أستشارة من أهل الخبرة

[Amr Hussain]

السلام عليكم

انا كنت عايز اخد رايكم فى حاجة معايا فى العربية و هى ان التكييف و انا واقف و مشغلة على 1 او 2 بسمعة يفصل و يرجع يشتغل تانى الكلام دة بيحصل معايا و انا واقف دى اول حاجة عايز استشارتكم فيها

الحاجة الثانية من بعد ما جبت العربية و فولتها من امارات مصر (لانى بعتبرها انظف بنزينه)العربية ادائها اختلف تماما صوت الموتور على و سحبها قل و مع التكييف ياسلام بقا بيقل سحبها جامد

للعلم انا عربيتى مانيوال

و شكرا لكم مقدما

[kokowasfy]

المشكلة الاولى احتمال نقص فريون
و بخصوص بنزينة امارات مصر مش انضف بنزينة ولا حاجة بلعكس انا كل ما افول احس بلعربية مكتومة اااوووى بحس ان البنزين بتاعهم فية حاجة مش تمام لحد ما بطلت احط بنزين من هناك خالص

[Amr Hussain]

المشكلة الاولى احتمال نقص فريون
و بخصوص بنزينة امارات مصر مش انضف بنزينة ولا حاجة بلعكس انا كل ما افول احس بلعربية مكتومة اااوووى بحس ان البنزين بتاعهم فية حاجة مش تمام لحد ما بطلت احط بنزين من هناك خالص

هل نقص الفريون لية تاثير سلبى على الكمبروسر و تنصحنى افول العربية منين

[faroojj]

على فكرة ده مش نقص فريون الطبيعى فى أى عربية أنك كلما ذودت درجة التكييف ذادت وقت عمل الكمبريسور و بالتالى إذا شغلت التكييف على 1 أو 2 فالطبيعى أنه يفصل بدرى المهم أنه يكون بيسقع معاك فى العادى على 1 أو 2 و فى الحر الشديد على 3

[Amr Hussain]

على فكرة ده مش نقص فريون الطبيعى فى أى عربية أنك كلما ذودت درجة التكييف ذادت وقت عمل الكمبريسور و بالتالى إذا شغلت التكييف على 1 أو 2 فالطبيعى أنه يفصل بدرى المهم أنه يكون بيسقع معاك فى العادى على 1 أو 2 و فى الحر الشديد على 3

بس دة بيحصل و العربية واقفة و بيفصل و يشتغل كل 30 ثانية

[م أحمد]

روح لكهربائى ممكن كتاوت بيعلق محتاج تنظيف

[eleanor]

يا فندم ده الطبيعى علشان سرعه المراوح قليله فالحساس بيخلى الكباس يفصل وحتى وانت ماشى لو ركزت معاه هاتلاقيه بيفصل بس خلى بالك لو الجو جوه العربيه سخن مش هايفصل كتير يعنى دايما هاتلاقيه بيفصل بالليل اسرع وعدد مرات اكتر ده طبيعى وماتلعبش فى العربيه

[toty_305]

-هو التكييف بيفصل بناء على سرعة المروحة و لا درجة الحرارة المظبوط عليها :d

-عمري ما حسيت بتكييف عربيه بيفصل دي حتى لو حصلت مش محسوسة.