بيجو 307 و مساعده عاجله من أهل الخبره

[Dr.ahmed Uro]

السلام عليكم
انا الحمد لله اشتريت بيجو 307 من أسبوعين " رغم التحذيرات الكتيييير"
هى 2006 عامله 70000 كيلو والحمد لله فابريكه بره وجوه..
كشفت عند أحمد عماره وقال كله تمام..بس حساسات ضغط الفتيس محتاجه تتغير...وقال دى مش قضيه بس تغيرهم يتكلف حوالى 2000 جنيه " بالمصنعيه وتغيير 2لتر زيت فتيس أصلى .. عايز خبرتكم.. هى العربية مش بتكتب أى error لسه بس فى نتشه بين الاول والتانى والعربية بارده ..غير كده تمام الحمد لله
أنا قرأت هنا ان الزيت لازم يتغير كله مش 2لتر بس... لو عايز ممكن اقوله أنى عايز أغيره كله؟؟
ولو فى مكان تانى احسن فين؟؟...انا فكرت اروح التوكيل والناس خوفتنى..
أرجو من اصحاب الخبره يقولولى على احسن مكان أغير فيه زيت الفتيس والحساسات .. انا عارف ان الفتيس هو اهم حاجه فى العربية دى... علشان كده عايز احسن مكان بغض النظر عن الفلوس ..
أرجو الرد ولكم جزيل الشكر

[eng.aboughaly]

متابع

[Dr.ahmed Uro]

???

فين يا جماعه أهل البيجو؟؟؟
55 مشاهده ومفيش معلومه؟!!
ياريت لو حد عنده معلومه ميبخلش بيها لأنى فعلا محتاج مساعده حد عنده عنده خبره..
وشكرا مقدما.

[Ahmed Amin]

أولاً ألف مبروك علي العربية وربنا يبارك لك فيها,
ثانياً أوعي تعمل أي شغل في الفتيس عند أحمد عمارة.
ثالثاً طالما العربية مش بتديك أي Error في المشي جوا البلد والنقل والسحب طبيعي باقي اليوم فانت معندكش مشكلة, والنتشة اللي ما بين الأول والتاني وهيا العربية باردة طبيعي في كل الفتيس ال AL4 بتاع ال 307 وال 406 وأبقي سيب العربية تسخن شوية قبل ما تتحرك بيها أو أمشي بيها أول 5 دقايق هادي لحد ما الزيت يسخن جوا الفتيس وبعد كدا أمشي براحتك.
رابعاً سعر لتر الزيت الأصلي 100 جنيه, يعني لو هيغيرلك لترين يبقي 200 جنيه,
وسعر البلف حوالي 500 يعني البلفين حوالي 1000 جنيه.

ليه بقي تدفع 2000 جنيه في حاجة متتكلفش 1200 وكمان مفهاش مشكلة عندك.؟
أبقي أقراء اللنك دا, دا تجربة ليا عند أحمد عمارة وبسببها منصحكش تروح له تاني لأن مفيش أمانة ولا فيه ضمير من اللي شغالين هناك ومن واقع تجربتي الشخصية معاهم.

http://www.nilemotors.net/Nile/356153-3-307-sw-7.html#post3874989467

ولو عايز ميكانيكي كويس وشاطر فيه واحد بتعامل معاه مؤخراً أسمه علي الدهشوري,
ممكن تعرف مكانه وتقرأ المواضيع دي

http://www.nilemotors.net/Nile/392819-406.html

http://www.nilemotors.net/Nile/414636-a-2.html

[Dr.ahmed Uro]

شكرًا أستاذ أحمد أمين

أولا الف شكر يا أستاذ Ahmed Amin على الرد..أنا والله كنت مستنى ردك لأن انت اللى حببتنى فى البيجو ...
ثانيا هل على الدهشورى ثقه فى حكايه الفتيس بالذات لأنى خايف عليه أوى....من كتر ما سمعت من مشاكل وحكايه تغيير الزيت وظبط الضغط والكميه ...
ثالثا هل أغير الزيت كله ولا أعمل ايه؟؟
كنت قرأت ان الزيت لازم يتغير حتى لو مفيش error لان صاحب العربية مغيروش لغايه دلوقتى .
وبجد آسف على الإطاله.. بس معلش جديد بقى فى البيجو استحملونى....

[m mosalam]

عايز يفتح شغل للاسف

[Dr.ahmed Uro]

عايز يفتح شغل للاسف

قصدك أحمد عماره يعنى؟؟؟
بس انا قرأت حكايه تغيير الزيت دى هنا وإنه مش لايف تايم زى ما ناس كانو بيقولو.

[Ahmed Amin]

أولا الف شكر يا أستاذ Ahmed Amin على الرد..أنا والله كنت مستنى ردك لأن انت اللى حببتنى فى البيجو ...
ثانيا هل على الدهشورى ثقه فى حكايه الفتيس بالذات لأنى خايف عليه أوى....من كتر ما سمعت من مشاكل وحكايه تغيير الزيت وظبط الضغط والكميه ...
ثالثا هل أغير الزيت كله ولا أعمل ايه؟؟
كنت قرأت ان الزيت لازم يتغير حتى لو مفيش error لان صاحب العربية مغيروش لغايه دلوقتى .
وبجد آسف على الإطاله.. بس معلش جديد بقى فى البيجو استحملونى....

الشكر لله يا دكتور أحمد,
وعلي الدهشوري ثقة لأنه شغال في التوكيل فهوا فاهم كويس الشغل بيتعمل أزاي,
وأنا عن نفسي لو هعمل شغل في الفتيس هعمله عنده لأنه عنده خبرة كافية بالموضوع, وبيكون الشغل قصاد عيني.
ولأني شوفت غلطات كتير عند عمارة في شغل الفتيس ومنهم فتيس باظ, ومصنعية مبالغ فيها زي ما كان عايز ياخد مني ٢٠٠ جنيه في تزويد الزيت.!!

الزيت متغيروش لو مفيش مشاكل معاك ولو مش بتجري وتقرص علي العربية, خلي شريف يزودهولك بس لو كان ناقص.
أما لو حابب تغيره فا دا هيبقي أفضل عشان لزوجة الزيت الجديد هتبقي أفضل من القديم اللي فيها.
بس أهم الحاجة طريقة التغيير تكون صح, وبالزيت الأصلي وبس.

ومفيش أطالة ولا حاجة, أبقي طمنا عملت أيه.

[Ahmed Amin]

قصدك أحمد عماره يعنى؟؟؟
بس انا قرأت حكايه تغيير الزيت دى هنا وإنه مش لايف تايم زى ما ناس كانو بيقولو.

مفيش زيت في الدنيا لايف تايم,
كفاءة الزيت بتتغير واللزوجة بتقل بعدد ساعات التشغيل والحرارة.
بس طالما معندكش أي مشاكل ممكن تزود زيت بس لو ناقص.
لو بدأت العربية تنتش مع المشي والسخونية هتبقي اللزوجة بقت مية وساعتها لازم تغير الزيت مش تزود.

[م أحمد]

أحمد باشا أمين نورت القسم من جديد
انا شايف الصفحة الرئيسية صحيت تانى و تعليقاتك منورة المقالات

[Ahmed Amin]

أحمد باشا أمين نورت القسم من جديد
انا شايف الصفحة الرئيسية صحيت تانى و تعليقاتك منورة المقالات

الله يخليك يا م أحمد,
ودا من زوقك بس, المنتدي منور بيك وبكل الناس المحترمة اللي هنا.
وأنا ببقي نفسي أعلق علي كل المواضيع باللي أعرفه بس المشكلة في الوقت.