الجديد مع بيجو 2008

[Yusefabouelnga]

ممكن اعرف الفرق اييه

انا عايز اعرف ايه الفرق مبين الفئه الأوله و الهاي لين و ايه مواصفات الامان و اخبار التوكيل ايه..اسف علي الأطاله.

[nav man]

الفرق الهاي لاين فيها شاشة وسقف بانورما وتكييف ديجيتل ونواكل علي الأبواب والمريات وسنسور بارك.أعتقد كد بس.والسعر الهاي لاين ب 188500 والاقل ب 168500

[mostafa afifi]

هو نفس نوع الفتيس بتاع 301 اللي هو. at8. تقريبا
و اخبار الشد و كده ايه... تشد مع سيفيك مثلا ولا ايه ظروفها

[nav man]

لا معرفش هونفس الفتيس بتاع ال 301 والا لا بس الاكيد نفس الموتور والفتيس بتاع ال 208 وبالنسبة للشد انا الحمد كملت بيها 1980 كم وعمرها ما كسفتني وبالذات لما بشغل ال s مود بتبقي طلقة بس انا مفكرتش اشد مع حد علشان احكم

[nav man]

الجديد التكيف فية فتحات الكونصل اللي فية الفتيس .انا لقيت في هواء ساقع طالع من تحت رجلي بحط ايدي بين الكرسي والكونصل لقيت فتحت تكييف.بسال التوكيل انتوا عارفين الفتحة دي الرد طبعا ميعرفوش علشان العربية جديدة.احنا اللي بنقول للتوكيل مش التوكيل اللي بيقولنا.

[nav man]

واللة هيا مكسفتنيش ابدا في الجري ولسة مجربتش الشد مع دد بس اكيد هتكون كويس لانه لما بتبقي علي ال s موود بتحرق جامد وبتجري.والاهم الحمد للة ثبتها جميل علي الطريق واللة انا سرحت شووووووية لقيت نفسي علي 110 وانا مش حاسس .فأكيد من ناحية الشد هتشد. معاك كويس اوي وهتعجبك بس بلاش السيفيك يعني خالني مع حد 120 حصان او 130.

[Ahmed Amin]

هو نفس نوع الفتيس بتاع 301 اللي هو. at8. تقريبا
و اخبار الشد و كده ايه... تشد مع سيفيك مثلا ولا ايه ظروفها

نفس الفتيس أه.

[Ahmed Amin]

الجديد التكيف فية فتحات الكونصل اللي فية الفتيس .انا لقيت في هواء ساقع طالع من تحت رجلي بحط ايدي بين الكرسي والكونصل لقيت فتحت تكييف.بسال التوكيل انتوا عارفين الفتحة دي الرد طبعا ميعرفوش علشان العربية جديدة.احنا اللي بنقول للتوكيل مش التوكيل اللي بيقولنا.

فعلاً فيه تلات فتحات, واحدة في الطابلوة ودي اللي المألوفة في كل العربيات,
وواحدة فوق ناحية الأزاز الأمامي,
وواحدة تحت عشان أيام السقعة لو مشغل الدفاية تدفيك رجليك.

[Ahmed Amin]

واللة هيا مكسفتنيش ابدا في الجري ولسة مجربتش الشد مع دد بس اكيد هتكون كويس لانه لما بتبقي علي ال s موود بتحرق جامد وبتجري.والاهم الحمد للة ثبتها جميل علي الطريق واللة انا سرحت شووووووية لقيت نفسي علي 110 وانا مش حاسس .فأكيد من ناحية الشد هتشد. معاك كويس اوي وهتعجبك بس بلاش السيفيك يعني خالني مع حد 120 حصان او 130.

ربنا يبارك لك فيها يارب,
هيا فعلاً عربية جميلة, كا تصميم خارجي وداخلي,
وكا سحب وأداء وراحة,
منتظرين منك تقرير بقي وياريت لو بالصور بعد أول صيانة ليك في التوكيل.

ونصيحة مني أأمن علي العربية أول سنة علي الأقل لو لسه مش مأمن عشان شكلك كدا غاوي جري والطرق بتاعتنا كلها مفاجأت وغلطات من الغير,
فا خد بالك ومتطلقش لها العنان دايماً, وربنا يستر طريقك.

[nav man]

اللة يكرمك يباشا.انا فعلا مأمن، حاضر ان شاء اللة هعمل تقرير بعد اول صيانة وهي قربت خلاص.

[tamerfawzi]

الف مبروك ربنا يديك خيرها انا قابل علي شرائها بس الفقه الاولي عشان الفلوس
محتاج أعرف في فرق في الشكل الخارجي بالنسبه للفاتين الأولي والتانيه ومقاس الجنط وهل في فرق بردو بين الفاتين يعني لو اشتريت الفقه الاولي فرق كبير هندم ولا الموضوع مش موسر واشكرا وياريت صوره حلوه لابعاد العربيه ارجوك

[tamerfawzi]

أرجوك لو تكرمت كام صوره ع الطبيعه عشان خاطري قبل ما اشتري هقول بسم الله ما شاء الله بجد والله
ممكن تبعتهالي ع الايميل tamerdodo1980@yahoo.com عارف أني رخم معلش سامحني

[nav man]

تمام انا بعتلك صور علي الايميل بتاعك علشان مش عارف انزلها هنا.

[tamerfawzi]

تمام انا بعتلك صور علي الايميل بتاعك علشان مش عارف انزلها هنا.

بسم الله ماشا الله ربنا يديك خيرها ويكفيك شرها حبيبي وصلوا صورتان هم الأهم اشكرك ربنا يخليك الصوره الخارجيه هيا الأهم لتحديد الشكل والبعاد فعلا عربيه تستاهل عاليه ودا الأهم معلش تعبتك انا انشاء الله ناوي اجيب الأبيض بس محتار بين الفقتين فرق ٢٠ الف مش عارف تستاهل الفقه الهاي لان ولا كماليات ممكن الاستغناء عنها وهل فيه فرق بين ٢٠١٤ ٢٠١٥ واشكرا

[maxx]

الف مبروك ... ربنا يحفظك ويحفظهالك