هل البيجو 301 إختيار جيد؟ سؤال لمن تخطوا 10000 كيلو

[Ashraf Fawzy]

بحكم إنى من ملاك البيجو 301 هاى لاين الجداد - إستلمتها من شهر و نص - وإستخدامى خفيف للعربية - حوالى 1400 كيلو - فماقدرش أحكم على إعتماديتها المستقبلية - بعد 10000 كيلو - وبصراحة فى ناس بتسألنى هل نجيب العربية ولا لأ, وده شئ بيحيرنى جداً, لإن لو إستثنيت مشكلة قطع خرطوم مية الردياتير عند الترخيص اللى حصلت معايا (وده مش بيحصل للكل, لكن يظل سوء تصميم لمروحة الردياتير) وعدم تحمل مركز الصيانة لتكاليف الإصلاح والنقل, فمش هايكون فى نقص / عيب جوهرى فى السيارة, علماً بإنى لسه ماوصلتش لبعض مشاكل الأعضاء زى تغيير تيل الفرامل و البوجيهات على 10000 كيلو أو أقل.

وعشان كده أسألتى موجهة للملاك اللى تخطوا 10000 كيلو:

إيه رأيكم فى العربية لو تغاضينا عن ضعف خدمة ما بعد البيع من التوكيل المصرى (واللى بسببها بدأنا فى تحرك جماعى لمواجهة التوكيل)؟

هل السيارة إعتمادية؟

هل مازلت شايف إنها تستحق ثمنها؟

هل مازالت العربية تتمتع بالتوازن و الثبات على الطريق على السرعات العالية؟

ياترى قابلتك مشكلة تغيير قطع زى البوجيهات و التيل بصورة مبكرة عما يفترض؟

يا ترى لو حد سألك, هاتنصحه بالعربية؟ و إيه البديل الأفضل زيرو فى نفس الفئة السعرية؟

عموماً لما حد بيسألنى بقوله على مميزاتها و عيوبها وبانصحه إنه يحجزها - لو مازال مقتنع - لغاية مايشوف إيه رد فعل التوكيل المصرى على شكاوينا و مقترحتنا.

[Ahmed_Ta21]

موضوع في محله بصراحة
لان اصبحت في حيرة

انا قلقت من الملاحظات الاتية واتمني حد يطمني بخصوصها:

1- تشغيل التكيف هل يؤثر علي سحب السيارة (علي حد القول بتكون بطة بلدي) ؟
2- التكيف هل فعلا جيداً جداً ويقوم بالتبريد المطلوب؟
3- صوت الموتور هل مزعج (لان بعض الاعضاء صورت لي صورة انه صوته لايطاق)؟
4- استجابة الفتيس هل السحب او التجميع قبل سرعة 60 بطئ او العربية بتكون تقيلة؟ واخبارها ايه لو فيه حمولة ؟ وهل لو وقفت في اشارة مرور مع تشغيل التكيف العربية مش بتسجيب الاستجابة المطلوبة عند التحرك؟
5- هل العربية مع وجود النتشة (بين الاول والتاني) وقت الفرامل بتترج زي ماذكر احد الزملاء وصورها (كان حد ضربها من الوراء)
6- تحديث السوفت وير في صيانة 2500 هل بينهي مشكلة النتشة ولا لازالت قائمة؟


آمل وجود رد يجيب علي هذه التساؤلات بحيادية تامة
نقطة اخيرة هل بيجو 301 هاي لاين افضل ام كيا سيراتوا اول فئة مانيوال ؟ لان بعد الشكاوي من الاعضاء اصبحت ابحث عن بديل اخر في رينج 136000 مع ان اريد البيجو ولم الغي الحجز حتي الان ولكن ماخاب من استشار

[abohend]

كلام تمام

موضوع في محله فعلا
لأن كل التقارير بتبقى في الغالب بعد الإستلام
و بتبقى مليانة بنشوة الزيرو إضافة لضعف الخبرة بالسيارة
في إنتظار رد الملاك اللي إتخطوا 10 آلاف كيلو
و بالله عليكم بلاش المشاركات من عينة .."واحد صاحبي قالي"

[mac os]

انا كنت هحجز العربيه لواحد صاحبى لكن تراجعت لسببين بغض النظر عن الوكيل السيئ مكنتش اعرفانه بالسوء ده لكن الاسباب اولا مفيش مراكز خدمه فى الصعيد كله للبيجو والسبب التانى نشه الفتيس الى موجوده فى الفتيس دى حاجه بعددتنى عنها بالرغم من انى مسمعتش الموضوع ده انه ملحوظ من كل الناس عن البدائل انا شايف افضل بديل ليها الكيا ريو اعلى فئه فيها كل الكماليا ووسائل الامان موتور كويس وفتيس ناعم نفيهوش نتشه بس طبعا الريو اغلى وبيقولوا عفشتها ناشفه شويه لكن دى اقرب حاجه ليها

[dr ahmed saleh]

موضوع رائع وانا هفضل متابع باستمرار ﻷنه هيحدد هل هفضل صارف نظر عن السياره ولا افكر تانى اشتريها بدل الياريس

[engabdelazem]

متابع

[medori]

بحكم إنى من ملاك البيجو 301 هاى لاين الجداد - إستلمتها من شهر و نص - وإستخدامى خفيف للعربية - حوالى 1400 كيلو - فماقدرش أحكم على إعتماديتها المستقبلية - بعد 10000 كيلو - وبصراحة فى ناس بتسألنى هل نجيب العربية ولا لأ, وده شئ بيحيرنى جداً, لإن لو إستثنيت مشكلة قطع خرطوم مية الردياتير عند الترخيص اللى حصلت معايا (وده مش بيحصل للكل, لكن يظل سوء تصميم لمروحة الردياتير) وعدم تحمل مركز الصيانة لتكاليف الإصلاح والنقل, فمش هايكون فى نقص / عيب جوهرى فى السيارة, علماً بإنى لسه ماوصلتش لبعض مشاكل الأعضاء زى تغيير تيل الفرامل و البوجيهات على 10000 كيلو أو أقل.

وعشان كده أسألتى موجهة للملاك اللى تخطوا 10000 كيلو:
انا دلوقتى 13,000، ممكن ارد

إيه رأيكم فى العربية لو تغاضينا عن ضعف خدمة ما بعد البيع من التوكيل المصرى (واللى بسببها بدأنا فى تحرك جماعى لمواجهة التوكيل)؟
مينفعش حاجة زى دى نتغاضى عنها، انا مضطر افضل معاهم عشان الضمان، فلازم اكون satisfied من الخدمة

هل السيارة إعتمادية؟
لسة بدرى برضة على موضوع اعتمادية دى، العربية مكملتش سنة و كل الشكاوى لحد دلوقتى من حاجات استهلاكية الquality بتاعتها مش قد كدة، بس اساسيات العربية مجاش منها شكاوى برضة لحد دلوقتى، طبعا بسبب قلة الوقت، فلسة منقدرش نحكم على اعتماديتها
هل مازلت شايف إنها تستحق ثمنها؟
برضة دى نقطة خلافية، هى مش تستحق تمنها، هى على قد تمنها، بمعنى انا اسعار العربيات فى اخر سنتين ضربت فى العلالى خالص خالص لدرجة ان فى عربيات كورى ب240 و ب250 الف!! بالنسبة لل301 فبغض النظر عن انها تستحق تمنها ولا لأ تظل هى الافضل فى الفئة السعرية دى (هاى لاين ب 135)
هل مازالت العربية تتمتع بالتوازن و الثبات على الطريق على السرعات العالية؟
انا بالنسبالى هى مش ثابتة الثبات اللى انا عايزة من day 1 لأن سواقتى عنيفة شوية و على سرعات كبيرة على الدائرى فمطبات الهوا بصراحة بتعمل معاها شغل مش حلو، stable فى الملفات كلها الواسعة بتاعت الدائرى (جربت لحد 170) لو مفيش مطبات هوا، العربية برضة خفيفة لما بتطلع من نقل على سرعة عالية الهوا بيغربل العربية، اخر حاجة بقيس عليها الثبات الكوبرى اللى فى منزل دائرى المعادى اللى بيعدى على الاتوستراد عشان الكوبرى لافف و فواصلة جامدة، لو العربية ثابتة مش هتحس بالفواصل دى، للأسف فى ال301 و مثيلاتها من الrio و الelantra الشنطة بتلعب مع الفواصل، بالميجان عمرى محسيت بالفواصل دى نهائى
ياترى قابلتك مشكلة تغيير قطع زى البوجيهات و التيل بصورة مبكرة عما يفترض؟
مغير التيل مع صيانة ال10 مع كلام ان كان فاضلة 2000 كمان!!، البوجيهات مفروض فى الجدول التغيير على 20 رغم انى مش مقتنع، فى هبل تانى فى الصيانة زى فلتر التكييف و الهوا اللى كل 10 دول، بتاع 400 جنية كل صيانة فى الهوا كدا، عامة انا رايح و مستحلفلهم على الموضوع دا فى الصيانة الجاية إن شاء الله

يا ترى لو حد سألك, هاتنصحه بالعربية؟ و إيه البديل الأفضل زيرو فى نفس الفئة السعرية؟
انا هرد نفس الرد اللى بردة من day 1 برضة، على حسب احتياجات اللى قدامى فى العربية، انا شايف العربية مناسبة لعيلة مثلا عايزين عربية مريحة و مبيتحركوش كتير بيها هيبقوا satisfied جدا من العربية، شاب و مشوارة طويل كل يوم (زى كدة 50 كيلو رايح و زيهم راجع) و بتاعى جرى و سرعات و كدة مش هيبقى مبسوط منها زى كدة

عموماً لما حد بيسألنى بقوله على مميزاتها و عيوبها وبانصحه إنه يحجزها - لو مازال مقتنع - لغاية مايشوف إيه رد فعل التوكيل المصرى على شكاوينا و مقترحتنا.

[medori]

موضوع في محله بصراحة
لان اصبحت في حيرة

انا قلقت من الملاحظات الاتية واتمني حد يطمني بخصوصها:

1- تشغيل التكيف هل يؤثر علي سحب السيارة (علي حد القول بتكون بطة بلدي) ؟
طبعا بيأثر بس مش لدرجة انة يخليها بطة بلدى و لا حاجة، العربية بتشد برضة كويس بس بتحتاج rpm اعلى من المعتاد عشان تحس بسحبتها اللى انت متعود عليها، تقدر تقول انك بتعمل shift للtorque curve كلة ناحية اليمين شوية على rpm اعلى

2- التكيف هل فعلا جيداً جداً ويقوم بالتبريد المطلوب؟
انا من ساعة ما دخل الحر و انا بشغلة، مفتكرش انى احتجت ازودة عن النص الا لو لسة داخل العربية و درجة الحرارة فيها 37 زودتة ل3 تقريبا شوية و رجعتة تانى ل 2 او اقل، بس انا اغلب الوقت لوحدى و فاتح فتحة التكييف اللى قدامى انا بس او ال2 اللى قدام و قافل اللى فى النص على طول تقريبا، ورا التكييف بيوصل بس ضعيف شوية و بعد وقت و مش بتحس بهوا، بتحس بس ان الجو الطف شوية من برا، فى الصيف اللى فات كنت بحتاج اشغلة على الmax اول ما اركب او لما يكون راكب معايا حد ورا و طبعا دة بيأثر على السحب و استهلاك البنزين بصورة اكبر
3- صوت الموتور هل مزعج (لان بعض الاعضاء صورت لي صورة انه صوته لايطاق)؟
مش للدرجة، من 130 و انت طالع و مش بدرجة الازعاج الفظيعة دى لو انت مشغل الكاسيت مثلا هيدارى كتير من صوتة

4- استجابة الفتيس هل السحب او التجميع قبل سرعة 60 بطئ او العربية بتكون تقيلة؟ واخبارها ايه لو فيه حمولة ؟ وهل لو وقفت في اشارة مرور مع تشغيل التكيف العربية مش بتسجيب الاستجابة المطلوبة عند التحرك؟
برضة المعتاد فى الاوروبى و من الفتيس دة، مش اقل من المتوقع يعنى، يا جماعة لازم نفهم الفتيس شغال ازاى عشان نعرف نتستنى اية من العربية و منطلبش منها حاجة متقدرش تعملها، انا بصراحة نقطة السحب و التجميع دى عمرى مشتكيت منها و يمكن دى احسن حاجة فى العربية لحد دلوقتى، الcase اللى حضرتك ذكرتها بتاعت اشارة و حر و تكييف و غالبا زحمة، اى عربية لازم هتبقى تقيلة فيها، و كمان لازم نكون واقعيين، اشارة و فتحت، انت اصلا مش هتحتاج تجميع سريع، مش هتاخد العربية و تطير يعنى، الا لو انت فى اول صف و الدنيا فاضية قدامك و برضة لازم هتطلع براحة عشان المصريين مبيحبوش يعدوا الا لما اشارة العربيات تفتح، تقريبا لو عدوا و الاشارة قافلة مش بيحسوا انهم عملوا انجاز كافى فلازم يكدرك معاة و يعدى بعد الاشارة متفتح

5- هل العربية مع وجود النتشة (بين الاول والتاني) وقت الفرامل بتترج زي ماذكر احد الزملاء وصورها (كان حد ضربها من الوراء)
ايوة، بس مش طول الوقت لو عرفت تظبط رجلك على البنزين و الفرامل عشان تتحكم فى الغيارات مش هتحس بالرجة الجامدة دى، يعنى دى الexcessive case اوى بس هتحصل معاك برضة فى الزحمة

6- تحديث السوفت وير في صيانة 2500 هل بينهي مشكلة النتشة ولا لازالت قائمة؟
مفرقش عندى ولا فى ال2500 ولا بعدها بالعكس دة زود استهلاك البنزين عن الاول و لا منى طولت عنب الشام و لا بلح اليمن


آمل وجود رد يجيب علي هذه التساؤلات بحيادية تامة
نقطة اخيرة هل بيجو 301 هاي لاين افضل ام كيا سيراتوا اول فئة مانيوال ؟ لان بعد الشكاوي من الاعضاء اصبحت ابحث عن بديل اخر في رينج 136000 مع ان اريد البيجو ولم الغي الحجز حتي الان ولكن ماخاب من استشار

مقدرش افيدك فى موضوع السيراتو لأنى مش بطيق العربية دى على المستوى الشخصى لله فى لله و تجاربة معاها كلها مع الshape القديم و مش كويسة، كلام الناس ان الshape الجديد مخلف عن القديم بس انا مجبرتهاش فمقدرش احكم عليها بصراحة

[faroojj]

متابع

[الجنرال]

موضوع في محله بصراحة
لان اصبحت في حيرة

انا قلقت من الملاحظات الاتية واتمني حد يطمني بخصوصها:

1- تشغيل التكيف هل يؤثر علي سحب السيارة (علي حد القول بتكون بطة بلدي) ؟
تشغيل التكيف مش بيأثر بدرجة كبيرة على السحب .. لو تقلت رجلت على دواسة البنزين هتعوض فرق التأثير .. الموضوع مش تأثير كبير


2- التكيف هل فعلا جيداً جداً ويقوم بالتبريد المطلوب؟
بقالي فترة بشغله باستمرار من اول ما ادخل العربية لحد لما انزل منها رايح جاي (حوالي 100 كيلو يوميا علشان الشغل رايح جاي)
الحمد لله كويس جدا .. الصبح بعمل المروحة على اول درجة بس .. بليل وعلشان الشمس بعمل المروحة على درجتين
التكييف عموما فى العربية حلو بصراحة

3- صوت الموتور هل مزعج (لان بعض الاعضاء صورت لي صورة انه صوته لايطاق)؟
هو مزعج على السرعات العالية .. او لو انت بتسقط نقلة وبتحرق علشان عزم .. لكن مش لدرجة انك مش هتسمع اللى جنبك لو بتتكلموا مع بعض .. لكن طبعا صوته عالي جوه العربية والعزل مش احسن حاجة فى الدنيا

4- استجابة الفتيس هل السحب او التجميع قبل سرعة 60 بطئ او العربية بتكون تقيلة؟ واخبارها ايه لو فيه حمولة ؟ وهل لو وقفت في اشارة مرور مع تشغيل التكيف العربية مش بتسجيب الاستجابة المطلوبة عند التحرك؟
صحيح .. التجميع والسحب قبل سرعة 60 اقل من بعدها .. وبحس فعلا بفرق في العربية قبل 60 وبعد 60
ده الطبيعي بتاع الاوروبي .. وتاني، لو تقلت رجلك على البنزين هتاخد سرعة كويسة .. المشكلة انك مش هتعرف تتقل رجلك على البنزين فى الزحمة .. وده سبب احساس الواحد بان العربية سحبها وحش .. لكن على الطرق السريعة العربية بتجري كويس جدا


5- هل العربية مع وجود النتشة (بين الاول والتاني) وقت الفرامل بتترج زي ماذكر احد الزملاء وصورها (كان حد ضربها من الوراء)
[color=, , 22النتشة دي بتحصل بشكل محسوس لو العربية بتنقل من الاول للتاني على ار بي ام اقل من 2 .. لو الار بي ام اعلى من 2.5 فالنتشة مش محسوسة وتكاد تكون مش موجودة اصلا .. تاني، المشكلة دي بتحصل فى الزحمة لانك مش بتلحق توصل الار بي ام لاكتر من 2.5

حتة مضروبة من ورا دي بتحصل .. اعتقادي انها مشكلة فى السوفت وير او الكنترول بتاع العربية .. لكن بتحصل بشكل مش متكرر ... وملهاش حاجة مربوطة بيها بتحصل معاها .. بس بتحصل احيانا

6- تحديث السوفت وير في صيانة 2500 هل بينهي مشكلة النتشة ولا لازالت قائمة؟
لازالت قائمة


آمل وجود رد يجيب علي هذه التساؤلات بحيادية تامة
نقطة اخيرة هل بيجو 301 هاي لاين افضل ام كيا سيراتوا اول فئة مانيوال ؟ لان بعد الشكاوي من الاعضاء اصبحت ابحث عن بديل اخر في رينج 136000 مع ان اريد البيجو ولم الغي الحجز حتي الان ولكن ماخاب من استشار

ردا على الاسئلة الاساسية فى الموضوع:
العربية كويسة جدا في: التقفيل، الوسع الداخلي - الشكل - الاوبشنز - السعر طبعا
كويسة الى حد ما (متوسط): الموتور والسحب - الفتيس ونقلاته -
سيئة: اعتمادية قطع الغيار، اسعار قطع الغيار، التوكيل اللى مش فاهم حاجة

اخر حاجة .. انا عربيتي سيتروين اليزيه، مش بيجو 301، وان كان الاتنين حاجة واحدة في الاخر، لكن ده هيفرق فى التوكيل

[Muhammad.Salah]

موضوع في وقته جدا ... متابع بشدة وان كنت بفكر في الاليزيه بس زي ما قال الجنرال الاتنين واحد ... وبصراحة الردود لحد دلوقتي هايلة ... بس انا عندي سؤال كمان هل حد يعرف اسعار قطع الغيار بره التوكيل ... لاني بفكر بنسبة كبيرة لما اشتري العربية افكس للتوكيل واتابع مع مركز صيانة محترم

[m mosalam]

يعنى العربية البيجو مش كويسة ولا اية مش فاهم

[dr ahmed saleh]

بتجميع أراء الاعضاء بلاش 301

[الجنرال]

موضوع في محله بصراحة
لان اصبحت في حيرة

انا قلقت من الملاحظات الاتية واتمني حد يطمني بخصوصها:

1- تشغيل التكيف هل يؤثر علي سحب السيارة (علي حد القول بتكون بطة بلدي) ؟
تشغيل التكيف مش بيأثر بدرجة كبيرة على السحب .. لو تقلت رجلت على دواسة البنزين هتعوض فرق التأثير .. الموضوع مش تأثير كبير


2- التكيف هل فعلا جيداً جداً ويقوم بالتبريد المطلوب؟
بقالي فترة بشغله باستمرار من اول ما ادخل العربية لحد لما انزل منها رايح جاي (حوالي 100 كيلو يوميا علشان الشغل رايح جاي)
الحمد لله كويس جدا .. الصبح بعمل المروحة على اول درجة بس .. بليل وعلشان الشمس بعمل المروحة على درجتين
التكييف عموما فى العربية حلو بصراحة


3- صوت الموتور هل مزعج (لان بعض الاعضاء صورت لي صورة انه صوته لايطاق)؟
هو مزعج على السرعات العالية .. او لو انت بتسقط نقلة وبتحرق علشان عزم .. لكن مش لدرجة انك مش هتسمع اللى جنبك لو بتتكلموا مع بعض .. لكن طبعا صوته عالي جوه العربية والعزل مش احسن حاجة فى الدنيا


4- استجابة الفتيس هل السحب او التجميع قبل سرعة 60 بطئ او العربية بتكون تقيلة؟ واخبارها ايه لو فيه حمولة ؟ وهل لو وقفت في اشارة مرور مع تشغيل التكيف العربية مش بتسجيب الاستجابة المطلوبة عند التحرك؟
صحيح .. التجميع والسحب قبل سرعة 60 اقل من بعدها .. وبحس فعلا بفرق في العربية قبل 60 وبعد 60
ده الطبيعي بتاع الاوروبي .. وتاني، لو تقلت رجلك على البنزين هتاخد سرعة كويسة .. المشكلة انك مش هتعرف تتقل رجلك على البنزين فى الزحمة .. وده سبب احساس الواحد بان العربية سحبها وحش .. لكن على الطرق السريعة العربية بتجري كويس جدا


5- هل العربية مع وجود النتشة (بين الاول والتاني) وقت الفرامل بتترج زي ماذكر احد الزملاء وصورها (كان حد ضربها من الوراء)
النتشة دي بتحصل بشكل محسوس لو العربية بتنقل من الاول للتاني على ار بي ام اقل من 2 .. لو الار بي ام اعلى من 2.5 فالنتشة مش محسوسة وتكاد تكون مش موجودة اصلا .. تاني، المشكلة دي بتحصل فى الزحمة لانك مش بتلحق توصل الار بي ام لاكتر من 2.5
حتة مضروبة من ورا دي بتحصل .. اعتقادي انها مشكلة فى السوفت وير او الكنترول بتاع العربية .. لكن بتحصل بشكل مش متكرر ... وملهاش حاجة مربوطة بيها بتحصل معاها .. بس بتحصل احيانا



6- تحديث السوفت وير في صيانة 2500 هل بينهي مشكلة النتشة ولا لازالت قائمة؟
لازالت قائمة


آمل وجود رد يجيب علي هذه التساؤلات بحيادية تامة
نقطة اخيرة هل بيجو 301 هاي لاين افضل ام كيا سيراتوا اول فئة مانيوال ؟ لان بعد الشكاوي من الاعضاء اصبحت ابحث عن بديل اخر في رينج 136000 مع ان اريد البيجو ولم الغي الحجز حتي الان ولكن ماخاب من استشار

[m mosalam]

مفيش عربية كاملة