فى حد استلم 301 بعد شهر بس من الحجز

[m mosalam]

[amrelsaqqa]

حضرتك استلمت بعد شهر ؟
ما شاء الله

انا اعتقد محدش حقق الرقم القياسى بتاع العبد لله ، استلم بعد اسبوعين من الحجز مع التوكيل :d

حجزت يوم 1/9 كلمونى يوم 15 على الرغبة التانية ، وافقت واستلمت يوم 16

[m mosalam]

ياريت استلم انا كمان انا للاسف داخل على شهر بس لسة مستلمتش انا كنت بسال هل فى حد استلم بعد شهر انت كدة حضرتك طمنتنى ان ممكن استلم قبل ال3 شهور

[m mosalam]

اخبار العربية معاك ايه

[amrelsaqqa]

تمام الحمد لله داخل على 9000 كيلو وهعمل الصيانة قريب ان شاء الله ، لحد دلوقتى معنديش مشاكل مع التيل او البوجيهات ،

بصيت ع التيل وتقريبا فاضل فيه كتير يعنى لو على نفس المعدل ممكن يمشينى لحد 25 الف كيلو مستريح ، مش عارف حظى حلو ولا عشان العربية مانيوال ولا ايه

السحب كويس والثبات جميل ، التكييف تلاجة ، العزل معقول ، متوسط استهلاك البنزين 9-10 لتر / 100 كيلو طرق وجوة البلد مع بعض

العربية حلوة جدا كقيمة مقابل سعر وبصراحة يوم ما احب اغير العربية هدفع كتير اوى عشان احس بتغيير يستاهل يعنى ان شاء الله لما ابيعها بعد فترة اركب بعدها بي ام ولا حاجة :d قول يارب :d

[abohend]

يا رب

تمام الحمد لله داخل على 9000 كيلو وهعمل الصيانة قريب ان شاء الله ، لحد دلوقتى معنديش مشاكل مع التيل او البوجيهات ،

بصيت ع التيل وتقريبا فاضل فيه كتير يعنى لو على نفس المعدل ممكن يمشينى لحد 25 الف كيلو مستريح ، مش عارف حظى حلو ولا عشان العربية مانيوال ولا ايه

السحب كويس والثبات جميل ، التكييف تلاجة ، العزل معقول ، متوسط استهلاك البنزين 9-10 لتر / 100 كيلو طرق وجوة البلد مع بعض

العربية حلوة جدا كقيمة مقابل سعر وبصراحة يوم ما احب اغير العربية هدفع كتير اوى عشان احس بتغيير يستاهل يعنى ان شاء الله لما ابيعها بعد فترة اركب بعدها بي ام ولا حاجة :d قول يارب :d

يا رب يا عمرو (أنا و أنت و الجميع إن شاء الله)

العربية ما شاء الله محترمة جدا و ممتعة في سواقتها و ركوبتها

لكن أظن ممكن تبدأ تحس بفرق من أول الكورولا

واحد زميلنا في المنتدى من ملاك 301 والده إشترى كورولا...ولما جربها حس بفرق كبيييير

تحياتي

[amrelsaqqa]

اكيد كل ما اعلى هيبقى في فروق وحسب بتدور على ايه في العربية
يعنى لما اركب الكورولا مثلا ، لو قارنت نعومة العفشة مثلا بتاعت الكورولا الزيرو ، هقولك ده انا على كدة مكنتش راكب عربية ، وهكذا ... في حين ان عفشة الـ 301 مش وحشة ومدية ثبات حلو للعربية

انا بتكلم في فرق يستااااااااهل يعنى انا عشان ابيع عربيتى واجيب كورولا تقريبا هدفع قرب 100 الف جنيه !! في حين ان النقلة في الاحساس بالعربية ما تساويش 100 الف جنيه بحالهم اكيد !

خليك فخور بالـ 301 ، يا راجل ده انت عندك بطارية جافة فارتا محترمة مش بتنزل في الكورولا في اعلى فئة فيها :d

[m mosalam]

تحياتى لكم جميعا وانا حاسس ان العربية فعلا كويسة ويارب استلم بقى زهقت اوى