بيجو 301

[ahmedbadran]

انا كنت ناوي اجيب بيجو 301 بس واضح ان كل الناس اللي جابتها بتقول ان التوكيل نصاب ف حكاية التيل و البوجيهات . . فهل في حل للموضوع دا برة التوكيل حتى لو هتخرج من الضمان لان كدا اصبح الضمان ملوش لازمة !!

[Mahmoud/Nabil]

متابع

[limo81]

انا كنت ناوي اجيب بيجو 301 بس واضح ان كل الناس اللي جابتها بتقول ان التوكيل نصاب ف حكاية التيل و البوجيهات . . فهل في حل للموضوع دا برة التوكيل حتى لو هتخرج من الضمان لان كدا اصبح الضمان ملوش لازمة !!

انا كمان نفس الحكايه، حيره ما بعدها حيره
وفي نفس الوقت الضمان طبعا مهم جدا ، الواحد ما يدفعش دم قلبه و في الآخر ما يلاقيش حد جنبه support
كان فيه واحد في منتدى رينو اشتكي من مشكله فرديه و اكررها فرديه التوكيل ادّاله عربيه نفس الموديل... الي ان يتم حل مشكلته
وهنا مربط الفرس.. ما ينفعش الواحد يستغنى عن التوكيل.. لازم يبقي موجود دعم فني باستمرار continuous technical support

[ahmedbadran]

طب دا توكيل محترم انه عمل كدا رغم انها مشكلة فردية .. بس توكيل بيجو اصلا محلش المشاكل اللي كل الناس بتشتكي منها !!! يبقى ايه فايدة الضمان

[abohend]

مفيش مقارنة

أنت بتقارن الشركة العالمية (وكيل رينو و كيا) بشركة القاهرة للتجارة و التنمية (وكيل بيجو)؟؟!!!

فرق سماء و أرض

صحيح الأتنين غاليين في أسعار قطع الغيار و المصنعيات
و الأتنين خدمتهم التليفونية ممتازة


لكن توكيل رينو و كيا يتميز بالآتي:

• المصنعيات معروفة و ثابتة
• مفيش تغيير لقطعة قبل معادها
• الإعتراف بعيوب الصناعة و عدم تحميل العميل للتكاليف بل و توفير سيارة بديلة في بعض الحالات
• مفيش فصال زي بيجو
• سرعة الخدمة
• منتهى الذوق و الأدب في مراكز الصيانة
• الحرية في إختيار الزيوت
• الإهتمام أثناء قيادة سيارات العملاء (بالله عليكم كام واحد عربيته إتحكت فتوكيل بيجو أثناء الصيانة...أنا عن نفسي أعرف أكتر من خمسة)

من الآخر في كيا و رينو في ضمان
لكن في بيجو الضمان صوري
و أي حاجة العربية هتحتاجها هتتغير على حسابك و يقنعك إن أنت السبب أو البنزين أو الإستخدام أو أي حجة

• أقوله البوجيهات معاد تغييرها مجاش....يقولي أنت بتفول من بنزينة وحشة

و كأن البنزينة دي مبتبقاش وحشة و بنزينها مغشوش غير لما أركب البيجو لكن أي عربية تانية لأ

• التيل ردئ و الناس كلها بتغيره قبل ال10.000

يقولي قطعة إستهلاكية و سوء إستخدام

• تغيير فلاتر (تكييف-بنزين) بدري رغم إنه كان ممكن تتنضف بس.....أصل الجو تراب و البنزين فيه شوائب

• موتور بيسقف (زي العضو wel) ....يقولك البنزين وحش

رغم إن معظم الأعضاء بيعاملوا عربياتهم الزيرو بمنتهى الإهتمام و بيفولوا من أحسن بنزينات و محدش أصلاً بدأ يقرص على العربية....لكن التوكيل بيتهرب كالعادة

يا أخونا ده في عضو عربيته الأكسنت عاملة 50.000 و رايح يعملها صيانة قريب و لسه مغيرش تيل ...بسم الله ما شاء الله
(أدعوا له ربنا يعوضه عشان عربيته إتخبطت و هي واقفة)
http://www.nilemotors.net/Nile/416912-rb.html

[gdwl] [/gdwl][gdwl]
هو مش الأكسنت دي نفس الفئة السعرية و كوري و كخة...ايه الحكاية بقى
[/gdwl]
و يا ريت محدش يفقع مرارتي و يقولي عربية إقتصادية و
عشان كده بيوفروا
أنا مقارنتهاش بفئات أعلى
دايما بقارنها بنفس الفئة السعرية أو أقل كمان


تحياتي للجميع

[mishoooonline]

بيحو وستروين اليزي نفس مصنع و قطع غيار
توكيل ستروين عز العرب ونقل للشركة البافارية
انا روحت مع صاحبي صيانه 5000 وكانو محترمين جدااااااااااااااااااااا
وسالت ف اباظة لما كنا هنشتري 301 لو كنت هاخدها انى هعمل الصيانة ف اي مكان حتى ف الشركة البافارية
قال عادي مفيش مشاكل

[Ahmed_Ta21]

بيحو وستروين اليزي نفس مصنع و قطع غيار
توكيل ستروين عز العرب ونقل للشركة البافارية
انا روحت مع صاحبي صيانه 5000 وكانو محترمين جدااااااااااااااااااااا
وسالت ف اباظة لما كنا هنشتري 301 لو كنت هاخدها انى هعمل الصيانة ف اي مكان حتى ف الشركة البافارية
قال عادي مفيش مشاكل

مش الشركة البافارية دي وكيل bmw؟

هل المقصود ان اقدر اعمل الصيانة في الشركة البافارية واكون كده تبع الضمان ومخرجش منه؟

[limo81]

مثلاً

[m mosalam]

العربية كويسة فى كل حاجة ماعدا التوكيل

[abohend]

لأ طبعاً

بيحو وستروين اليزي نفس مصنع و قطع غيار
توكيل ستروين عز العرب ونقل للشركة البافارية
انا روحت مع صاحبي صيانه 5000 وكانو محترمين جدااااااااااااااااااااا
وسالت ف اباظة لما كنا هنشتري 301 لو كنت هاخدها انى هعمل الصيانة ف اي مكان حتى ف الشركة البافارية
قال عادي مفيش مشاكل

ايه التهجيص ده
ده مندوب لا مؤاخذة
كلام غلط في غلط

يا توكيل بيجو يا مركز خدمة معتمد من بيجو (زي نور الدين في الأسكندرية)

[mohamed hussei]

للسف التوكيل هيودي سمعة العربية في داهية سؤال بئا هو انا ممكن اعمل صيانة ستروين في توكيل بافارية وازاي