إعـــــــلان

Collapse

.

,
See more
See less

صوت صفارة مع الفرامل ... 301 !!!

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    صوت صفارة مع الفرامل ... 301 !!!

    العربية يا دوب عاملة اقل من 3800 كيلو ... وامبارح لما جيت ادوس فرامل خفيف كده علشان اهدي و انا اصلا ماشي بالراحة ... اسمع صوت الفرامل بتصفر (صرير) !!!

    الصفارة دي ما بتبانش غير لما ببقي ماشي على سرعة قليلة و بهدي بالفرامل علشان مطب مثلاً ... تقدر تقول في نقطة معينة في مسافة دواسة الفرامل هي اللي عندها الصوت ده بيظهر ... النقطة دي في اول مسافة الدواسة ... بعدها الصوت بيختفي بس العربية بتبقي كابسة فرامل يعني لو ورايا حد يلبس فيا ...



    اهلاً ... هو احنا بدأنا في الهبل !

    في حين اني على السرعة المتوسطة العالية ما بسمعش الصوت ...


    هروح التوكيل لما نشوف اخرتها !!! وهقولكم على التفاصيل ...
    الكلمات الدلالية (Tags): 301, الفرامل, صفارة, صوت, مع
  • #2
    منتظرينك

    Comment

    • #3
      غير تيل وفورا وميقلكش تراب ولا الكلام الفاضى انا عامل معايا نفس الحوار وانا دلوقتى 11 الف وهبقى اقولك التفاصيل بس قولى انت عملت اية

      Comment

      • #4
        و حضرتك هو عادي انه يغير تيل دلوقتي ؟!
        الأهلي فوق الجميع

        Comment

        • #5
          عادي

          المشاركة الأصلية كتبت بواسطة Mahmoud/Nabil مشاهدة المشاركة
          و حضرتك هو عادي انه يغير تيل دلوقتي ؟!
          عادي ف301
          و العادي إنه يبقى بره الضمان

          ده العادي بتاع بيجو
          [SIGPIC][/SIGPIC]

          Comment

          • #6
            برا الضمان ؟! شكلي هتخانق ...

            Comment

            • #7
              طيب لو اشترينا تيل الفرامل من برا حاجة زي دي

              buycarparts.co.uk/brake-pads-brake-shoes/peugeot/301

              شركة معروفة و يمكن ده يكون افضل من بتاع الوكيل ... التخفيض اللي نازل عليه مخلي تمنه يجي 250 جنيه ... يعني يزيد شوية علشان الشحن برضو هيبقي اقل من الوكيل ... و اعتقد و الله اعلم ان عمره المفروض يبقي طبيعي مش زي بتاع الوكيل ..

              هو اللي الوكيل بيحطه من عنده نوعه ايه اصلا؟

              Comment

              • #8
                متابع

                Comment

                • #9
                  عربيتك مشيت بيها 3800 كيلو وعايز تغير التيل علشان بس عمل صوت صفاره وعلى جزء معين
                  لو بايظ هيصفر اول ما تدوس فرامل لغاية ما تقف
                  وللتأكد هتجرب حل بسيط هتمشى بالعربيه فى شارع فاضى وتضرب فرامل بصوره مستمره
                  يعنى تمشى 50 متر وتضرب فرامل مره واحده وهكذا
                  وبعد كدا انزل بص على الديسكات لو لاقيت خطوط او منطقه عاليه ومنطقه منخفضه يبقى التيل نشف (نحس) وهيحتاج تغيير
                  والتيل بيبوظ مش علشان نوعه ردئ لان ساعات بنغسل العربيه والديسكات سخنه والتيل سخن
                  ودا غلط جدا على سلامه الفرامل وكفاءتها
                  engonear سابقا

                  [CENTER]
                  [SIZE=4][COLOR=Teal]
                  [/COLOR][/SIZE] [/CENTER]

                  Comment

                  • #10
                    المشاركة الأصلية كتبت بواسطة maxx مشاهدة المشاركة
                    طيب لو اشترينا تيل الفرامل من برا حاجة زي دي

                    buycarparts.co.uk/brake-pads-brake-shoes/peugeot/301

                    شركة معروفة و يمكن ده يكون افضل من بتاع الوكيل ... التخفيض اللي نازل عليه مخلي تمنه يجي 250 جنيه ... يعني يزيد شوية علشان الشحن برضو هيبقي اقل من الوكيل ... و اعتقد و الله اعلم ان عمره المفروض يبقي طبيعي مش زي بتاع الوكيل ..

                    هو اللي الوكيل بيحطه من عنده نوعه ايه اصلا؟
                    ايه ده هي بوش نزلت تيل لل301
                    [SIGPIC][/SIGPIC]Www.facebook.com/groups/peugeot.301.fans

                    Comment

                    • #11
                      المشاركة الأصلية كتبت بواسطة a7medsh3rawi مشاهدة المشاركة
                      عربيتك مشيت بيها 3800 كيلو وعايز تغير التيل علشان بس عمل صوت صفاره وعلى جزء معين
                      لو بايظ هيصفر اول ما تدوس فرامل لغاية ما تقف
                      وللتأكد هتجرب حل بسيط هتمشى بالعربيه فى شارع فاضى وتضرب فرامل بصوره مستمره
                      يعنى تمشى 50 متر وتضرب فرامل مره واحده وهكذا
                      وبعد كدا انزل بص على الديسكات لو لاقيت خطوط او منطقه عاليه ومنطقه منخفضه يبقى التيل نشف (نحس) وهيحتاج تغيير
                      والتيل بيبوظ مش علشان نوعه ردئ لان ساعات بنغسل العربيه والديسكات سخنه والتيل سخن
                      ودا غلط جدا على سلامه الفرامل وكفاءتها
                      في نقطتين كده ... انا مش جايب عربية زيرو علشان تصفر مع الفرامل بعد 3800 كيلو بس ... النقطة التانية في عيب في نوع تيل الفرامل في العربية عند اكتر من شخص زميل لينا على المنتدي و الموضوع عامل شكاوي ... علشان كده فكرت في الحل البديل ... و في كل الأحوال شكراً لردك و اهتمامك ... و انا عارف ان الموضوع بسيط لأنه في نقطة معينة في مسافة الفرامل ... بس تقدر تقول كده هو بالنسبة ليا زي جرس انذار علشان قصة ردائة نوع تيل الفرامل بتاع الوكيل ...

                      المشاركة الأصلية كتبت بواسطة hema_basha مشاهدة المشاركة
                      ايه ده هي بوش نزلت تيل لل301
                      اه يا ريس المواقع بتاعة قطع الغيار نازل عليها بوش و حاجات تانية كمان
                      اللي انا حاطط اللينك بتاعه ده سعرة 26 يورو اعتقد ده كويس و في نسخة تانية داخل فيها سيراميك في التصنيع سعره اغلي من اللي انا حطيت اللينك بتاعه (بوش برضو) عامل حوالي 50 يورو شامل الضريبة.

                      وحسب ما قريت هنا ان اللي داخل في تصنيعه سيراميك ده عمره اطول وكفاءته احسن.

                      Comment

                      • #12
                        المشاركة الأصلية كتبت بواسطة maxx مشاهدة المشاركة
                        في نقطتين كده ... انا مش جايب عربية زيرو علشان تصفر مع الفرامل بعد 3800 كيلو بس ... النقطة التانية في عيب في نوع تيل الفرامل في العربية عند اكتر من شخص زميل لينا على المنتدي و الموضوع عامل شكاوي ... علشان كده فكرت في الحل البديل ... و في كل الأحوال شكراً لردك و اهتمامك ... و انا عارف ان الموضوع بسيط لأنه في نقطة معينة في مسافة الفرامل ... بس تقدر تقول كده هو بالنسبة ليا زي جرس انذار علشان قصة ردائة نوع تيل الفرامل بتاع الوكيل ...


                        اه يا ريس المواقع بتاعة قطع الغيار نازل عليها بوش و حاجات تانية كمان
                        اللي انا حاطط اللينك بتاعه ده سعرة 26 يورو اعتقد ده كويس و في نسخة تانية داخل فيها سيراميك في التصنيع سعره اغلي من اللي انا حطيت اللينك بتاعه (بوش برضو) عامل حوالي 50 يورو شامل الضريبة.

                        وحسب ما قريت هنا ان اللي داخل في تصنيعه سيراميك ده عمره اطول وكفاءته احسن.
                        علي فكرة انا اول واحد فكرت في الحل البديل وقولتلهم في التوكيل انا مش هركب النوعية اللي بتحطوها دي تاني
                        وحاجة تانية انا مش عاوز اصدمك واقولك ان ده مش يورو ده جنيه استرليني
                        [SIGPIC][/SIGPIC]Www.facebook.com/groups/peugeot.301.fans

                        Comment

                        • #13
                          المشاركة الأصلية كتبت بواسطة Hema_Basha مشاهدة المشاركة
                          علي فكرة انا اول واحد فكرت في الحل البديل وقولتلهم في التوكيل انا مش هركب النوعية اللي بتحطوها دي تاني
                          وحاجة تانية انا مش عاوز اصدمك واقولك ان ده مش يورو ده جنيه استرليني
                          دوروا برقم المنتج على جوجل هيطلعلكم مواقع تانيه وباسعار اقل وباليورو
                          رقم المنتج 0 986 494 027
                          الموقع ده بيبعه ب 18.5 يورو
                          Jeu de 4 plaquettes de frein à disque BOSCH - 0 986 494 027 pour votre voiture au meilleur prix - Freinage - Freins à disque - Jeu de 4 plaquettes de frein avant - Jeu de 4 plaquettes de frein à disque - 0 986 494 027

                          بس المشكلة فى الشحن هتشحن لمصر ازاى ؟؟
                          Eng. Mohammed Adel

                          egypt0 سابقا

                          Comment

                          • #14
                            أنا كمان بسمع صوت الصفارة لما بدوس فرامل بس لما بشغل التكييف، كان في موضوع اتعمل قبل كدة و اتقال إنه عادي عشان تيل الفرامل لسه بيطبع أو فيها تراب، الكلام ده مظبوط ولا لأ؟ أنا عامله 1100 كيلو و عامله صيانة ال ٣ شهور

                            Comment

                            • #15
                              المشاركة الأصلية كتبت بواسطة Hema_Basha مشاهدة المشاركة
                              علي فكرة انا اول واحد فكرت في الحل البديل وقولتلهم في التوكيل انا مش هركب النوعية اللي بتحطوها دي تاني
                              وحاجة تانية انا مش عاوز اصدمك واقولك ان ده مش يورو ده جنيه استرليني
                              تمام ... اعتقد ان الحل البديل هو الأكثر عملية ... و نفس الكلام ممكن يحصل مع البوجيهات اللي بتبوظ بسرعة برضو دي ... و يورو من استرليني احنا كده بنتكلم في فرق مش كبير برضو ... يمين شمال فلوس هتدفع ... بس عايزينها تدفع في حاجة كويسة تريحنا وتقعد فترة طبيعية زي اي عربية طبيعية ...

                              المشاركة الأصلية كتبت بواسطة egypt0 مشاهدة المشاركة
                              دوروا برقم المنتج على جوجل هيطلعلكم مواقع تانيه وباسعار اقل وباليورو
                              رقم المنتج 0 986 494 027
                              الموقع ده بيبعه ب 18.5 يورو
                              Jeu de 4 plaquettes de frein à disque BOSCH - 0 986 494 027 pour votre voiture au meilleur prix - Freinage - Freins à disque - Jeu de 4 plaquettes de frein avant - Jeu de 4 plaquettes de frein à disque - 0 986 494 027

                              بس المشكلة فى الشحن هتشحن لمصر ازاى ؟؟
                              في شركات شحن بتدخل على الموقع بتاعها و تعمل Account و هما بيدولك عنوان بإسمك في اكتر من دولة ... و لما بتشتري حاجة من الدولة دي بتبعته على العنوان بتاعك ... و هما بيحولوه اوتوماتيكي علي عنوانك الأصلي في مصر (ربنا يتوب علينا) ... و بتعملهم تفويض علشان يخلصولك الجمارك ... انا جربت الموضوع ده في شحن حاجات طلبتها من امازون في امريكا و الحاجات وصلت في 3 اسابيع بما فيهم تخليص الجمرك اللي طول شوية.


                              المشاركة الأصلية كتبت بواسطة lola_pepito مشاهدة المشاركة
                              أنا كمان بسمع صوت الصفارة لما بدوس فرامل بس لما بشغل التكييف، كان في موضوع اتعمل قبل كدة و اتقال إنه عادي عشان تيل الفرامل لسه بيطبع أو فيها تراب، الكلام ده مظبوط ولا لأ؟ أنا عامله 1100 كيلو و عامله صيانة ال ٣ شهور
                              مش عارف بصراحة ايه علاقة التكيف بالفرامل ... جربي اسألي مشرف قسم بيجو هو راجل محترم جداً و فاهم كويس ... انا الصفارة عندي بتحصل في نقطة معينة في مسافة دواسة الفرامل وعلى سرعات منخفضة بس ... يعني الموضوع لسه في اوله عندي ... لسه التيل ما جابش اخره.

                              Comment

                              السابق 1 2 template التالي
                              Working...
                              X