استهلاك البنزين لل 301

[RoadFinder]

سؤالى عن استهلاك البنزين ده من وجهة نظرى أكيد يهم كل واحد فى ملاك 301 لأن دى الحاجه اللى بندفعها شبه اسبوعيا وساعات كل يومين او تلاتة

الجماعه اللى عدوا ال 3000 كم فما فوق يا ترى بدأوا يحسوا بالرقم المكتوب فى مواصفات ال301 اللى هو 6.4 لتر لكل 100 كم او حتى 7 لتر لكل 100 كم؟

معلش انا شايف الموضوع ده من اهم الحاجات اللى لازم نركز عليها الفترة الجايه زيه زى مشاكل التوكيل لأن لو ظبط معانا استهلاك البنزين اكيد حنحس بميزة ووفر اكتر من تقليل تكلفة الصيانه

ارجو الافادة

[Abou Mohanad]

يا جماعة انا كنت عاوز اعرف نسب الاستهلاك انا حاسس ان اول مربع في التابلوة بيخلص بسرعة بس الحقيقة داخل البلد بس وفي السفر مابيخلصشي بسرعة وعربيتي عاملة 5800 كم

[Abou Mohanad]

يا جماعة انا لاحظت ان المربع الاول في استهلاك البنزين بيخلص بصورة قوي وخصوصا داخل البلد بس بيقعد شوية لما ابقي علي طريق سريع اية الاخبار عندكم

[necol]

انا لسه مستلمة العربية من شهر وعامله 1000كم ومكتنش باخد بالى من الموضوع دة هتابعها وهقولكوا

[abohend]

في السفر فقط

في الطوالي بس (سفر أو طرق مفتوحة)
لكن داخل المدينة مش بتقل عن 9 لتر

[heshammosaad]

الاستهلاك فى الطرق كويس حوالى 6.8 -- 7.2
سرعات 100-120 -130
البلد الاستهلاك عالى
معدل الاستهلاك حوالى 2500 ك
متوسط 10.5 تقريبا 1500 داخلى و 1000 داخلى

[amrelsaqqa]

انا بقالى فترة والمعدل ع الشاشة عندى 9.5
الاستهلاك اللحظى في الزحمة ممكن يوصل لـ 12
والطرق اعتقد مش بتقل عن 7 في السرعات المعقولة وممكن توصل لـ 9 و 10 برضه على السرعات العالية جدا فوق الـ 160

يعنى بنتكلم في رينج من 7-12 يبقى المتوسط 9.5 فعلا اللى هو عندى ع الشاشة دلوقتى للى بيمشى جوة البلد مع طرق سريعة وطرق تعبانة
استهلاكها كويس ع الطرق بس عالى جوة البلد

[m.basha]

انا عندى الاستهلاك عالطول فى رينج 13 و ساعات 14 انا ماشى كله جوه البلد و اغلب الوقت زحمة استهلاك عالى جدا الصراحة و اعتقد بعد اخر صيانة و تحديث للسوفت وير الاستهلاك بقى اعلى من الاول كان قبل الصيانة فى نفس الزحمة 11 او 11.5

[Ashraf Fawzy]

طيب إزاى اقدر أعرف معدل إستهلاك الليترات لكل 100 كيلو فى البيجو هاى لاين؟

أنا بدوس على زرار فى قمة ذراع المساحة و بيظهر على شاشة الكاسيت معدل الإستهلاك 11 ليتر لكل 100 كيلو, هل القيمة دى طبيعية داخل البلد؟ هل الرقم ده بيحدث نفسه تلقائى مع الوقت (11 ليتر لكل 100 كيلو)؟

علماً بإنى وصلت لغاية 1500 كيلو (عشان فى ناس بتقول الإستهلاك بيكون عالى شوية فى اول 1000 كيلو للعربية).

[Abu Malek]

جوا البلد بيكون من 9 الى 11
انما فى السفر والمسافات الطويلة وعلى سرعه 90 - 120 المعدل بيكون عندى من 3.5 الى 5

[raad13]

الموضوع سهل و بسيط جدا و مش محتاج عبقرية انت تروح تمون مثلا ب50 جنيه (27 لتر) و تصفر العداد لما ال27 لتر يخلصوا تشوف انت عملت كام كيلو!! لو مثلا مشيت 350 كيلو يبقى تقسم ال27 على ال350 و تضرب في 100 يبقى كدة انت عندك 7.7 لتر/100 كيلو!! طبعا كمبيوتر العربية بيعملك كل ده بكل سهولة بس ده للناس الي مش عارفة تتعامل معاه

[abohend]

إزاي هعرف؟؟

الموضوع سهل و بسيط جدا و مش محتاج عبقرية انت تروح تمون مثلا ب50 جنيه (27 لتر) و تصفر العداد لما ال27 لتر يخلصوا تشوف انت عملت كام كيلو!! لو مثلا مشيت 350 كيلو يبقى تقسم ال27 على ال350 و تضرب في 100 يبقى كدة انت عندك 7.7 لتر/100 كيلو!! طبعا كمبيوتر العربية بيعملك كل ده بكل سهولة بس ده للناس الي مش عارفة تتعامل معاه

و أنا هعرف منين إن ال27 لتر دول خلصوا ؟؟
مفيش حاجة فكمبيوتر الرحلات بتقول ده (عن المانيوال أتحدث)
يبقى لازم أحسبها عن طريق سعة التانك و أنا خلصت قد ايه منه (نصه-ربعه- و هكذا)

[RoadFinder]

طب بالنسبة للناس اللى عدت الصيانه الاولى و حدثوا السوفت وير وبرضه الاستهلاك بتاعهم ماتحسنش ياترى دى مش تعتبر مشكله والتوكيل لازم يحلها ؟
انا مش بقول ان لازم مسطرة زى ما الكتالوج بيقول 6.5 يعنى 6.5 بس فيه ليميت مسموح بيها يعنى مثلا لحد 7 او 8 بس اكتر من كده اعتقد فعلا فيه مشكلة
معلش يا جماعه انا شايف ان دى اكتر حاجه بتستنزف فلوس بصفه دوريه

[abohend]

طب بالنسبة للناس اللى عدت الصيانه الاولى و حدثوا السوفت وير وبرضه الاستهلاك بتاعهم ماتحسنش ياترى دى مش تعتبر مشكله والتوكيل لازم يحلها ؟
انا مش بقول ان لازم مسطرة زى ما الكتالوج بيقول 6.5 يعنى 6.5 بس فيه ليميت مسموح بيها يعنى مثلا لحد 7 او 8 بس اكتر من كده اعتقد فعلا فيه مشكلة
معلش يا جماعه انا شايف ان دى اكتر حاجه بتستنزف فلوس بصفه دوريه

و لسه القادم أسوأ لما البنزين يبقى ب2.85
ساعتها بقى هنبيع عربياتنا ال1600 و ننرجع ندور على 1300 و 1100 تاني
لنا الله
يا حبيبتي يا 206

[nonalaziza]

و أنا هعرف منين إن ال27 لتر دول خلصوا ؟؟
مفيش حاجة فكمبيوتر الرحلات بتقول ده (عن المانيوال أتحدث)
يبقى لازم أحسبها عن طريق سعة التانك و أنا خلصت قد ايه منه (نصه-ربعه- و هكذا)

انا بعمل حاجه غير كده خالص
انا هاي لاين بس متعودة اني معتمدش عليه بشكل أساسي علشان الدقة
انا بروح افول لحد الزور وبعد كده اصفر العداد
ولما افول بعدها اشوف عملت كام كيلو والتانك خد كام لتر
لو مثلاً 25 وانا عملت 200ك يبقي عملت 8 لتر لكل كيلو.
متهيألي كده هنحسبها بشكل ادق