البطاريه اشتغل .. بس بردو اطلع على التوكيل وشوف ايه الحكايه بالظبط وبسيطه ان شاء الله .

[Mico_Mico]

هو البنزين عندنا فى اسيوط اقذر بنزين وبيتغش كتير غير اللى فالقاهرة خالص - احتمال يكون سبب المشكلة خصوصا ان اليومين دول فى ازمة عندنا وده بيبقى اغراء لبنزينات كتير انها تغش

[itمحمد سيد]

مفيش داعى للقلق دة يا باشا، بتبقى بوجيهات واصلها رطوبة او بنزين مش نضيف فبتعمل misfiring. عايز تروح التوكيل تتطمن مفيش مشكلة بس متقلقش نفسك يعنى

مشكور للرد يا باشا بس يعنى ايه misfiring

[medori]

مشكور للرد يا باشا بس يعنى ايه misfiring

يعنى بوجية مش شغال او مبيديش الspark بتاعتة فى ميعادة مظبوط فبالتالى بيحصل مشاكل فى الاحتراق فى الcylinder اللى فيها المشكلة دى

[itمحمد سيد]

لو الماتور كان بيترج والعربيه زى ماتكون عايزه تبطل يبقى احتمال العربيه كانت متلته وكان فى بوجيه قاطع ولما فصلت الكابل بتاع البطاريه اشتغل .. بس بردو اطلع على التوكيل وشوف ايه الحكايه بالظبط وبسيطه ان شاء الله .

متشكر جدا جدا لاهتمامكم بمشكلتى طمنتونى والله بس حضرتك تقصد ان 3 بوجيهات بس اللى كانو شغالين و الرابع اشتغل لما فصلت البطاريه و وصلتها تانى

[itمحمد سيد]

ميررررررررررررررررررررررررررررررررسى جدا جدا جدا ليكم يا جماعه على اهتمامكم و ردكم المطمئن

[J A G U A R]

متشكر جدا جدا لاهتمامكم بمشكلتى طمنتونى والله بس حضرتك تقصد ان 3 بوجيهات بس اللى كانو شغالين و الرابع اشتغل لما فصلت البطاريه و وصلتها تانى

اه ده المقصود

[S O P H O S]

اعتقد بنزين