الحمد لله استلمت اخيرااااااا .ولكن .... ؟

[kimo-81]

الحمد لله وبفضله استلمت اخيرا 301 ابيض هاىلاين من فرع صلاح سالم من كام يوم
فعلا فرحه الاستلام بتنسيك فترة الانتظارة المميته
استلمت العربية فى لحظات كل الورق كان جاهز اخد حوالى 10 ايام من بعد ما حولت المبلغ كلة
طلعت على الاوتستراد كانت عاملة 2 كيلو
فولت فى بنزينه الامارات وكمان ظبطت الكاوتش كان 43 وكنت بحس بدبة الكاوتش خليتو 32 بصراحه حسيت فعلا بفرق بعدها قولت بقى اشد الرحال على البلد
توكلت على الله واستلمت طريق السخنه وطبعا كنت ماسك نفسى علشان ماجريش . معديتش RPM 3
لحد اما وصلت ملفات السخنه ودى اهم اختبار لأى عربية لأنو طريق مش عادى وكانت النتيجه .......
امتيااااااااااااااااااز ... بجد فعلا سحب وثبات وفرامل ماشاء الله ممتاز
كنت ماشى 140 وملفات وكيكات وفرامل والعربيه ثابته
بعد ماعديت 400 كيلو وبيت ليله فى غارب قررت انى اجرب التكييف بالنهار
اداء مرضى لحد كبير و وتأثيرة خفيف على السحب ومش بتحس بيه انو مكتف العربيه
وصلت لحد 160 وقلت كفايه كده الم نفسى شويه لحد ما وصلت
مجملا العربيه ماشاء الله جميله وتستحق تعب الانتظار
طبعا انتو مستنيين ( ولكن )
ولكن الحلو مبيكملش
وانا بفرج العربيه لأخويا قالى ليه الاسلاك دى باينه كده بصيت عليها لقيت ان فيه cover للوحه الكنترول مش موجود والاسلاك باينه . انا قولت اكيد هيا كده ولما راجعت صور للعربيه للى فى مصر وبره مصر لقيت انو فيها فعلا cover للكنترول
المهم كلمت التوكيل وللأسف قالى هى جاى كده من برة وكل موديلات 2015 كده
انا قولتلو ازاى انتو العربيه تجيلكم كده وتسلموها كده
المهم كلمت 19207 وبلغت شكوى
والنهاردة اكتر من واحد يكلمنى ويحاول يقنعنى انو هى العربيه كده ومفيش تقصير من ناحيتهم
ووصلت معاهم انهم هيبعتوا يجيبو الحجات دى ويحاولو يوفروها للملاك
انا قولتلهم ماشى انا هستنى لحد اما توفرو الحجات دى بس ماتجيش تدفعنى تمنها
سؤالى بقى لحضراتكم هل فعلا الجزء ده مش موجود فى موديلات 2015 كلها





الصورة دة من عربيتى

[cauty]

طيب هو بعيدا عن سؤالك علشان لسه هجبها ان شاء الله الجمعة بس هو أزاي عملت كدا بيها هو مش المفروض تلينها اﻷول ؟ ياعني أخرك تجري على 100 و كمان متفتحش التكيف الا بعد 500 و التلين دا لحد 1000 كيلو!!!!!

[cauty]

و كمان عايز أعرف أنتا رخصت ولا ﻷ و عملت ايه في موضوع خرطوم الريداتير

[faroojj]

الحمد لله وبفضله استلمت اخيرا 301 ابيض هاىلاين من فرع صلاح سالم من كام يوم
فعلا فرحه الاستلام بتنسيك فترة الانتظارة المميته
استلمت العربية فى لحظات كل الورق كان جاهز اخد حوالى 10 ايام من بعد ما حولت المبلغ كلة
طلعت على الاوتستراد كانت عاملة 2 كيلو
فولت فى بنزينه الامارات وكمان ظبطت الكاوتش كان 43 وكنت بحس بدبة الكاوتش خليتو 32 بصراحه حسيت فعلا بفرق بعدها قولت بقى اشد الرحال على البلد
توكلت على الله واستلمت طريق السخنه وطبعا كنت ماسك نفسى علشان ماجريش . معديتش rpm 3
لحد اما وصلت ملفات السخنه ودى اهم اختبار لأى عربية لأنو طريق مش عادى وكانت النتيجه .......
امتيااااااااااااااااااز ... بجد فعلا سحب وثبات وفرامل ماشاء الله ممتاز
كنت ماشى 140 وملفات وكيكات وفرامل والعربيه ثابته
بعد ماعديت 400 كيلو وبيت ليله فى غارب قررت انى اجرب التكييف بالنهار
اداء مرضى لحد كبير و وتأثيرة خفيف على السحب ومش بتحس بيه انو مكتف العربيه
وصلت لحد 160 وقلت كفايه كده الم نفسى شويه لحد ما وصلت
مجملا العربيه ماشاء الله جميله وتستحق تعب الانتظار
طبعا انتو مستنيين ( ولكن )
ولكن الحلو مبيكملش
وانا بفرج العربيه لأخويا قالى ليه الاسلاك دى باينه كده بصيت عليها لقيت ان فيه cover للوحه الكنترول مش موجود والاسلاك باينه . انا قولت اكيد هيا كده ولما راجعت صور للعربيه للى فى مصر وبره مصر لقيت انو فيها فعلا cover للكنترول
المهم كلمت التوكيل وللأسف قالى هى جاى كده من برة وكل موديلات 2015 كده
انا قولتلو ازاى انتو العربيه تجيلكم كده وتسلموها كده
المهم كلمت 19207 وبلغت شكوى
والنهاردة اكتر من واحد يكلمنى ويحاول يقنعنى انو هى العربيه كده ومفيش تقصير من ناحيتهم
ووصلت معاهم انهم هيبعتوا يجيبو الحجات دى ويحاولو يوفروها للملاك
انا قولتلهم ماشى انا هستنى لحد اما توفرو الحجات دى بس ماتجيش تدفعنى تمنها
سؤالى بقى لحضراتكم هل فعلا الجزء ده مش موجود فى موديلات 2015 كلها





الصورة دة من عربيتى

أولا ألف مبروك
و أنا بستلم من أبو رواش المهندس قالى إن غطاء الكنترول مبقاش ينزل مع العربية بس هما بعتوا يجبوه قطع غيار و هيركبوه مع أول صيانة

[eleanor]

الف مبروك وربنا يباركلك فيها ويكفيك شرها وشر عيون الناس
وحضرتك كده شكلك من الصعيد من فين بالظبط

[Ahmed_Ta21]

يخربيت الاستفزاز
يعني المفروض ان موديل 2015 يكون في تغييرات للافضل
نلاقي ان الموديل الجديد بينقصه منه حاجه وده برضه توفير ولا ايه مش فاهم !!!!!!!!

[abohend]

و أنا كمان

تصدق أول مرة آخد بالي
الله ينور عليك
هاخدها من عنيهم إن شاء الله في صيانة ال2500

[Hema_Basha]

الف الف مبروك وربنا يديك خيرها ويكفيك شرها
انا عربيتي موديل 2013 وموجود عندي الكفر ده

[mohamedyounis]

انا مش عارف الغطاء ده عندي ةلا لأ .. هاشوفه !! انا عربيتي 2014 ومش عارف الغطاء ده فيها ولا لأ ؟ لو مش موجود هاطلبه منهم والف شكر لحضرتك انك نبهتنا ..
الف الف مبروك وربنا يبعد عنك الشر ويرزقك خيرها يا رب دايما للافضل
بخصوص التليين ... انا لما استلمت قالولي مفيش تليين ولا حاجة وهي جاية متلينة جاهزة
ربنا يبارك للجميع وفعلا احب اقول انك لما بتستلم بتنسي عناء الانتظار اللي كان 90 يوم

[ali tmam]

بارك الله لك فى سيارتك وجعلها عونا لك على طاعته ورزقك خيرها وابعد عنك شرها

[Mohamed_301]

الف مبروووك ياباشا ربنا يديك خيرها ويكفيك شرهاا ان شاء الله
واهم حاجة شر العيين عشان دى ما بترحمش وبسم الله ماشاء الله
العربيه جميله ربنا يحميهالك :))

[kimo-81]

الله يبارك فى حضراتكم جميعا

الله يبارك فى حضراتكم جميعا ويبعد عنكم وعنى شرها يارب
انا لسه مارخصتش بس مش خالصان من قر الناس دانا نزلت النهارده لقيت عربية ابويا ع الارض
فردتين مريحين ع الجنط . قولتلو استحمد الله انها جات فى عربيتك مش عربيتى
المشكله ان فية ناس كتير مش عارفه العربيه ومش عارفين سعرها وفيه اللى يقوللى الله يسهلك جايب عربيه بنص مليون جنيه
قولتلو انا لو معايا نص مليون جنيه كنت طفشت من وش اهلك
مشكلة ال USB بقى جننتنى
فلاشه تشتغل وفلاشه لا لحد ماكتشفت انها مش بتقبل غير original وبلاش الكروت الصينى
لآنها مقرتش غير كارت 8 جيجا الاصلى بتاع موبايلى والحمد لله شغال كويس
وفعلا البلوتوث فيها حاجه جميلة جدا
بالنسبه لموضوع التليين . هيا فعلا المكنه متلينه جاهزة بس لازم تحس انو العربيه كلها مطبعا تمام
انا الحمد لله حسيت انو الموتور فك وبقى عاوز يطير وبرضو انا مسافر ع الشغل فمش هيكون عندى وقت علشان اطمن على العربيه. انا اه جريت بس مافتريتش عليها وبرضو لما تعود العربيه ع السحب تنعم معاك ولو فيها مشاكل هتبان بسرعه
والله المستعان

[m mosalam]

حجزت من امتى واستلمت بعد اد ايه

[nonalaziza]

الف مبرووووووووووك الاستلام
ربنا يديك خيها و يكفيك شرها و يبعد عنك العين
تصدق انت لفت نظري للغطي دا و هنزل اشوفه بكرة

[د.عماد صلاح]

فعلا مش موجود عندي برضه