الحمد لله قدر الله و ما شاء فعل

[nonalaziza]

الحمد لله علي كل شئ
كنت في مشوار و نزلت لقيت العجله الخلفيه يمين علي الأرض
مخي وقف عن التفكير وكل اللي فكرت فيه ان حد هيطلعلي حالا
مكنتش متخيله إني جبانة اوى كده بصراحة
المهم الحمد لله الحاج جالي علي طول و نفخهالي مؤقتاً لحد ما اطلع علي اول بنزينه بس حسيت انها بتطلع هوا
المهم رحت زودتها و طلعت ع البيت و اتأكدت فعلاً انها بتهوي بكره هغيرها بالأستبن واطلع اكشف ع العجله علشان اعرف اتخرمت من ايه ؟؟؟
السؤال بقي هل ينفع امشي ع الاستبن واصلح دي و اخليها هي الاستبن دا لو ينفع تتصلح

[eslam.maghawry]

أيوة عادى جدا تمشي على الاستبن بس لو محددة بسرعة يبقى نلتزم بالتعليمات
ونصيحة لو لقدر الله مخرومة لحام داخلي أفضل من الخابور
وممكن متكونش محرومة بس البلف بينفس

[غزلة]

طبعا ينفع هوالاستبن معمول علشان كده

[nonalaziza]

مندوب البيع قالي تمشي عادي بس معرفش ايه الصح بصراحة.

[m mosalam]

كويس انها جت فى الكاوتش وعادى تمشى على الاتبن بس بسرعة متوسطة

[J A G U A R]

هو ايه اصلا اللى هايمنع الاستبن انه يمشى ..

اهم حاجه الكاوتش اللى مخروم يتصلح فى اسرع وقت بدل الاستبن هو كمان ينام

[nonalaziza]

انا هغير الفردة و اصلحها و لو شغاله تمام هرجع اركبها تاني مكانها

[Adnfalcon]

الاستبن سرعته القصوي 80 تقريبا
صلحي العجله و ركبيها وخلي الاستبن عند الطوارئ فقط

[maio_do]

غريب جدا موضوع العجلة اللى نايمة انتى لسه مستلمه ابقى عرفينا اية اللى حصل فيها

[nonalaziza]

استلمت من شهر و تقريباً عملت 500 ك
و معرفش ممكن اصلحها فين

[kokowasfy]

الاستبن سرعته القصوي 80 و عادى صلحى الكوتش بس اهم حاجة اعملية لحام داخلى بلاش خوابير و امشى بية عادى جدا جدا

[m mosalam]

الكاوتش بتاعها طرى اوى ميسحملش قرف شوارعنا

[Mohamed_301]

الحمد لله على كل حال وقدر الله ماشاء فعل وان شاء الله بسيطه
وربنا يبعد عنك شرها ويديكى خيرها يارب ان شاء الله

[nonalaziza]

الحمد لله صلحت الكاوتش النهاردة
طلع مسمار ابن لذينه و كان لسه موجود و لحمته لحام داخلي من بريدجستون.
متشكرة جداااااا لكل الاعضاء اللي ساعدوني و افادوني