تحذير السرعة فى 508

[Moataz Adel]

السلام عليكم ورحمة الله، مثبت السرعة بيتشال في توكيل اليمني

استاذ شريف، انا حبقي اسعد لو اتشرفت بلقائك، و لو حابب اوديك للمهندس الي في توكيل اليمني عشان يلغيليك الصوت معنديش مشكلة.

بالنسبة للتظليل انا مركب نانو سيرامك بردو بس ماركة اسمها I'm Johnson

بالتوفيق ان شاء الله.

[sherifffff]

استاذ شريف، انا حبقي اسعد لو اتشرفت بلقائك، و لو حابب اوديك للمهندس الي في توكيل اليمني عشان يلغيليك الصوت معنديش مشكلة.

بالنسبة للتظليل انا مركب نانو سيرامك بردو بس ماركة اسمها i'm johnson

بالتوفيق ان شاء الله.

السلام عليكم استاذ معتز
سعيد بالتواصل معاك
اسف للتاخير في الرد
في الحقيقة العربية بقالها يومين في الصيانة
كان فية رسالة علي الشاشة ان الزيت قليل بالاضافة الي ان الزجاج الايسر الامامي والخلفي مش عايزين يقفلوا
لقوا الزيت ناقص ليتر ونصف
سبتها عندهم يومين وقالولي كان فية قطعة مفروض تتركب قبل المسمار اللي بيقفل علية الزيت اثناء تبديلة واظاهر نسوا يركبوها
والروافع بتاعة الزجاج ( الامامي والخلفي ) باظت مرة واحدة وهيطلبوها من جدة
اللي غايظني انهم حاسبوني علي ٢ ليتر زيت

لسة مطلعها ونازل رايح الشغل لقيت الرفرف الخلفي الايسر والاكصدام محكوكين من عربية بيضة والبوية طالعة

تقريباً نصف العربية الشمال محسود

بالنسبة للانذار هو مش مضايقني بالعكس دة انا لما أجرت كورولا ٢٠١٤ الجديدة اليومين اللي فاتو كنت مفتقدة جداً

بالمناسبة انا اتصدمت من الكورولا الجديدة، الموديل القديم كان احسن بمراحل في كل شئ

نتواصل قريباً بإذن الله

[Moataz Adel]

قدر الله و ما شاء فعل

قدر الله و ما شاء فعل في موضوع الحكة، بسيطة ان شاء الله

بالنسبة لموضوع الازاز من الواضح انه بيتكرر كتير في الرياض و السعودية عامة، لانها حصلت معايا انا كمان من حوالي شهر و نص و غيرت مكنة الازاز قدام شمال علي الضمان طبعا.

يا ريت نتواصل في اقرب فرصة.

[ahmed sa3ed]

هو اة موضوع الازاز دا حتى فى مصر هنا شفت ناس اشتكت ان الازاز وقع جوا الباب ومش بيترفع

[Moataz Adel]

ما هو ده الي حصل معايا و امتي في شهر ابريل في اليوم الي كان فيه عاصفة رملية رهيبة و العربية غرقت تراب بسببها.

حظ عجيب.

[mdhalpha]

انا معايا 508 و مغيش انذار للسرعه انما انذار لحزام الامان حط حزام الامان الصوت حيروح او اشتري من اي محل اكسسوارات كاتم لصوت انذار الحزام و بيركب مكانه