مشكلة فى الاليزيه - مساعدة من ملاك بيجو

[الجنرال]

السلام عليكم ورحمة الله

باختصار .. كنت مروح البيت يوم الاثنين ومشغل التكييف .. وجاي باخد يوتيرن .. سمعت صوت كأن فى حاجة بتحك من تحت العربية .. (علشان تتخيل الصوت .. تخيل ان في ماسورة وبارز منها حتة .. والحتة البارزة دي بتحك فى حاجة تانية مع دوران الماسورة .. وكل ما ازود السرعة كل ما صوت الحك يبقى اسرع)

الصوت ده سمعته وانا بلف يوتيرن (يعني كسرت الدريكسيون على الاخر ناحية الشمال)

لما سمعته يوم الاثنين حصل مرة واحدة وخلاص اختفى .. امبارح بقه سمعته تاني .. وفوجئت انه مستمر مع اي حركة للدريكسيون ناحية الشمال (حتى ولو حركة خفيفة) .. وبصراحة الصوت بقى مرعب شويتين .. وبقيت خايف امشي بالعربية


الحاجة التانية: لاحظت برضه ان الصوت ده بيظهر مع الفرامل .. اول ما ادوس فرامل (خفيف او كبس) بسمع الصوت بشكل عالي ومزعج ..


الحاجة الثالثة: لما باخد يوتيرن وانا مشغل التكييف.. لما اخلص اليوتيرن والدريكسيون يرجع لوضعه الطبيعي بلاقي التكييف بقى عالي فجأة وبيدخل هوا كتير فجأة (كأني عليت المروحة بتاعت التكييف) وبعد فترة يرجع للوضع الطبيعي بتاع التكييف .. معرفش ايه تفسيرها دي

حد عنده فكرة ايه اللى بيحصل ده وممكن يكون سببه ايه؟؟ المشكلة اني حجزت مع التوكيل وهروحله يوم الاثنين الجاي ومش عارف اعمل ايه .. وخايف اتحرك بالعربية

وشكرا

[Hema_Basha]

العربية عاملة كام كيلو دلوقتي

[Hmatchy]

متابع

[الجنرال]

16 الف ونص

[تامر.محمد]

باشا بعيدا عن اي تشخيص , انت في الضمان , يعني توكل على الله و اطلع على التوكيل على طول

[Hema_Basha]

بص هو انا شاكك في حاجة ولله العلم ان يكون تيل الفرامل خلص وده صوت الطنابير لان الاعراض الي بتقول عليها دي كانت عندي

[الجنرال]

بص هو انا شاكك في حاجة ولله العلم ان يكون تيل الفرامل خلص وده صوت الطنابير لان الاعراض الي بتقول عليها دي كانت عندي

ممكن افهم ده فى الفرامل .. لكن ايه علاقة اني اجي الف شمال الاقي الحك ده !!! وايه دخل التكييف بالموضوع !!

العربية هتجنني !!!

[د.عماد صلاح]

روح التوكيل ماتستناش...خير ان شاء الله

[J A G U A R]

مشاكل غريبه الصراحه .. شوف التوكيل هايعمل ايه

[الجنرال]

السلام عليكم ورحمة الله

رحت النهاردة مركز الصيانة لان مكانش ينفع استنى لحد يوم الاثنين وعندي شغل كتير ومحتاج العربية علشان البهدلة

المهم العربية دخلت وقلتلهم على الملاحظات ..

بعد شوية كلموني وقالولي تيل الفرامل لازم يتغير حالا والعربية مينفعش تمشي من غير ما يتغير لانه خلاص انتهى تماما

استغربت الكلام ونزلت قابلت المهندس .. قالتلي ان لو كنت استنيت يوم او اتنين كمان كان هيدخل في الطنابير .. يعني كنت هلبس طنابير كمان !!

مش فاهم ازاي عربية ماشية 16 الف كيلو تغير تيل بالسرعة دي!!

طيب انا لسه معاد الصيانة مجاش !!! ومحدش قالي حاجة عن التيل فى صيانة ال 10 الالاف !!!

المهم باقي الملاحظات قالتلي مفيش اي حاجة فى العفشة .. كل حاجة سليمة ومفيش اي حاجة !!

المهم رحت احاسب على التيل .. المفاجأة !!!!!

التيل: 450 جنيه
الضريبة: 50 جنيه
المصنعية 150 جنيه
الاجمالي 650 جنيه على تيل فرامل هغيره كمان 16 الف كيلو تانيين !!!

لا شكرا .. دي مش عربية

نصيحة لكل اللى لسه بيفكر فى ال301.... اخلع منها
سعر التيل ده اغلى من التيل بتاع الفورد !!
الريو اللى كانت معايا بعتها وهيا ماشية 30 الف كيلو وكان لسه التيل مش محتاج يتغير .. بعتها والبوجيهات كانت لسه قدامها لحد 80 الف (تيتانيوم) .. مش عندي غيرتها على 10 الالاف !!!!!

خرجت من عندهم وانا في دماغي حاجة واحدة .. هبيع العربية وارجع اجيب كوري ان شاء الله

وكفاية 4 شهور اوروبي الحمد لله الواحد مش بيتعلم ببلاش

[Hema_Basha]

انا كنت شاكك في موضوع التيل لان كان عندي نفس الكلام في البيجو
معاك انا عارف انهم موفرين جامد في العربية علشان ينزلوها اقتصادية بس مش بالطريقة دي

[abohend]

انا كنت شاكك في موضوع التيل لان كان عندي نفس الكلام في البيجو
معاك انا عارف انهم موفرين جامد في العربية علشان ينزلوها اقتصادية بس مش بالطريقة دي

ده إسترخاص يا هيما
قطع رديئة و كمان لما أغيرها تبقى بالسعر ده
يعني تيل معفن بيتاكل على 12 ألف و سعره 600 جنيه
كده العربية هتتباع لنا مرة تانية
ال301 مش هتعمر فالسوق و التوكيل لو ملحقش نفسه و غير القطع دي بقطع نضيفة فالضمان يبقى يقول على ال301 السلام
كلها سنة و عدم إعتمادية السيارة هيتعرف للجميع
و سعر إعادة بيعها هيبقى فاﻷرض
و بإذن الله إحنا وراهم
يا أما يتعدلوا يا أما هننشر مشاكلنا في كل حتة (مش بعيد الصحافة) و نضيع على الوكيل أحلام المبيعات و حجوزات ال4 شهور
الله المستعان

[Hema_Basha]

ده إسترخاص يا هيما
قطع رديئة و كمان لما أغيرها تبقى بالسعر ده
يعني تيل معفن بيتاكل على 12 ألف و سعره 600 جنيه
كده العربية هتتباع لنا مرة تانية
ال301 مش هتعمر فالسوق و التوكيل لو ملحقش نفسه و غير القطع دي بقطع نضيفة فالضمان يبقى يقول على ال301 السلام
كلها سنة و عدم إعتمادية السيارة هيتعرف للجميع
و سعر إعادة بيعها هيبقى فاﻷرض
و بإذن الله إحنا وراهم
يا أما يتعدلوا يا أما هننشر مشاكلنا في كل حتة (مش بعيد الصحافة) و نضيع على الوكيل أحلام المبيعات و حجوزات ال4 شهور
الله المستعان

تمام كلامك يا باشا
حتي لما غيرت اول تيل غيرته علي 9000 كم وبعدها بشوية رجعت الصفارة اللي كانت في الاول وصلت 18000 كم لقيته خلص
ده معني كده حتي اما بيغيروا حاجة بيحطوا الحاجة هي هي مش بيحاولوا يشوفوا بديل احسن
بس انا اقسمت بالله لو التيل ده خلص لاهروح امسح بكرامتهم الارض لان مينفعش معاهم الاكده ده انا لحد دلوقتي صارف في التوكيل المعفن ده 4000 ج وكل اللي عملته صيانتين وركبت فوجات

[Mohab555]

السلام عليكم ورحمة الله

رحت النهاردة مركز الصيانة لان مكانش ينفع استنى لحد يوم الاثنين وعندي شغل كتير ومحتاج العربية علشان البهدلة

المهم العربية دخلت وقلتلهم على الملاحظات ..

بعد شوية كلموني وقالولي تيل الفرامل لازم يتغير حالا والعربية مينفعش تمشي من غير ما يتغير لانه خلاص انتهى تماما

استغربت الكلام ونزلت قابلت المهندس .. قالتلي ان لو كنت استنيت يوم او اتنين كمان كان هيدخل في الطنابير .. يعني كنت هلبس طنابير كمان !!

مش فاهم ازاي عربية ماشية 16 الف كيلو تغير تيل بالسرعة دي!!

طيب انا لسه معاد الصيانة مجاش !!! ومحدش قالي حاجة عن التيل فى صيانة ال 10 الالاف !!!

المهم باقي الملاحظات قالتلي مفيش اي حاجة فى العفشة .. كل حاجة سليمة ومفيش اي حاجة !!

المهم رحت احاسب على التيل .. المفاجأة !!!!!

التيل: 450 جنيه
الضريبة: 50 جنيه
المصنعية 150 جنيه
الاجمالي 650 جنيه على تيل فرامل هغيره كمان 16 الف كيلو تانيين !!!

لا شكرا .. دي مش عربية

نصيحة لكل اللى لسه بيفكر فى ال301.... اخلع منها
سعر التيل ده اغلى من التيل بتاع الفورد !!
الريو اللى كانت معايا بعتها وهيا ماشية 30 الف كيلو وكان لسه التيل مش محتاج يتغير .. بعتها والبوجيهات كانت لسه قدامها لحد 80 الف (تيتانيوم) .. مش عندي غيرتها على 10 الالاف !!!!!

خرجت من عندهم وانا في دماغي حاجة واحدة .. هبيع العربية وارجع اجيب كوري ان شاء الله

وكفاية 4 شهور اوروبي الحمد لله الواحد مش بيتعلم ببلاش

معلش يا باشا قدر الله و ماشاء فعل
علشان تعرف قيمه انك سبتنا ورحت لحته تانى ....... ههههههههههه
ناوى تجيب ايه كورى تانى ؟؟؟

[ahmed21782]

معقول يا جماعة تغير تيل بعد 16000 كيلو بس ليه تيل ايه ده انا العربية دى كانت عجبانى جدا لكن بصراحة بعد الى سمعتوا ده صرفت نظر