سمير ريان و الأستلام الفوري

[cauty]

بسم الله الرحمن الرحيم

دلوقتي أنا كنت ناوي أشتري ال301 بكرا بس كلمت سمير ريان قالي الأستلام فوري بتدفع و تستلم في ساعتها و أنا مكنتش مجهز الفلوس فاهستنى بقى لحد ما البنوك ترجع تفتح أعتقد التلات ......
المهم بقى عايز أعرف هو سمير ريان فعلا أحسن معرض و بيدي أرخص سعر ؟ هو قالي البيزلاين ب129 و كسر .. غير كدا هحتاج أخد معايا ميكانيكي و أنا بستلم ولا دا زيرو مش هحتاج ؟؟؟

[Elkordy2000]

كلام المعارض كتير علشان يبيع , اهم من التسليم ان يكون ورق العربيه جاهز ومعتمد لأن ممكن ورق العربيه يأخد اسبوع علي ان تستلمه وترخص , بالنسبه للسعر اسأل في اكتر من معرض , مش لازم سمير ريان يكون اقل سعر علشان هو معرض كبير , وبعدين انت مش محتاج ميكانيكي ولا حاجه ده عربيه زيرو , أهم حاجه انك تشوف العربيه كويس بالنهار لأحسن يكون فيها تجاريح أو حاجه , وراجع علي كل كماليات العربيه , وشييك علي الاضاءه وجميع المفاتيح تعمل بشكل جيد والعده اللي مع العربيه ... والف مبروك مقدما

[cauty]

الله يبارك فيك يا ذوق و أن شاء الله ربنا يوفقني للي فيه الخير

[adel1212]

تحياتي ومبروك مقدما
خد معاك سمكري او حد بتاع دهانات يكون مدقدق و انت بتستلم

[Ahmed Amin]

فعلاً سمير ريان من أرخص المعارض في مصر وأكترهم مصداقية,
فيه ناس كتير أغلي وناس تقولها تعالي والعربية موجودة وهيا مش عندهم.

وكل المعارض بتأخر الورق مش سمير ريان بس.
وبرضه كلم المعارض اللي بتقول عندها وشوف أسعار السوق, وربنا يوفقك بالشراء.
ولو أني أفضل أنك تحجز وتستلم من غير أوفر برايس خصوصاً إن فترة الأنتظار بقت أقل من زمان كتير.

[amr011111]

سمير ريان معرض كبير ومحترم جداً
بس فعلاً اى معرض هتستلم منه العربيه
هتستنى يومين تلاته عقبال ما ورق العربيه يجهز
وممكن تشترط عليه انك هتستلم الورق مع العربيه بس ساعتها هتسيب العربيه عنده لحد الورق ما يجى

[هانى ظرف منصور]

الف مبروك

[m mosalam]

العربية هتزيد تمنها كلو يلحق يحجزها او يشتريها لان فى كلام كتير ان التلات فئات لبيجو 301 هتزيد

[Mohab555]

هو معرض محترم و فعلا ارخص سعر بس يفضل تاخد بتاع بويه علشان يبص على العربيه زيادة امان

[cauty]

الله يبارك فيكوا يا رجاله و ربنا يخليكوا ليا و ميحرمناش منكوا

[maio_do]

بص يا معلم انا جايبها من الليثى شوف فرق الاسعار وشوف عند الطارق مول العرب واحسن سعر جيب منه ومبروك مقدما ولو احتجت حاجه او حد مغاك بلغنى

[civileng5]

هل فيه فئة فعلا ب 110 الف ؟؟ ولو مفيهاش ولاعه هل فيها يو اس بي ؟ولا ازاي الواحد يشغل فلاش او ام بي ثري ؟