تكييف 301

[asmag]

لسه مستلم العربية من اسبوعين وعامل بيها حوالى 300 كم وشغلت التكييف النهارده كان اداؤه ضعيف اوى فهل حد عنه المشكله دى ولا دى عيب عندى

[amrelsaqqa]

التكييف عندي ممتاز الحمدلله وامبارح كنت مسافر ع الصحراوي ولو زودته عن 1 بيجيبلي برد والكلام دة الظهر وبعد ما ركنت ساعة في الشمس شغلته على 3 5 دقايق وبعدين 2 ولما طلعت ع الطريق نزلت ل 1 تاني

[goldfinger2]

لسه مستلم العربية من اسبوعين وعامل بيها حوالى 300 كم وشغلت التكييف النهارده كان اداؤه ضعيف اوى فهل حد عنه المشكله دى ولا دى عيب عندى

ياكبير ارمى على التوكيل ،جربه كذا مرة على طرق مفتوحة وشغل تدوير الهوا خليه من الداخل ، لو فى مشكلة روحلهم ، بس اتقل شوية جمع شوية ملاحظاتك فى العربية واكتبهم فى ورقة وروح رصهلهم هناك
بالتوفيق ومبروك الاستلام ، ربنا يباركلك فيها ويكفيك شرها

[faroojj]

لسه مستلم العربية من اسبوعين وعامل بيها حوالى 300 كم وشغلت التكييف النهارده كان اداؤه ضعيف اوى فهل حد عنه المشكله دى ولا دى عيب عندى

كان يفضل متستخدمش التكيف قبل 500 كم

[toty_305]

لو العربية مركونة في شمس جامدة فترة كبيرة ده طبيعي حاول تركن في الظل

[S O P H O S]

التوكيل يا باشا لو الموضوع استمر

[Ahmed.Essam]

جربه تاني بس العربية تكون بعيد عن الشمس فترة وشغل اعادة تدوير الهواء ولو ما اتظبطش شوفه في التوكيل

[Amr Hussain]

هو مش جامد بس معقول و فعلا الركنة مهمة جدا حاول ماتركنش فى الشمس

[Amr Hussain]

انا عندي فية مشكلة لما ببقا واقف و جايبة على واحد بيقعد يفصل و يشتغل انا عربيتى مانيوال

[Ahmed_Ta21]

هو مش جامد بس معقول و فعلا الركنة مهمة جدا حاول ماتركنش فى الشمس

ازاي؟
انا بسمع ان التكيف فيها تلاجة او بمعني ادق درجة تبريده عالية جداً لان الكمبروسور ياباني

[asmag]

انا شغلته النهارده كان كويس جدا تقريبا تلاجه بس قعد فترة لحد ما اتظبط

[age]

طب اخبار الاستهلاك البنزين مع التكيف

[asmag]

طب اخبار الاستهلاك البنزين مع التكيف

بتستهلك كتير جدا الصراحه مع العلم ان اغلب تحركاتى فى الفترة اللى فاتت كانت جوه البلد

[Ahmed_Ta21]

بتستهلك كتير جدا الصراحه مع العلم ان اغلب تحركاتى فى الفترة اللى فاتت كانت جوه البلد

ده شيئ طبيعي في كل العربيات علي فكرة حتي بدون تكيف
معدل استهلاك البنزين داخل المدينة بيكون كبير
علي عكس وانت مسافر بيها مثلا علي طريق مفتوح هتكتشف ان فيه فرق واضح جدا في معدل الاستهلاك

فيه نقطة بس عايزك توضحها مع تشغيل التكيف والوقوف مثلا في اشارة مرور او ماشابه وبدات تتحرك هل فيه تقل او بمعني اخر التكيف بيكون محمل ؟ واستجابة العربية عاملة ازاي بعد الضغط علي دواسة البنزين والتكيف شغال؟

النقطة الاخري التكيف بيبدا يبرد بعد قد ايه تقريباً ؟ وصوت المحرك اخباره ايه معاك هل صوته عالي ومزعج ولا معتدل ومروحة التبريد برضه صوتها ايه اخباره
معلش انا مثقل عليك ولكن انا ما ستلمتش ومحتاج اطمن لهذه النقاط
دمت بود..