إعـــــــلان

Collapse

.

,
See more
See less

بيجو 2008 اول دفعه تقييم شخصي

Collapse
X
 
  • Filter
  • الوقت
  • Show
Clear All
new posts

  • #31
    ياجماعة انا عامل بالعربية دلواقتي 1480 والتكيﻹ مش بيااثر علي السحب خالص.وبعدين لسة العربية الموتور قافل لسة بعد ال 3000 هتبقي حاجة تانية.العربية مقارنة بالجوك اوسع وبالاخص الكنبة اللي ورا والشنطة واللو امبارح كان قاعد تلاتة صحابي وراء مرتحين ولا حسيت باي مطب.ال 2008 عربية محترمة جدا بس ربنا يستر من التوكيل.

    Comment


    • #32
      الف الف مبروك
      و ربنا يبارك لك فيها و يديكي خيرها و يكفيكي شرها
      [sor2]http://s24.postimg.org/48vqezkw5/1405119604784.jpg[/sor2]
      [SIZE="4"][FONT="Trebuchet MS"][COLOR="Blue"]
      Eng/Mohab Elnahas
      Aviation Engineer[/COLOR][/FONT][/SIZE]

      Comment


      • #33
        الف مبروك وربنا يباركلك فيها بس موضوع التنك ال45 لتر ده صغير اوى على فئة العربيه وجسمها

        يعنى لو رايح رحله 300 كيلو يا دوبك هاوصل واللمبه منوره
        بسم الله الرحمن الرحيم
        سبحانك اللهم وبحمدك ، أشهد أن لا إله إلا أنت أستغفرك وأتوب إليك
        اللهم صل على محمد وعلى آله وصحبه أجمعين

        Comment


        • #34
          لا طبعا التنك 50 انا من يومين حطيت بنزين وكان المؤشر اعلي من النصف بشوية لقيتة حطلي 24 لتر.يعني السيارة 50 لتر.

          Comment


          • #35
            الف الف مبروك عليك

            Comment


            • #36
              تقرير ممتاز جدا

              Comment


              • #37
                الف مبروك ارجوك صور هبعت ايميلي ع الخاص انشاء الآه هشتري اول فقه

                Comment


                • #38
                  تقرير هايل وربنا يباركلك في العربيه دي ويديكي خيرها ويكفيكي شرها

                  Comment


                  • #39
                    ألف ألف مبروك وربنا يباركلك فيها - أنا ناوي عليها إن شاء الله
                    بالنسبة لتنك البنزين : 50 لتر - ومساحة التخزين 360 لتر (الشنطة ) - يعني اصغر شوية من القاشقاي اللي هي 410 لتر .

                    Comment


                    • #40
                      المشاركة الأصلية كتبت بواسطة nav man مشاهدة المشاركة
                      ياجماعة انا عامل بالعربية دلواقتي 1480 والتكيﻹ مش بيااثر علي السحب خالص.وبعدين لسة العربية الموتور قافل لسة بعد ال 3000 هتبقي حاجة تانية.العربية مقارنة بالجوك اوسع وبالاخص الكنبة اللي ورا والشنطة واللو امبارح كان قاعد تلاتة صحابي وراء مرتحين ولا حسيت باي مطب.ال 2008 عربية محترمة جدا بس ربنا يستر من التوكيل.
                      انا قعدت فى عربية واحد زميلى معاه جوك فى الكنبة الخلفية لقيتها ضيقة و تشيل 3 مزنوقين

                      و الاكتر من كدا ومستغرب اوى من عيب بهذا الشكل فى عربية يابانى لقيت صهد غريب و قوى جدا اول لما قعدت فى العربية قادم من ناحية القائم الخلفى ، بحط ايدى عليه لقيته سخن جدا....فين و فين لما التكييف اشتغل حرارته راحت....العزل الحرارى سىء جدا لعربية بهذا المبلغ.....بالاضافة الى انها عربية ناشفة

                      الراجل قبلها كان معاه فورد و باعها بيتحسر عليها و جاب دى علشان عالية عن الارض !!!
                      م / أحمد عبد الخالق

                      Comment


                      • #41
                        هو ليه نور العدادات مش ازرق زي ده ؟؟؟

                        Comment


                        • #42
                          ما شاء الله
                          [CENTER]اللهم أغفر وارحم وثبت من إشتاقت عيني لرؤيتها،ويدي لمصافحتها،واذني لسماع صوتها اللهم اجعل الجنة دار ومستقر لها.
                          اللهم إرحم أمي رحمة واسعة وأسكنها فسيح جناتك
                          [/CENTER]

                          Comment


                          • #43
                            المشاركة الأصلية كتبت بواسطة hebaa مشاهدة المشاركة
                            السلام عليكم ايها الكرام


                            اول مره اعمل موضوع في نايل موتورز بس من متابعينه جدا ..طبعا دورت قبل ما اشتري العربيه اني الاقي موضوع عنها مالقيتش كله مهتم جدا ب 301
                            من فضل الله و ربنا يستر انا من اوائل الناس اللي استلمو البيجو 2008 في مصر حجزتها ايام معرض اتوماك و تخيلت انه هاستنى وقت طويل تاني يوم كلوني على انه في دفعه دخلت و فيها اللون المطلوب
                            الا وهو الابيض اللؤلؤي ...
                            و حصل حوار انه كنت هاستلم الرغبه التانيه وهو الشامبين بس كشرت عن انيابي انه اتسربعت و دفعت تمن العربيه عشان لون معين مش هاينفع اغيره دلوقتي


                            طيب صور


                            و هي لسه في المعرض قبل ما استلمها




                            من تصوير اخويا هي لمض مش زينون بس هالوجين ..و الليدز دي شغاله طول الوقت زي العربيات الجديده الهوندا و كيا و البي ام




                            العدادات مش عليها الاطار الازرق ده و مش عارفه ليه الرخامه دي مع انها هاي لاين ..بس اهو بقى بخل التوكيل ..طبعا استلمت العربيه من غير دوسات و لا حتى ميداليه هديه ..بخلا جلده مش معقول


                            اول ركنه ليها في الجراج



                            و ده اول مشوار ..احمد اخويا كان قاعد ورا عشان يشوف فتحة البانورما احسن ..




                            و دي صوره من البانوراما ..





                            طيب اعذروني في الفنيات انا مش قوي بس ممكن افيد على قد ما اقدر
                            العربيه خزان البنزين 45 لتر و فيه في الشاشه مونيتور يقول قد ايه فاضل في استهلاك البنزين و متوسط الاستهلاك كام تقريبا معايا المتوسط 11 لتر في الكيلو ..
                            كمان في حاجه اسمها trip 1 و trip 2 عشان تحسب الرحلات بمتوسط الاستهلاك قد ايه

                            العربيه فيها فرامل abs و ebd و esp و park sensor
                            و طبعا فيها كروز كنترول ..هو ستخدامه غريب شويه بالنسبه اللي انا متعوده عليه في المرسيدس
                            بس لطيف بالتعود خلاص بقيت بعرف ازبطه ..مفيد خاصه لما بكون عارفه اني هاعدي في منطقه في ردار


                            ايه كمان ؟ ..
                            الفرش الدخلي قماش كده مقاوم للماء بيقولو ..مافيش جلد و اكتر حاجه محبطه جدا مافيش cup holder ! و برضه ماعرفش ليه مع انه مكانها موجود
                            و مافيش arm rest بس وحده التخزين اللي في النص دي لطيفه بتتقفل و بسند عليها
                            كمان طرف الباب عريض و ممكن برضه اسند عليه خاصه في الرحلات الطويله
                            التابلوه من جوه كويس و الجوده بتاعته احسن بكتير من الجوك نظرا لاني كنت بقارن ما بينهم

                            التنبيه بتاع الحزام ظريف للسواق بس و اعتقد بيفصل بعد فتر بس عن نفسي بلبس حزام الامان من ايام ال 504

                            touch screen
                            مقارنه بالسيات ليون برضه اللي كانت في الاعتبار و انا بفكر في 2008 الشاشه الوانها ممتازه و responsive جدا هي بس محتاجه تعود على طريقه استخدامها ,في زراير في الدريسكسون عشان الميديا و عشان تختار ال source اللي هتشغل منه الاغاني
                            في usb ممكن يشغل فلاشه او تشغل الايفون بتاعك عشان يشتغل ipod
                            مافيش grip control و مافيش sat nav

                            بس لو وصلت الايفون و شغلت جوجل مابس بيشتغل على طول و بيطلع الصوت التعليمات من السماعات حتى لو مشغل اغاني بيقطعها
                            بشهاده الناس اللي كلموني في التليفون من البلوتوث بيقولو الصوت واضح و كويس بس كاني فاتحه سبيكر و ده مش بطال

                            العربيه ثابته على الملفات و على المطالع بتاعه الكباري و دي ميزه رهيبه في نظري ..
                            السحب كويس من 0 الى 100 في 9 ثواني او اكتر شويه حسب الزحمه ..
                            في نظري ممتازه بالنسبه لطرق مصر خاصه المطبات ..ساعات بحس انها ناشفه شويه في الحتت المكسره ده لاني بقارنها بالمرسيدس بتاعه بابا و احمد اخويا اللي اكيد هاتكون انعم ..

                            الفتيس 4 سرعات و في مود القياده على الثلج و ده ماجربتوش لسه و المود الرياضي و ده جربته العربيه فعلا بتبقى جاهزه تجري بس بيستهلك بنزين اكتر طبعا ..


                            ده كل اللي انا فاكراه ..لو حد عنده اسلئه او اضافات ياريت يشاركني ..

                            تحياتي
                            انتي جربتي تشغلي جوجل مابس من الموبيل و يظهر علي الشاشه؟؟
                            اصل كل الناس اللي معاها العربيه بيقولوا مينفعش!!

                            Comment


                            • #44
                              لا مينفعش الصوت بس هو اللي بيشتغل علي سماعات العربية.احنا في جروب 2008 بنحاول نشوف حل للموضوع دا.

                              Comment


                              • #45
                                المشاركة الأصلية كتبت بواسطة nav man مشاهدة المشاركة
                                لا مينفعش الصوت بس هو اللي بيشتغل علي سماعات العربية.احنا في جروب 2008 بنحاول نشوف حل للموضوع دا.
                                حضرتك اسمك علي جروب 2008 علي الفيسبوك؟

                                Comment

                                Working...
                                X