Tweet
السلام عليكم ورحمة الله وبركاته
امبارح كنت فى التوكيل بعمل صيانة ال10000 كم ، وكنت جايب جركن زيت توتال معايا
اولا المقابلة كانت محترمة والمهندس كان بيسمع منى مشاكلى وكان بيكتبها ، وكان منها صوت زقزقة فى زجاج الابواب وان الابواب مش متظبطة من برة ) الفراغات بينها من برة مش زى بعض ، واستهلاك البنزين حاسس انه عالى التانك مش بيقعد معايا اكتر من 370 كم غير الاول كان بيعدى ال 420 ،
المهم سلمت العربية الساعة 11 ونص وانتظرت ، كانوا شغالين فى العربية قدامى وانا شايفهم فى الاستراحة العامل فك فلتر البزين وراح فضاه فى ازازة كولا وكان لون البنزين اسود ، بعديها لقيتهم بيسالوا عليا ، قالولى فلتر البزين عايز يتغير ، وفلتر الهوا و فلتر التكييف ، وتيل الفرامل مش هايكمل معاك للصيانة الجاية وفكللى البوجيهات قاللى البوجيهات بدات تسود وشكلها هاتتغير فى الصيانة الجاية ،
طبعا انا مابقيتش فاهم حاجة وبقوللهم ازاى كل دة هايتغير فى ال10000 واصريت ان اشوف جدول الصيانات ، عشان اعرف ايه اللى بيحصل طبعا المهندس قعد يدور عليه مالقاهوش ، اعتقد انه ماكنش عايز يخلينى اشوفه ،
طبعا بعد مناقشات ان ازاى التيل قرب يخلص واحنا لسة فى ال10000 حتى لو انا واد بتاع دريفتات ، المفروض ليه life time فى رينج معين يخلص بس مش قبل 20000او 30000 ،
ونفس الكلام فلتر البزين والهوا والتكييف مش عارف ازاى يتغيروا على 10000
المهم خليتهم يغيروا وعل الساعة 4 العرببة خرجت طبعا وقت فوق الطويل ، مبدئيا لقيت العربية فيها نقط زيت من جوة بسيب انهم كانوا بيصلحوا ماكينات الازاز والدركسيون مكانوش حاطيين عليه بلاستيك فاتبهدل هو كمان زيت ، وحاجة اخر قرف ،
المهم جبت المهندس ووريته الكلام دة قالى اصلهم بيحطوا مادة جوة الباب عشان يتزيت ، فاستغربت من الرد ، وقلتله ماينفعش اننى استلم العربية وهى فيها اثار زيت والكلام دة ، المهم مكلفش نفسه يجيب حد ينضفها . ومشيت بيها كدة
الحساب
نييجى بقى للحساب ودة اللى اثبتلى انهم نصابين ، مبدئيا لقيت الفاتورة حوالى 840 جنية ، مع العلم انى جايب جركن الزيت معايا
قولتلهم ازاى ادفع 840 جنية فى صيانة ال10000 وانا جايب الزيت كمان ، المهندس مسك اذن الشغل وقعد يشطب على شوية حاجات وقال لبتاع الحسابات يراجعها تانى ، قالولى الفاتورة بقت 705 جنية ، طبعا انا انجننت اكتر ، يعنى هو انا لو ماكنتش اتكلمت كنت هادفع اللى هما عايزينه
فاصريت اعرف الغلط كان فى ايه لانى كدة معرض ان يحصل معايا الموقف دة تانى بصيت على الفاتورة لقيت قطع الغيار ب 270 والمصنعية 340 فاستغربت وقولت للمهندس ليه المصنعية غالية قوى كدة هو ايه اللى اتعمل ، دى اغلى من قطع الغيار نفسها ، لقيته كاتب فى بنود المصنعية ان كشف على تيل الفرامل ، قلتله انت ليه كشفت عليها انا ماقولتلكش انى هاغيرها ، قاللى مانا خصمتهالك من تمن الصيانة ، مش عارف ازاى وهى مكتوبة فى الفاتورة ، المهم لقيت انى مش هاخد معاهم حق ولا باطل اتحسبنت عليهم خرجت فى قمة الغضب ومتضايق جدا والحمد لله انى مخبتطش حد فى اليوم دى
انا عايز اعرف حد حصل معاه حاجة زى كدة ولا ايه ، ولو حد عارف جدول الصيانات نجيبة منين يعرفنى
حسبى الله ونعم الوكيل
امبارح كنت فى التوكيل بعمل صيانة ال10000 كم ، وكنت جايب جركن زيت توتال معايا
اولا المقابلة كانت محترمة والمهندس كان بيسمع منى مشاكلى وكان بيكتبها ، وكان منها صوت زقزقة فى زجاج الابواب وان الابواب مش متظبطة من برة ) الفراغات بينها من برة مش زى بعض ، واستهلاك البنزين حاسس انه عالى التانك مش بيقعد معايا اكتر من 370 كم غير الاول كان بيعدى ال 420 ،
المهم سلمت العربية الساعة 11 ونص وانتظرت ، كانوا شغالين فى العربية قدامى وانا شايفهم فى الاستراحة العامل فك فلتر البزين وراح فضاه فى ازازة كولا وكان لون البنزين اسود ، بعديها لقيتهم بيسالوا عليا ، قالولى فلتر البزين عايز يتغير ، وفلتر الهوا و فلتر التكييف ، وتيل الفرامل مش هايكمل معاك للصيانة الجاية وفكللى البوجيهات قاللى البوجيهات بدات تسود وشكلها هاتتغير فى الصيانة الجاية ،
طبعا انا مابقيتش فاهم حاجة وبقوللهم ازاى كل دة هايتغير فى ال10000 واصريت ان اشوف جدول الصيانات ، عشان اعرف ايه اللى بيحصل طبعا المهندس قعد يدور عليه مالقاهوش ، اعتقد انه ماكنش عايز يخلينى اشوفه ،
طبعا بعد مناقشات ان ازاى التيل قرب يخلص واحنا لسة فى ال10000 حتى لو انا واد بتاع دريفتات ، المفروض ليه life time فى رينج معين يخلص بس مش قبل 20000او 30000 ،
ونفس الكلام فلتر البزين والهوا والتكييف مش عارف ازاى يتغيروا على 10000
المهم خليتهم يغيروا وعل الساعة 4 العرببة خرجت طبعا وقت فوق الطويل ، مبدئيا لقيت العربية فيها نقط زيت من جوة بسيب انهم كانوا بيصلحوا ماكينات الازاز والدركسيون مكانوش حاطيين عليه بلاستيك فاتبهدل هو كمان زيت ، وحاجة اخر قرف ،
المهم جبت المهندس ووريته الكلام دة قالى اصلهم بيحطوا مادة جوة الباب عشان يتزيت ، فاستغربت من الرد ، وقلتله ماينفعش اننى استلم العربية وهى فيها اثار زيت والكلام دة ، المهم مكلفش نفسه يجيب حد ينضفها . ومشيت بيها كدة
الحساب
نييجى بقى للحساب ودة اللى اثبتلى انهم نصابين ، مبدئيا لقيت الفاتورة حوالى 840 جنية ، مع العلم انى جايب جركن الزيت معايا
قولتلهم ازاى ادفع 840 جنية فى صيانة ال10000 وانا جايب الزيت كمان ، المهندس مسك اذن الشغل وقعد يشطب على شوية حاجات وقال لبتاع الحسابات يراجعها تانى ، قالولى الفاتورة بقت 705 جنية ، طبعا انا انجننت اكتر ، يعنى هو انا لو ماكنتش اتكلمت كنت هادفع اللى هما عايزينه
فاصريت اعرف الغلط كان فى ايه لانى كدة معرض ان يحصل معايا الموقف دة تانى بصيت على الفاتورة لقيت قطع الغيار ب 270 والمصنعية 340 فاستغربت وقولت للمهندس ليه المصنعية غالية قوى كدة هو ايه اللى اتعمل ، دى اغلى من قطع الغيار نفسها ، لقيته كاتب فى بنود المصنعية ان كشف على تيل الفرامل ، قلتله انت ليه كشفت عليها انا ماقولتلكش انى هاغيرها ، قاللى مانا خصمتهالك من تمن الصيانة ، مش عارف ازاى وهى مكتوبة فى الفاتورة ، المهم لقيت انى مش هاخد معاهم حق ولا باطل اتحسبنت عليهم خرجت فى قمة الغضب ومتضايق جدا والحمد لله انى مخبتطش حد فى اليوم دى
انا عايز اعرف حد حصل معاه حاجة زى كدة ولا ايه ، ولو حد عارف جدول الصيانات نجيبة منين يعرفنى
حسبى الله ونعم الوكيل
Comment