301 التيل والبوجيهات مش اخر المشاكل

[tamershahtout]

[size="5"][/size]
]السلام عليكم اعضاء المنتدى الكرام اللى انا إتعلمت منهم كتير جدا قبل ما اشترى معشوقة الجماهير ال 301 واللى بينطبق عليها المثل بتاع الحلو ما يكملشى انا عايز أستأذنكوا اعرض وجهه نظرى فى العربية وليه كتر عليها الكلام أوى كده
أولا لازم أقر بحقيقة إن العربية ممتازة جدا جدا جدا بالنسبة للفئة السعرية دى ولكن يعيبها ان ربنا ابتلانال بتوكيل اقل ما يقال عليه انه غير محترف
لو جينا نفكر كلنا احنا ليه اخترنا العربية دى بالذات من وسط كل العربيات اللى فى الفئة دى واللى محققة نجاح من سنين هنلاقى الإجابة انها عربية محققة معادلة صعبة جدا أوربى وشركة لها سمعة كويسة "بيجو" وبسعر فعلا تنافسى جدا جدا جدا
طيب ازاى الشركة قدرت تحقق المعادلة دى
من وجهه نظرى ده كان عن طريق التوفير فى كل ما هو ليس أساسى أو مستهلك يعنى على سبيل المثال
1- دواخل العربية بالكامل غير مرشوشة "حوض وشنطة"
2- مفتاح واحد بس باليموت والتانى عادى
3- ما فيش انذار
4- ما فيش وحدة رفع
5- بعض الأجزاء صناعة مغربى تقريبا
6- تيل فرامل ردئ
7- بوجيهات رديئة
ع وأنا متوقع ان مشاكل البوجيهات والتيل لن تكون الأخيرة فى العربية دى يعنى هما مسترخصيين فى كل قطع الغيار المستهلكة لكن كل الأساسيات أعتقد ممتازة زى الموتور والفتيس والصاج المحمل وخامات الانتريور
وبكده قدر يحقق المعادلة الصعبة اللى اتكلمنا عليها
المشكلة دلوقتى إن التوكيل بيحمل اسعار قطع الغيار على الملاك والملاك بتقول انا لسه فى الضمان والحاجات دى المفروض ما تستهلكشى دلوقتى
لكن اللى انا عايز اقوله إن التوكيل لازم يفهم ان نوعية ملاك ال 301 مختلفة عن ملاك أى فئة تانية عنده

يعنى اللى بيدفع فوق ال 250000 جنيه فى عربية ممكن يتعامل معاه بالأسلوب ده لكن انا هاتكلم عن نفسى كمالك لل 301 انا وأعتقد كلنا تعبنا جدا علشان نقدر نوفر تمن العربية وما عندناش الاستعداد ولا الأمكانية اننا نتحمل قطع غيار وصيانة بالأسلوب ده فلازم التوكيل ياخد باله كويس من النقطة دى
ده رأيي الشخصى فى الموضوع واسف على الإطالة

[Mohamed GEMY]

كلام محترم وهو بالطريقه دي هيخسر كتير لان في ناس كتير هتبدا تعمل صيانتها خارج التوكيل

[Ahmed_Ta21]

1- دواخل العربية بالكامل غير مرشوشة "حوض وشنطة"
3- ما فيش انذار

ممكن من فضلك توضيح اكتر للنقط دي ويفضل النقطة الاولي بصورة توضيحية
واعتذر لو اثقلت علي حضرتك

[tamershahtout]

العربية نازلة من غير جهاز انذار بالنسبة لنقطة الدواخل
دواخل العربية لونها واحد فى اى عربية تقريبا لونها قريب من البيج" ممهما اختلف لون العربية الخارجى " يعنى مش بتترش وتاخد لون العربية الخارجى

[شريف عدلي]

العربية نازلة من غير جهاز انذار بالنسبة لنقطة الدواخل
دواخل العربية لونها واحد فى اى عربية تقريبا لونها قريب من البيج" ممهما اختلف لون العربية الخارجى " يعنى مش بتترش وتاخد لون العربية الخارجى

مش فاهم ، يعني كل العربيات لونها قريب من البيج بالنسبة للدواخل يعني كلها مش رشه ولا تقصد 301 بس ؟

[size="5"][/size]
]السلام عليكم اعضاء المنتدى الكرام اللى انا إتعلمت منهم كتير جدا قبل ما اشترى معشوقة الجماهير ال 301 واللى بينطبق عليها المثل بتاع الحلو ما يكملشى انا عايز أستأذنكوا اعرض وجهه نظرى فى العربية وليه كتر عليها الكلام أوى كده
أولا لازم أقر بحقيقة إن العربية ممتازة جدا جدا جدا بالنسبة للفئة السعرية دى ولكن يعيبها ان ربنا ابتلانال بتوكيل اقل ما يقال عليه انه غير محترف
لو جينا نفكر كلنا احنا ليه اخترنا العربية دى بالذات من وسط كل العربيات اللى فى الفئة دى واللى محققة نجاح من سنين هنلاقى الإجابة انها عربية محققة معادلة صعبة جدا أوربى وشركة لها سمعة كويسة "بيجو" وبسعر فعلا تنافسى جدا جدا جدا
طيب ازاى الشركة قدرت تحقق المعادلة دى
من وجهه نظرى ده كان عن طريق التوفير فى كل ما هو ليس أساسى أو مستهلك يعنى على سبيل المثال
1- دواخل العربية بالكامل غير مرشوشة "حوض وشنطة"
2- مفتاح واحد بس باليموت والتانى عادى
3- ما فيش انذار
4- ما فيش وحدة رفع
5- بعض الأجزاء صناعة مغربى تقريبا
6- تيل فرامل ردئ
7- بوجيهات رديئة
ع وأنا متوقع ان مشاكل البوجيهات والتيل لن تكون الأخيرة فى العربية دى يعنى هما مسترخصيين فى كل قطع الغيار المستهلكة لكن كل الأساسيات أعتقد ممتازة زى الموتور والفتيس والصاج المحمل وخامات الانتريور
وبكده قدر يحقق المعادلة الصعبة اللى اتكلمنا عليها
المشكلة دلوقتى إن التوكيل بيحمل اسعار قطع الغيار على الملاك والملاك بتقول انا لسه فى الضمان والحاجات دى المفروض ما تستهلكشى دلوقتى
لكن اللى انا عايز اقوله إن التوكيل لازم يفهم ان نوعية ملاك ال 301 مختلفة عن ملاك أى فئة تانية عنده

يعنى اللى بيدفع فوق ال 250000 جنيه فى عربية ممكن يتعامل معاه بالأسلوب ده لكن انا هاتكلم عن نفسى كمالك لل 301 انا وأعتقد كلنا تعبنا جدا علشان نقدر نوفر تمن العربية وما عندناش الاستعداد ولا الأمكانية اننا نتحمل قطع غيار وصيانة بالأسلوب ده فلازم التوكيل ياخد باله كويس من النقطة دى
ده رأيي الشخصى فى الموضوع واسف على الإطالة

أوافقك الرأي 100%

[Sameh.Soliman]

يعنى اتكل على الله واجيب لانسر احسن

[tamershahtout]

العربية ممتازة ولكن مشكلتها فى التوكيل وانشاء الله هنفضل ورا التوكيل لغاية ما يتعدل ويحترم نفسه اعتقد العربية افضل من اللانسر

[amrelsaqqa]

البوجيهات مش سيئة
يعنى مفيش عربية هتنزل زيرو مهما كانت اقتصادية وفيها العبر حتى لو صينى حتى ونقول نازلة ببوجيهات سيئة ، اصل مش اختراع يعنى البوجيهات ومشاكل البوجيهات اللى اتغيرت في التوكيل فردية مش عامة واغلبها اصلا مش عيب مباشر في البوجيهات ، مجرد مشاكل زيادة استهلاك البنزين والتوكيل اول حاجة بيعملها يغير البوجيهات ، من الاخر مش حكم ان في مشكلة عامة في البوجيهات او العربية بتنزل ببوجيهات سيئة ولو انا عملت صيانة الـ 10 ولا الـ 20 ولقيتهم بيقولك تغيير بوجيهات ، يبقوا يغيروا هم على حسابهم او على الاقل اسيبها زي ماهى طالما العربية ما زعلتنيش في حاجة


التيل كذلك ده مش عيب في العربية ومش سيء وما ينفعش نقول عليه رديء لان فرامل العربية ممتازة بشهادة الجميع ولو التيل رديء عمر ما الفرامل تبقى ممتازة

ده عيب في منظومة التيل الجديد الصديق للبيئة ( اللى مش اختراع خاص ببيجو) ونفس المشكلة في النيسان والتويوتا والاوبل والبي ام ( اللى متأكد منهم بس حتى الان ) واي ماركة هتستخدم التيل الجديد الخالى من المواد المسرطنة هيبقى فيها نفس المشكلة حتى اللحظة الى ان يتوصلوا لتكنولوجيا جديدة تجمع بين حفاظه على الصحة والعمر الطويل ...



ايه تانى ممكن يكون مشكلة خفية غير التيل والبوجيهات ، برضه الفلاتر معتقدش ان في حاجة اسمها فلاتر سيئة ده الناس بتجيب الصينى والهندي والتركي وبتركبه وبيعيش ( برضه الحاجات دى مش اختراع يعنى )
الموتور والعفشة ماعليهمش كلام ، الثبات تنافسى جدا جدا في الفئة والفئة اللى بعد الفئة وبرضه بشهادة الجميع
الفتيس الاوتوماتيك ماقدرش احكم عليه لان عربيتى مش اوتوماتيك
الصاج اقوى من عربيات كتير في فئتها والفئة اللى بعدها ( بس مش قوى على الاطلاق يعنى مش زي الاوكتافيا a4 والفيكترا b مثلا .. ! في حتت ضعيفة بالذات الكبوت بس still أقوى من عربيات كتير
العزل معقول في فئتها ، وبالفم المليان الفئة اللى بعد فئتها كمان لأن لما عربية زي اوكتافيا الجديدة ناس تشتكى من العزل بتاعها يبقى well done 301 ..


بالنسبة ان بعض الاجزاء صناعة مغربي ، اللى اعرفه الفانوس الامامى وبصراحة الفانوس مفيهوش غلطة يعنى ده مش عيب في العربية قد ما هو عقدة خواجة وخلاص ، او اننا مفكرين اي دولة عربية الصناعة فيها زي مصر ، وان جينات الفهلوة انتقلت عبر صحراء افريقيا :D

موضوع الدواخل مش مرشوشة ، فعلا ودى حاجة باينة في العربية ما انضحكش عليا فيها ، واعتقد دى من الحاجات اللى حلت المعادلة ، يعنى انا مش زعلان انهم عرفوا يوفروا بذكاء واقتصدوا في مصاريف حاجات مش اساسية زي كالون الباب اليمين وكالون الشنطة وزراير الازاز وعدم وجود مقابض سقف للسائق والراكب الامامى ، لباد الكبوت ، مسند الكنبة... الخ ..

في مقابل انهم ادونى عربية تحفة نزلت بـ 108 الف للمانيوال ، قوية ، 1600 ، ثابتة ، ناعمة ، واسعة ، مريحة ، امنة ، وماركة محترمة

فالرهان دلوقتى ع التوكيل وانه لازم يعامل الناس دى انها شارية ارخص عربية عنده ويشوف العربية دى كانت بتنافس مين في سعر البيع ، وتنافسهم برضه في تكلفة التشغيل وسهولة الصيانة ....

[abohend]

تمام مع بعض التعقيبات

اتفق معاك في معظم كلامك مع بعض التعقيبات

البوجيهات مش سيئة
يعنى مفيش عربية هتنزل زيرو مهما كانت اقتصادية وفيها العبر حتى لو صينى حتى ونقول نازلة ببوجيهات سيئة ، اصل مش اختراع يعنى البوجيهات ومشاكل البوجيهات اللى اتغيرت في التوكيل فردية مش عامة واغلبها اصلا مش عيب مباشر في البوجيهات ، مجرد مشاكل زيادة استهلاك البنزين والتوكيل اول حاجة بيعملها يغير البوجيهات ، من الاخر مش حكم ان في مشكلة عامة في البوجيهات او العربية بتنزل ببوجيهات سيئة ولو انا عملت صيانة الـ 10 ولا الـ 20 ولقيتهم بيقولك تغيير بوجيهات ، يبقوا يغيروا هم على حسابهم او على الاقل اسيبها زي ماهى طالما العربية ما زعلتنيش في حاجة

أنت عارف إنهم مش بيغيروا حاجة على حسابهم أبدأً
و إستهلاك البنزين العالي أكيد هيزعلني و يزود مصاريف التشغيل بشكل ملحوظ

التيل كذلك ده مش عيب في العربية ومش سيء وما ينفعش نقول عليه رديء لان فرامل العربية ممتازة بشهادة الجميع ولو التيل رديء عمر ما الفرامل تبقى ممتازة

ده عيب في منظومة التيل الجديد الصديق للبيئة ( اللى مش اختراع خاص ببيجو) ونفس المشكلة في النيسان والتويوتا والاوبل والبي ام ( اللى متأكد منهم بس حتى الان ) واي ماركة هتستخدم التيل الجديد الخالى من المواد المسرطنة هيبقى فيها نفس المشكلة حتى اللحظة الى ان يتوصلوا لتكنولوجيا جديدة تجمع بين حفاظه على الصحة والعمر الطويل ...

لأ عيب بالنسبة للملاك
و إختيار غير موفق
العربية مش هتتباع في فرنسا و مفيش قانون في مصر بيمنع من تركيب التيل العادي
و العربية موجهة لشريحة متوسطة يهمها مصاريف التشغيل...لازم حاجة زي كده تتحط في الحسبان أو على أقل تقدير تتغير في الضمان

ايه تانى ممكن يكون مشكلة خفية غير التيل والبوجيهات ، برضه الفلاتر معتقدش ان في حاجة اسمها فلاتر سيئة ده الناس بتجيب الصينى والهندي والتركي وبتركبه وبيعيش ( برضه الحاجات دى مش اختراع يعنى )
الموتور والعفشة ماعليهمش كلام ، الثبات تنافسى جدا جدا في الفئة والفئة اللى بعد الفئة وبرضه بشهادة الجميع

الفلاتر مش إختراع..و بلد المنشأ مش مشكلة
بس هما كان ممكن ينضفوهم
لكن هما بيستهبلوا و بيغيروا على حساب العميل

الفتيس الاوتوماتيك ماقدرش احكم عليه لان عربيتى مش اوتوماتيك
الصاج اقوى من عربيات كتير في فئتها والفئة اللى بعدها ( بس مش قوى على الاطلاق يعنى مش زي الاوكتافيا a4 والفيكترا b مثلا .. ! في حتت ضعيفة بالذات الكبوت بس still أقوى من عربيات كتير
العزل معقول في فئتها ، وبالفم المليان الفئة اللى بعد فئتها كمان لأن لما عربية زي اوكتافيا الجديدة ناس تشتكى من العزل بتاعها يبقى well done 301 .

أنا كمان عربيتي مانيوال و مقدرش أحكم على الفتيس الأوتو
و فعلاً العربية متميزة جداً من ناحية الصاج
و معقولة بالنسبة للعزل

بالنسبة ان بعض الاجزاء صناعة مغربي ، اللى اعرفه الفانوس الامامى وبصراحة الفانوس مفيهوش غلطة يعنى ده مش عيب في العربية قد ما هو عقدة خواجة وخلاص ، او اننا مفكرين اي دولة عربية الصناعة فيها زي مصر ، وان جينات الفهلوة انتقلت عبر صحراء افريقيا :D

بلد المنشأ مش قضيتي
ريموت الland cruiser مغربي...عادي
المهم الجودة

موضوع الدواخل مش مرشوشة ، فعلا ودى حاجة باينة في العربية ما انضحكش عليا فيها ، واعتقد دى من الحاجات اللى حلت المعادلة ، يعنى انا مش زعلان انهم عرفوا يوفروا بذكاء واقتصدوا في مصاريف حاجات مش اساسية زي كالون الباب اليمين وكالون الشنطة وزراير الازاز وعدم وجود مقابض سقف للسائق والراكب الامامى ، لباد الكبوت ، مسند الكنبة... الخ ..

في مقابل انهم ادونى عربية تحفة نزلت بـ 108 الف للمانيوال ، قوية ، 1600 ، ثابتة ، ناعمة ، واسعة ، مريحة ، امنة ، وماركة محترمة

فالرهان دلوقتى ع التوكيل وانه لازم يعامل الناس دى انها شارية ارخص عربية عنده ويشوف العربية دى كانت بتنافس مين في سعر البيع ، وتنافسهم برضه في تكلفة التشغيل وسهولة الصيانة ....