بيجو 301 و الـ esp

[mr.moustafa]

السلام عليكم
اخواني الأعضاء الكرام
لقيت كتيير من أعضاء المنتدى المفروسين من البيجو و اللي عامله ليهم هسهس و خصوصا التراس السيارات الكوري الخربانة
أنا أصلاً مش عارف ازاي جاتلهم الجرأة انهم يقارنوا الفرنسي بالكوري
عموما كنت بقرأ في قسم المقارنات بين البيجو 301 و سيارة تانية و إذ فجأة دخل أحد كبار الحاقدين على البيجو و أفتى أن مافيهاش ESP أو ما يدعى Electronic stability program

أحب أؤكد أن السيارة طبعا فيها ESP
و ده لينك خاص بالـ ESP في البيجو 301 على وكيل بيجو في السعودية (عندي)
Peugeot 301 ESP

[m mosalam]

السيارة ممتازة بس مشكلته الوكيل ( عايز اعرف هل فعلا السيارة ممتازة فعلا ولا لا ياريت رد الملاك اللى اشترو العربية فعلا )

[m mosalam]

استفسار اخر يعنى اية esp وماهى وظيفته

[eng.m7md.ali]

esp ازاااااااي؟

الكلام ده لو في السعودية اكيد مش هيبقى في مصر

[Mohamed.Hany]

صديقي العزيز

البيجو 301 عربية ممتازة جدا في فئتها السعرية , بس للأسف مفيهاش esp في مصر , ودي معلومة اكيدة مليار في المية .
ارجوك تقبل كلامي بصدر رحب , تحياتي لشخصك الكريم

[mr.moustafa]

esp ازاااااااي؟

الكلام ده لو في السعودية اكيد مش هيبقى في مصر

تقدر تتأكد من لينك التوكيل في المشاركة الرئيسية و كمان تقدر تدور على مواصفات البيجو 301 في الامارات او في اوروبا هتلاقي كل مواقع الوكلاء و المواقع الرسمية بتقول ان فيها esp
و هي فعلا هنا في السعودية بتنزل فيها esp

و بالنسبة لمصر حتى لو افترضنا ان مافيهاش esp تبقى ديه مشكلة الوكيل اللي طالب مواصفات خاصة يعني مش مشكلة في مواصفات العربية الرسمية

[amrelsaqqa]

فعلا مفيش esp في اللى بتنزل مصر ومفيش حاجة اسمها ان دايما الاوروبى احسن على طول الخط ....


الكلام ده لو بتقارن افضل ما تستطيع اوروبا تقديمه مع افضل ما تستطيع كوريا تقديمه

انما في الفئات العادية المقارنة ممكنة لان العربيات الصغيرة بتبقى مش معمولة perfect عن قصد لاعتبارات الفئة السعرية والمتطلبات من العربية مع وجود بعض نقط التميز والعيوب طبعا ... او استهداف مميزات معينة من وجهة نظر كل صانع حسب طريقة استهدافه للسوق

يعنى مثلا في الفئات الصغيرة مفيش عربية هتحقق الثبات والنعومة والقوة والراحة والاوبشنز والشكل والوسع والامان والاقتصاد في الوقود في نفس الوقت

كل صانع له اولويات مختلفة حسب الهدف المراد من العربية وسياسته التسويقية والجمهور المستهدف او حسب فلسفة معينة وطبعا حسب امكانياته التكنولوجية بمعنى ايه اسهل حاجة يقدر يوفرها في العربية بتكلفة اقل وفي حدود الميزانية اللى هو محددها للعربية دى ...


عامة لان تقريبا حضرتك لسة مش مقتنع
اولا الـ ESP بيبقى له زرار في التابلوه ، مش موجود في اللى بتنزل مصر
ثانيا في البروشور مكتوب جنب ميزة الـ ESP انها مش دايما متوفرة (حسب الدولة والسوق)

[mr.moustafa]

صديقي العزيز

البيجو 301 عربية ممتازة جدا في فئتها السعرية , بس للأسف مفيهاش esp في مصر , ودي معلومة اكيدة مليار في المية .
ارجوك تقبل كلامي بصدر رحب , تحياتي لشخصك الكريم

و الله انا مش متضايق و لا حاجة و صدري رحب جدا في اي نقاش ، خصوصا ان سعر العربية الرخيص مايخليش حد يطلب من العربية اكتر من حقها ، يعني لو مش بتنزل اصلا و فيها esp فده عادي جدا و على قد سعرها الرخيص
انا بس حبيت اوضح معلومة مهمة خصوصا ان عندي صديق لسه شاري السيارة و انا قعدت اتفحصها و كنت منجذب ليها بشدة و عجبتني جدا خصوصا لسعرها المنخفض و امكانياتها العالية بالنسبة للسعر و هي هنا فيها ESP

اللي بس لفت انتباهي في المنتدى هنا ان فيه اعضاء بيحاولوا يشوهوا صورة السيارة لأي حد عايز يشتريها بدون داعي و دايما يقارنوها بالعربيات الكوري بشكل مستفز

اكرر تاني مافيش مقارنة بين الفرنسي و الكوري من وجهة نظري
على فكرة انا معايا كيا بقالي اكنر من سنة و المفروض اكون متحيز للكوري اكتر بس لما ركبت البيجو بصراحة حسيت بفرق واضح

[mr.moustafa]

فعلا مفيش esp في اللى بتنزل مصر ومفيش حاجة اسمها ان دايما الاوروبى احسن على طول الخط ....


الكلام ده لو بتقارن افضل ما تستطيع اوروبا تقديمه مع افضل ما تستطيع كوريا تقديمه

انما في الفئات العادية المقارنة ممكنة لان العربيات الصغيرة بتبقى مش معمولة perfect عن قصد لاعتبارات الفئة السعرية والمتطلبات من العربية مع وجود بعض نقط التميز والعيوب طبعا ... او استهداف مميزات معينة من وجهة نظر كل صانع حسب طريقة استهدافه للسوق

يعنى مثلا في الفئات الصغيرة مفيش عربية هتحقق الثبات والنعومة والقوة والراحة والاوبشنز والشكل والوسع والامان والاقتصاد في الوقود في نفس الوقت

كل صانع له اولويات مختلفة حسب الهدف المراد من العربية وسياسته التسويقية والجمهور المستهدف او حسب فلسفة معينة وطبعا حسب امكانياته التكنولوجية بمعنى ايه اسهل حاجة يقدر يوفرها في العربية بتكلفة اقل وفي حدود الميزانية اللى هو محددها للعربية دى ...


عامة لان تقريبا حضرتك لسة مش مقتنع
اولا الـ esp بيبقى له زرار في التابلوه ، مش موجود في اللى بتنزل مصر
ثانيا في البروشور مكتوب جنب ميزة الـ esp انها مش دايما متوفرة (حسب الدولة والسوق)

طبعا كلامك مضبوط و فعلا انا قرأت الملحوظة اللي قولت عليها

[mac os]

العربيه كويسه جدا هو عيبها الوكيل مش العربيه نفسها بس دا ميمنعش ان فى عربيات كورى كويسه جدا برده مفيش حاجه اسمها عربيات كورى خربانه والا مكنتش عملت المبيعات الرافيه دى فى امريكا واوربا بس طبعا بره سواء البيجو او الكورى بينزل بانظمه اما اعلى من الى بينزل مصر

[J A G U A R]

ما بالراحه يا عم شويه انت داخل جامد كده ليه ..!!!!!

وعلى فكره انا اللى قولت مفيهاش esp وهيا مفيهاش esp واحب اقولك ان انا من اشد المعجبين بال 301 يعنى مش حاقد ولا حاجه وده كان توضيح منى لعضو كان بيقول انا ال 301 ثابته وبفضل ال esp فانا رديت عليه وقولتله مفيهاش esp ..

وياريت تراجع معلوماتك بالنسبه للعربيات الكورى الخربانه دى .. ده بطريقه كلامك دى محسسنى انها محصلتش الصينى

[amrelsaqqa]

حاجة كمان مهمة
الـ esp مالوش دعوة بثبات العربية في الاحوال العادية يعنى احساسك بالعربية وسهولة المناورة والغرز ، كل ده الـ esp مالوش دعوة بيه
هو بس كل الموضوع انه بيحاول انقاذ العربية في الطوارئ بحيث (لما) خلاص العربية هتخرج عن السيطرة يفرمل عجل ويزود العزم على عجل تانى عشان يعيد العربية لمسارها الصحيح
فماينفعش نقول ان ثبات العربية كويس بفضل الـ esp لان المسؤول عن شعورك طول ما انت سايق واستجابة العربية في الملفات الشاسيه والعفشة والوزن والايروديناميكس
الـ esp ده عامل امان بيعيد الثبات للعربية يعنى مش طول مانا ماشى هخرج العربية عن السيطرة واخلى الـ esp يشتغل كل شوية !

[atia_3000]

مع احترامى لل ٣٠١ ومع العلم انى امتلكها وانا فى السعودية فاحب اوضح انها حتى فى السعودية مفيهاش esp ودى معلومة اكيدة واللى فى السعودية اسبانى زى اللى فى مصر

[J A G U A R]

مع احترامى لل ٣٠١ ومع العلم انى امتلكها وانا فى السعودية فاحب اوضح انها حتى فى السعودية مفيهاش esp ودى معلومة اكيدة واللى فى السعودية اسبانى زى اللى فى مصر

يعنى الاخ صاحب الموضوع طلع بيشتغلنا

[Ahmed Amin]

يعنى الاخ صاحب الموضوع طلع بيشتغلنا

مش بيشتغل حد ولا حاجة, لأن العربية بتنزل فعلاً ب ESP بس في أوروبا.
وهوا كان عنده سوء فهم, ووضح وجهة نظره بالرد دا.

و الله انا مش متضايق و لا حاجة و صدري رحب جدا في اي نقاش ، خصوصا ان سعر العربية الرخيص مايخليش حد يطلب من العربية اكتر من حقها ، يعني لو مش بتنزل اصلا و فيها esp فده عادي جدا و على قد سعرها الرخيص
انا بس حبيت اوضح معلومة مهمة خصوصا ان عندي صديق لسه شاري السيارة و انا قعدت اتفحصها و كنت منجذب ليها بشدة و عجبتني جدا خصوصا لسعرها المنخفض و امكانياتها العالية بالنسبة للسعر و هي هنا فيها ESP

اللي بس لفت انتباهي في المنتدى هنا ان فيه اعضاء بيحاولوا يشوهوا صورة السيارة لأي حد عايز يشتريها بدون داعي و دايما يقارنوها بالعربيات الكوري بشكل مستفز

اكرر تاني مافيش مقارنة بين الفرنسي و الكوري من وجهة نظري
على فكرة انا معايا كيا بقالي اكنر من سنة و المفروض اكون متحيز للكوري اكتر بس لما ركبت البيجو بصراحة حسيت بفرق واضح

وزميلنا عمر السقا وضح له أنها لو فيها ESP هيكون فيها زرار ليه,
وهوا قاله أن أخد باله من الملحوظة دي.
يعني كلنا هنا بنتناقش وبنتعلم من بعض.