صدمه على الصبح

[hosahamza]

الحمد لله ربنا اكرمنى باستلام اول سياره لى بيجو 301 فضى
من حوالى اسبوع واستلمت ورقها من يومين
النهارده قلت اتوكل على الله وارخص فى الطريق ولسه باقول يا صبح
اذ فأجه دخل على كارو من غير abs
وحدثت الفاجعه الكبرى



والحمد لله ونجا الفانوس اليمين
طبعا اتعكننت جدااااااااااااااااا
المهم كملت المسيره وتم الفحص وترخيص 3 سنين
وان شاء الله بكره استلم الرخصه والنمر
وتم رد الخبطه على البارد
وقدر الله وما شاء فعل قضاء اخف من قضاء
ودعوااااااااتكم

[J A G U A R]

دى عين والحمد لله انها جات على اد كده وبسيطه الحمد لله
الواحد على طول بردو بيصطبح بحاجات زى كده
بس يعنى ايه دخل على كارو من غير abs

[adelghanem]

الحمد لله انها جات على كده
الحمد لله على كل شئ

[Hema_Basha]

الحمد لله ربنا اكرمنى باستلام اول سياره لى بيجو 301 فضى
من حوالى اسبوع واستلمت ورقها من يومين
النهارده قلت اتوكل على الله وارخص فى الطريق ولسه باقول يا صبح
اذ فأجه دخل على كارو من غير abs
وحدثت الفاجعه الكبرى



والحمد لله ونجا الفانوس اليمين
طبعا اتعكننت جدااااااااااااااااا
المهم كملت المسيره وتم الفحص وترخيص 3 سنين
وان شاء الله بكره استلم الرخصه والنمر
وتم رد الخبطه على البارد
وقدر الله وما شاء فعل قضاء اخف من قضاء
ودعوااااااااتكم

الف الف مبرو ك وربنا يديك خيرها ويكفيك شرها

[rompo10]

قدر الله وماشاء فعل معلش قول الحمد الله بس ايه حكايه ال 301 تقريبا كل الاعضاء عربياتهم اتخبطت

[hosahamza]

كارو من غير abs
اقصد من غير فرامل مانعه للانزلاق
الحصان كان هو اللى سايق
الاخ rompo10
عندك حق بس العربيه فعلا ملفته للنظر اكتر من شخص استوقفنى للسؤال عنها
ربنا يبعد العين عنها

[mahmed0100]

الف مبروك الاستلام .. و قدر الله و ما شاء فعل
متزعلش كلنا تقريبا اتخبطنا من اولها
الحمد لله علي كل حال :)

[uoko000]

الف مبروك والحمد لله انا اتخبط في نفس المكان المخبوط مرتيين سبحان الله عادى جدااً الحمد الله

[Ahmed.Essam]

العربية ال301 دي راكبها جن
قدر الله وما شاء فعل الحمدلله جت سليمة

[Moratoz]

الحمد لله انها جرت علي قد كده

[waleed alsudy]

الحمدلله انك خدت العين بدري وعلى كدا بس
قدر الله وماشاء الله فعل
ابقى اذبح عليها علشان العين بقى
وربنا ينجيك

[S O P H O S]

متزعلش نفسك معلش

[tamer shsh]

قدر الله فكان ربنا يسترها مع الجميع

[maxx]

مفيش عربية تقريبا واحد بيشتريها جديدة دلوقتي الا اما يحصلها حاجة ... تحس ان عيب العربية تفضل سليمة فترة !!! الف مبروك ... ربنا يحفظك ويديك خيرها ويكفيك شرها

[m mosalam]

حاجة غريبة فى العربيةدى كل اللى معاه العربية خبط اكتر عربية بجد محسودة ممكن وانت ماشى تلائيها بتخطف النظر اوى وكمان العين مبترحمش وشكلها ميئولش ان سعر الهايلاين ب136فى ناس بتفتكر انها بربع مليون ولاحاجة