استفسار عن بيجو ٣٠١

[Mohamed zaky]

بسم الله الرحمن الرحيم
انا استلمت عربيتي البيجو ٣٠١ من اسبوعين و عليز استفسر عن شوية حاجات .
١ - انا بسمع صوت هوا من ناحية الازاز بتاعي وانا ماشي ؟؟
٢- بحس ان العربية بتعوم بعد ال ١٠٠ .هل دا طبيعي في العربية دي؟؟

برجاء الفادة و نصائحكم و جزاكم الله خيرا

[Ashraf Fawzy]

بسم الله الرحمن الرحيم
انا استلمت عربيتي البيجو ٣٠١ من اسبوعين و عليز استفسر عن شوية حاجات .
١ - انا بسمع صوت هوا من ناحية الازاز بتاعي وانا ماشي ؟؟
٢- بحس ان العربية بتعوم بعد ال ١٠٠ .هل دا طبيعي في العربية دي؟؟

برجاء الفادة و نصائحكم و جزاكم الله خيرا

1- شيل الإريال و جرب تانى. و شوف إذا كان فى فرق ما بين الباب بتاعك و الباب اللى وراه.

2- لأ مش طبيعى.

[Mohamed zaky]

انا اصلا مش مركب الاريال

[Mohamed zaky]

و موضوع العوم ده مش محسسني بامان وانا ماشي ، و مش عارف هل ممكن تكون ضبط زوايا ولا عيب صناعة

[abohend]

على التوكيل

و موضوع العوم ده مش محسسني بامان وانا ماشي ، و مش عارف هل ممكن تكون ضبط زوايا ولا عيب صناعة

متظبطش حاجة بره و أطلع على التوكيل على طول و خلي المهندس يجرب معاك و يسوق بنفسه

[S.Hasan]

متابع

[amrelsaqqa]

مش طبيعى ابدا ان العربية دى تعوم وعلى سرعة تافهة زي سرعة 100
ممكن تحس بقلق عند 150-160 ماشى (ومش عومان برضه يعنى) واحساس ان العربية مش ماسكة اوى في الطريق تبدأ تحسه عند 170-180 غير كدة وﻻ الهوا

انا اول ما جبت العربية واول انطباع عنها انى جبت 130 من غير ما احس مع انى مكنتش ناوى اجري ، ولما جربت الثبات في الاول كذا مرة كنت امشى 120-130 على المحور واشيل ايدى من ع الدركسيون خالص (بحذر طبعا عشان الطوارئ) وما شاء الله العربية ثابتة في مكانها ﻻ بتيجى يمين وﻻ شمال ومكلبشة في الارض والطارة كانت ثابتة تماما


انما تعوم عند 100 ، ﻻ في حاجة غلط ومش دي طبيعة العربية ابدا ، انت ظبطت هوا الكاوتش وﻻ ﻻ؟ وكنت راكب ايه قبلها ؟

[amrelsaqqa]

صوت الهوا من ناحية الباب بتاعك او السقف والبرابريز من قدام لو بعد سرعة 120-130 كبر دماغك ده طبيعى

لو قبل كدة قوللهم في التوكيل
لو من ناحية السقف او من ضهر العربية الاريال فعلا بيعمل الفرق ، وجربت كذا مرة وكذا حد ركب معايا العربية وقاللى في فرق بالاريال وبدون بس الفرق بيبقى عند سرعة 80-90 حتى الاريال الاصلى ضاع منى للاسف ومن يومين جبت اريال تعبان كدة بـ 15 جنيه بيستقبل كويس الى حد ما يعنى 90% ، وجربت العربية بيه ، وصوت دوامة هوا خفيفة ظهر تانى عند 80-90

[Mohamed zaky]

ظبط الهوا تمام ، وانا كنت راكب فيرنا يعني المفروض انا اكتر واحد احس بالفرق بس اللي حاسس بيه ان العربية مش ظابطة بس انا هاضبط زوايا و اشوف وربنا يستر

[amrelsaqqa]

روح قوللهم في التوكيل ما تعملش حاجة بنفسك عشان ﻻقدر الله لو مشكلة اكبر من كدة ما حدش يتلككلك و يقولك انت لعبت في العربية برة

وعامة لو انت حاسس انها قصة زوايا وخلاص وعاوز تريح نفسك من التوكيل ، لما تروح تظبط الراجل هيقولك معنديش مقاسات العربية دى ، قول له يظبط على مقاسات الـ 307 ، ينفع والموضوع ده انا مجربه بنفسى
وان شاء الله بسيطة

بس هى لو مشكلة زوايا المفروض تحس بحدفة في العربية على كل السرعات ، هل عندك حدفة في العربية ؟

[m mosalam]

العربية فعلا ثابته اكيد فى حاجة غلط

[m mosalam]

ظبط الكاوتش او الزوايا مش مظبوطة

[Mohamed zaky]

لا خالص هي لما بزيد عن ال ١١٠ . بس حاجه غريبة ساعات بتحدف و ساعات لا .

[rahmanboud]

متابع بإهتمام لرغبتى فى شراء السيارة